សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បើទោះបីជាស្ថិតនៅក្នុងដំណាក់កាលនៃវិបត្តិកូវីដ១៩ ក៏ដូចជាវិបត្តិនៃសេដ្ឋកិច្ចសាកលក្ដី ប៉ុន្តែសម្រាប់តម្លៃដីធ្លីនៅក្នុងខណ្ឌមួយចំនួនក្នុងរាជធានីភ្នំពេញនៅតែរក្សាបាននូវតម្លៃល្អប្រសើរ ដោយក្នុងនោះ ខណ្ឌចំនួន៥ ត្រូវបានគេមើលឃើញថាមានតម្លៃខ្ពស់ជាងគេក្នុងឆមាសទី១ ឆ្នាំ២០២៣នេះ ។
ពាក់ព័ន្ធទៅនឹងតម្លៃអចលនទ្រព្យ ក៏ដូចជាតម្លៃដីធ្លីនៅក្នុងរាជធានីភ្នំពេញ ថ្ងៃនេះ ពីសារព័ត៌មាន AMS Economy នឹងបង្ហាញពីសក្ដានុពល និងតម្លៃដីតាមបណ្ដាចំនួនខណ្ឌ៥ ដែលមានអត្រាខ្ពស់ជាងគេ ដើម្បីជាទុន និងជាព័ត៌មានចែកជូនសម្រាប់វិនិយោគិន ក៏ដូចជាប្រជាពលរដ្ឋពិចារណាមុនការសម្រេចចិត្តទិញ ឬលក់ ។
១.ខណ្ឌដូនពេញ ៖ ខណ្ឌនេះ តម្លៃដីធ្លីមានចាប់ពី ២១០០ដុល្លារអាមេរិកក្នុងមួយម៉ែត្រការ៉េរហូតដល់ ១៣ ០០០ដុល្លារអាមេរិកក្នុងមួយម៉ែត្រការ៉េ ក្នុងនោះដែរសង្កាត់ដែលមានតម្លៃខ្ពស់ជាងគេគឺសង្កាត់ផ្សារថ្មីទី១ ទី២ និងទី៣ គឺចន្លោះពី ២៨០០ដុល្លារទៅ ១៣០០០ដុល្លារក្នុងមួយម៉ែត្រការ៉េ អាស្រ័យទៅតាមទីតាំងជាប់ផ្លូវធំ ឬផ្លូវតូច ។ ចំណែកសង្កាត់ដែលដីធ្លីមានតម្លៃទាបជាងគេក្នុងខណ្ឌនេះ គឺសង្កាត់វត្តភ្នំ ស្ថិតនៅចន្លោះពី ២៦០០ដុល្លារអាមេរិកទៅ ៦០០០ដុល្លារអាមេរិកក្នុងមួយម៉ែត្រការ៉េអាស្រ័យលើទីតាំង ។
២.ខណ្ឌ ៧មករា ៖ ខណ្ឌនេះស្ថិតនៅក្នុងចំណោមខណ្ឌទាំង៥នៅក្នុងរាជធានីភ្នំពេញ ជាតំបន់ដែលមានតម្លៃខ្ពសជាងគេ ក្នុងនោះដែរ តម្លៃដីអាចមានចន្លោះពី ២២០០ដុល្លារអាមេរិកដល ៧ ៨០០ដុល្លារអាមេរិកក្នុងមួយម៉ែត្រការ៉េ អាស្រ័យទៅលើទីតាំង ។
៣.ខណ្ឌបឹងកេងកង ៖ បឹងកេងកងជាខណ្ឌដែលជាប់ឈ្មោះល្បីមកយូរហើយ ជាតំបន់ដែលមានតម្លៃដីខ្ពស់ជាងគេ ដោយក្នុងឆមាសទី១ឆ្នាំ ២០២៣នេះ ខណ្ឌបឹងកេងកង មានតម្លៃដីចន្លោះពី ២ ៧០០ដុល្លារអាមេរិកដល់ ៩ ៨០០ដុល្លារអាមេរិកក្នុងមួយម៉ែត្រការ៉េ ក្នុងនោះដីក្នុងសង្កាត់បឹងកេងកង១មានតម្លៃចន្លោះពី ៤ ៨០០ដុល្លារទៅ ៩ ៨០០ដុល្លារក្នុងមួយម៉ែត្រការ៉េ និងដីនៅសង្កាត់ទំនប់ទឹកមានតម្លៃទាបជាងគេក្នុងខណ្ឌ ស្ថិតនៅចន្លោះពី ២ ៧០០ដុល្លារទៅ ៦ ៥០០ដុល្លារអាមេរិកកក្នុងមួយម៉ែត្រការ៉េ ។
៤.ខណ្ឌចំការមន ៖ ខណ្ឌនេះ ជាតំបន់ដែលមានការអភិវឌ្ឍមួយនៅក្នុងរាជធានីភ្នំពែញដីធ្លីក៏មិនសូវជាទាបប៉ុន្មានដែរ ដោយតម្លៃដីស្ថិតនៅចន្លោះពី ១ ៥០០ដុល្លារអាមេរិកទៅ ៧ ២០០ដុល្លារអាមេរិកក្នុងមួយម៉ែត្រការ៉េ ។
៥. ខណ្ឌទួលគោក ៖ ខណ្ឌទួលគោកតម្លៃដីក្នុងឆមាសទី១ ឆ្នាំ២០២៣នេះក៏ឃើញថារក្សាស្ថិរភាពល្អប្រសើរដែរ ដោយស្ថិតនៅក្នុងចន្លោះពី ១ ៨០០ដុល្លារអាមេរិកទៅ ៦ ០០០ដុល្លារអាមេរិកក្នុងមួយម៉ែត្រការ៉េ ។
ខណ្ឌទាំង៥នេះត្រូវបានមើលឃើញថា ជាខណ្ឌនៅកណ្ដាលទីក្រុង ហើយបច្ចុប្បន្ននេះវាប្រមូលផ្ដុំទៅដោយសំណង់អគារខ្ពស់ៗ ហើយសម្រាប់អ្នកដែលទិញដីពីតំបន់ទាំងនោះ ភាគច្រើនគឺជាអ្នកអភិវឌ្ឍន៍ បើពួកគាត់ទិញហើយនឹងរង់ចាំឱកាសសាងសង់អគារខ្ពស់ៗច្រើនជាន់ តែបើទិញសម្រាប់បុរី ឬសង់ឃ្លាំង មិនអាចឱ្យពួកគាត់រកប្រាក់ចំណេញបាននោះទេ ៕
Account
Security
Favourite Content