ភ្នំពេញ ៖ នៅក្នុងខែឧសភា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញចូលរួមក្នុងព្រឹត្តិការណ៍សំខាន់ចំនួន២នៅបរទេសដែលលើកទី១ជាកិច្ចប្រជុំកំពូលអាស៊ាន-អាមេរិកនៅទីក្រុងវ៉ាស៊ីនតោន សហរដ្ឋអាមេរិក និងលើកទី២ ជាវេទិកាសេដ្ឋកិច្ចពិភពលោកដែលប្រព្រឹត្តឡើងនៅប្រទេសស្វីស។ តាមរយៈព្រឹត្តិការណ៍ទាំងពីរក្រោមវត្តមានរបស់សម្ដេចតេជោ ត្រូវបានអ្នកជំនាញរំពឹងថានឹងអាចទាក់ទាញវិនិយោគិនបរទេសជាច្រើនទៀតឱ្យចូលមកកាន់កម្ពុជា ។

នៅក្នុងដំណើរទៅកាន់សហរដ្ឋអាមេរិកកាលពីពេលថ្មីៗនេះ សម្ដេចតេជោ ហ៊ុន សែន បានទទួលជួបជាមួយធុរជនសំខាន់ៗជាច្រើនដោយបានបង្ហាញពីសក្ដានុពលវិនិយោគនៅកម្ពុជា។ ក្រៅពីនេះ មន្ត្រីជាន់ខ្ពស់ដែលអមដំណើរសម្ដេចតេជោក៏បានជួបជាមួយនឹងវិនិយោគិន និងតំណាងក្រុមហ៊ុនល្បីៗប្រចាំសហរដ្ឋអាមេរិក និងក្រុមហ៊ុនដែលធ្លាប់មានទំនាក់ទំនងពាណិជ្ជកម្មនៅក្នុងប្រទេសកម្ពុជាផងដែរ។

ដោយឡែក សម្រាប់ដំណើររបស់សម្ដេចទៅកាន់ប្រទេសស្វីសក្នុងការចូលរួមវេទិកាសេដ្ឋកិច្ចពិភពលោក សម្ដេចក៏គ្រោងនឹងជួបជាមួយនឹងវិនិយោគិនអឺរ៉ុបជាច្រើនផងដែរ។ តាមរយៈសកម្មភាពរបស់សម្ដេចតេជោនៅលើឆាកអន្តរជាតិទាំង២នេះ បណ្តាវិនិយោគិនកម្ពុជាមួយចំនួនក៏មានឱកាសក្នុងការទទួលបានវិនិយោគិនបរទេសជាដៃគូផងដែរ។
អ្នកស្រី អាន សុធីតា អគ្គនាយិកាក្រុមហ៊ុន PropNex Cambodia បានមានប្រសាសន៍ថា ការជួបជុំរបស់ប្រមុខដឹកនាំជាន់ខ្ពស់កម្ពុជាជាមួយវិនិយោគិនបរទេសដោយផ្ទាល់នឹងនាំមកនូវការវិនិយោគបន្ថែម ប៉ុន្តែសំណួរសួរថា តើកម្ពុជាបានត្រៀមខ្លួនក្នុងកិច្ចស្វាគមន៍វិនិយោគិនបរទេសទាំងនោះហើយឬនៅ ?
អ្នកស្រីបន្តថា រយៈពេលចុងក្រោយនេះ កម្ពុជាបានរៀបចំនូវគម្រោងមួយចំនួនក្នុងការទាក់ទាញវិនិយោគិនអន្តរជាតិ មិនថា វិនិយោគិនអាមេរិក អឺរ៉ុប ឬប្រទេសផ្សេងៗនោះទេ ហើយកម្ពុជានៅតែទទួលបានរំហូរទុនវិនិយោគិនជាបន្តបន្ទាប់ ។
លោក វ៉ា វីរៈ នាយកប្រតិបត្តិក្រុមហ៊ុនអចលនទ្រព្យ Century 21 Fortuna Investmnent ក៏បានថ្លែងផងដែរថា តាមរយៈដំណើរទស្សនកិច្ច ក៏ដូចជាការចូលរួមព្រឹត្តិការណ៍អន្តរជាតិរបស់សម្ដេចតេជោ នឹងនាំវិនិយោគិន និងរំហូរទុនវិនិយោគពីបរទេសចូលមកកម្ពុជាបន្ថែម ទៀតជាមិនខាន ហើយកម្ពុជាក៏បានត្រៀមខ្លួនរួចជាស្រេចក្នុងការស្វាគមន៍វិនិយោគិនមកពីប្រទេសអាមេរិក អឺរ៉ុប និងបណ្ដាប្រទេសជាច្រើនទៀតដែលមានបំណងចូលមកវិនិយោគក្នុងប្រទេសកម្ពុជា ។ លោករំពឹងថា ឆ្នាំ២០២២នេះ កម្ពុជានឹងទទួលបានរំហូរទុនវិនិយោគពីបរទេសបន្ថែមទៀតក្រោយពេលរដ្ឋាភិបាលបានបើកប្រទេស បើកសេដ្ឋកិច្ច ខណៈអ្នកដំណើរមកពីបរទេសក៏ត្រូវបានលើកលែងការធ្វើចត្តាស័កដែរនោះ ហើយអ្វីដែលកាន់តែទាក់ទាញវិនិយោគិនបរទេស គឺទីផ្សារអចលនទ្រព្យកម្ពុជានៅមានភាពទូលំទូលាយ តម្លៃទាប និងឱកាសវិនិយោគទទួលបានចំណេញខ្ពស់បើប្រៀបធៀបជាមួយនឹងបណ្តាប្រទេសនានានៅក្នុងតំបន់៕

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បណ្តាញផ្លូវដែកចិនបំបែកកំណត់ត្រាថ្មី ដោយមានអ្នកដំណើរជាង ៤ ពាន់លានដងក្នុងឆ្នាំ ២០២៦
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត
• 19/11/2026

CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ
Top News, ព្រឹត្តិការណ៍, សេដ្ឋកិច្ច
• 19/11/2026
ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។ យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់
Top News, ព្រឹត្តិការណ៍, សេដ្ឋកិច្ច
• 18/11/2026
ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។ ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី





វិថីហិរញ្ញវត្ថុ
























































Account
Security
Favourite Content