សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទំពាំព្រិច (Forest bamboo shoot ) ជាប្រភេទទំពាំងព្រៃដែលដុះដោយឯកឯងនៅដើមខែវស្សា ខណៈដែលមេឃធ្លាក់ភ្លៀងច្រើន ធ្វើឱ្យធនធានធម្មជាតិ ជីវៈចម្រុះ លូតលាស់យ៉ាងស្រស់បំព្រង ហើយក្នុងនោះទំពាំងព្រិចក៏កំពុងតែបញ្ចេញបណ្ដូលខ្ចីគួរឱ្យចង់ទទួលទានផងដែរ ជាពិសេសកាត់យកមកធ្វើជាជ្រក់តែម្ដង។
យោងតាមក្រសួងបរិស្ថាន ទំពាំងព្រិច ជាអាហារដ៏មានប្រជាប្រិយភាព ដែលគេអាចយកមកធ្វើជាម្ហូបបានច្រើនមុខ ដូចជា សម្លស្ងោរទំពាំង សម្លឆា សម្លប្រហើរ សម្លខ្ទិះដូង ខជើងជ្រូក ធ្វើអន្លក់(ទឹកគ្រឿង) ចុចប្រហុកជាមួយម្ជូរក្រសាំង ពិសេសធ្វើជាជ្រក់ទំពាំងដែលមានរសជាតិស្រួយឆ្ងាញ់។
ក្រៅពីមុខម្ហូបដែលសំបូរទៅដោយសារធាតុចិញ្ចឹមជាច្រើនហើយនោះ ទំពាំងព្រិចក៏ជាចំណីសម្រាប់សត្វព្រៃដូចជា សត្វទន្សោង សត្វឈ្លូស ជ្រូកព្រៃ ដែលកំពុងរស់នៅក្នុងតំបន់ដែនជម្រកសត្វព្រៃសង្ឃរុក្ខាវ័នផងដែរ។
ទំពាំងព្រិច ត្រូវបានគេប្រទះឃើញ ដុះតាមព្រៃព្រិច ព្រៃរបោះ ក្នុងខេត្តសម្បូរព្រៃឈើ ដូចជា ខេត្តស្ទឹងត្រែង រតនគិរី មណ្ឌលគិរី និងព្រះវិហារជាដើម។ គួរបញ្ជាក់ដែរ ទំពាំព្រិច ជាអាហារដ៏ពេញនិយមសម្រាប់បងប្អូនចូលចិត្តទទួលទានទំពាំង ពិសេសជ្រក់ទំពាំងព្រិចដែលគេនិយមទិញយកទៅទទួលជាមួយត្រីអាំង និងអាចរក្សាទុកបានយូរ ដោយអាជីវករអាចលក់បានចាប់ពី ២៥០០០រៀលក្នុងមួយកំប៉ុង (កន្លះគីឡូក្រាម)ឡើងទៅ៕
Account
Security
Favourite Content