សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រចេះ ៖ ផ្លូវធំទូលាយ ផ្ទះថ្មី និងសំឡេងម៉ាស៊ីនដែលកំពុងដំណើរការលើកសិដ្ឋាន កំពុងធ្វើឱ្យសេដ្ឋកិច្ចស្រុកស្នួល ខេត្តក្រចេះមានការផ្លាស់ប្តូរថ្មីពីមួយថ្ងៃទៅមួយថ្ងៃ។ ជាមួយនឹងការធ្វើឱ្យប្រសើរឡើងនូវហេដ្ឋារចនាសម្ព័ន្ធ ជីវភាពរស់នៅរបស់ប្រជាជនក្នុងតំបន់ក៏កាន់តែមានភាពប្រសើរឡើងផងដែរ ដោយសារតែការខិតខំប្រឹងប្រែងរបស់ក្រុមហ៊ុនភាគហ៊ុនកសិកម្មTruong Hai (THACO AGRI) ដែលរួមមានក្រុមហ៊ុនតូចចំនួន ៣ (ក្រុមហ៊ុនទទួលខុសត្រូវមានកំរិត Eastern Rubber , ក្រុមហ៊ុន Binh Phuoc Kratie , ក្រុមហ៊ុន Sovannvuthy) ដែលកំពុងវិនិយោគជាច្រើនលើវិស័យកសិកម្មនៅខេត្តក្រចេះ។
ពីមុនស្រុកស្នួលជាតំបន់លំបាកមួយរបស់ខេត្តក្រចេះ ប្រជាជនរស់នៅប្រកបមុខរបរដាំដុះ ការធ្វើដំណើរពិបាកខ្លាំងណាស់ ចំនួនគ្រួសារដែលប្រើប្រាស់អគ្គិសនីតិចតួចណាស់។ ប៉ុន្តែ ចាប់ពីឆ្នាំ២០១៩មក ហេដ្ឋារចនាសម្ព័ន្ធស្រុកស្នួល មានការផ្លាស់ប្ដូរថ្មីពីមួយថ្ងៃទៅមួយថ្ងៃ។ ជាក់ស្តែង ផ្លូវលំដែលមានយានជំនិះធ្វើដំណើរជាបន្តបន្ទាប់គ្នាពីកណ្តាលខេត្តទៅតំបន់ផលិតកម្ម និងទីលំនៅ។ នៅសងខាងផ្លូវជាជួរផ្ទះដ៏រឹងមាំ បំពាក់ដោយឧបករណ៍ប្រើប្រាស់យ៉ាងពេញលេញ ជាប់មន្ទីរពេទ្យ និងសាលារៀន…ប្រការទាំងនេះ បាន និងកំពុងនាំមកនូវភាពរំភើបរីករាយដល់ប្រជាពលរដ្ឋនៅទីនេះ។
អ្នកស្រី ហួន ចន្ធី កម្មកក្រុមហ៊ុនទទួលខុសត្រូវមានកំរិត Eastern Rubber បានឱ្យដឹងថា៖ ការងារនៅក្នុងចំការនេះគឺមិនមានភាពពិបាកនោះទេសម្រាប់អ្នកស្រី ក៏ដូចជាកម្មករដទៃទៀត ជាក់ស្ដែងការងារដែលកំពុងធ្វើនេះ គឺស្រាលៗប៉ុណ្ណោះ ដូចជាដកស្មៅ ដាំស្មោះ សម្រាប់គោ និងការងារកសិកម្មផ្សេងៗទៀត ។
អ្នកស្រីបន្តថា ៖ ក្រៅពីប្រាក់ខែសមរម្យហើយ កម្មករនៅក្នុងក្រុមហ៊ុន Thaco ក៏ទទួលបាននូវការស្នាក់នៅដោយឥតគិតថ្លៃ ពោលគឺក្រុមហ៊ុនមានផ្ដល់ផ្ទះស្នាក់សម្រាប់កម្មករទាំងអស់ ទឹក ភ្លើង ក៏ត្រូវបានប្រើប្រាស់ដោយមិនគិតថ្លៃដែរ កម្មករ ប្រើអស់ប៉ុន្មានគឺខាងក្រុមហ៊ុនជាអ្នកចំណាយ។ នៅពេលកម្មករមានបញ្ហាសុខភាព ឈឺថ្កាត់ក៏ក្រុមហ៊ុនផ្ដល់ការថែទាំដោយមិនគិតថ្លៃ ដោយក្នុងចំការមានពេទ្យសម្រាប់មើលថែ ឬក៏កម្មករអាចប្រើប្រាស់ប័ណ្ណ ប.ស.ស អាចព្យាបាលមិនអស់ថ្លែផងដែរ ។
អ្នកស្រី សែម ចន្នី មកពីស្រុកឈូក ខេត្តកំពត បានចូលធ្វើការនៅក្នុងចំការរបស់ក្រុមហ៊ុនរយៈពេលជាង២ឆ្នាំមកហើយនោះបាននិយាយឱ្យដឹងថា អ្នកស្រីស្រលាញ់ពេញចិត្តនឹងការងារនៅក្នុងចំការនេះណាស់ ហើយគាត់ទំនងជាត្រូវធ្វើការនៅក្នុងក្រុមហ៊ុននេះយូរបន្តទៀត ពីព្រោះថាក្រុមហ៊ុនបានផ្ដល់នូវអត្ថប្រយោជន៍ជាច្រើនដល់រូបគាត់ ក៏ដូចជាកម្មករផ្សងៗទៀត។ អ្នកស្រីបានមកធ្វើការនៅក្នុងចំការនេះ ២នាក់កូនស្រី និងទទួលបានប្រាក់ខែសមរម្យដោយក្នុងម្នាក់អាចទទួលបានប្រាក់ខែជាធម្យមជាង២០០ដុល្លារអាមេរិក និងមានប្រាក់ដំណាច់ឆ្នាំបន្ថែមផងដែរ។
អ្នកស្រីនិយាយថា ៖
“ខ្ញុំស្រលាញ់ក្រុមហ៊ុននេះ ខ្ញុំនឹងបន្តធ្វើការជាមួយក្រុមហ៊ុនយូរអង្វែងតទៀត ហើយខ្ញុំក៏សូមផ្ដាំផ្ញើចំពោះអ្នកដែលមិនមានការងារធ្វើអាចមកធ្វើការនៅក្នុងចំការរបស់ក្រុមហ៊ុន Thaco ពីព្រោះក្រុមហ៊ុនមានផ្ដល់អត្ថប្រយោជន៍ជាច្រើនក្រៅប្រាក់កម្រៃប្រចាំថ្ងៃ។”
អគ្គនាយករងប្រតិបត្តិនៃក្រុមហ៊ុន Thaco Agri ប្រចាំស្រុកស្នួលបានឱ្យដឹងថា រហូតមកដល់ពេលនេះ ក្រុមហ៊ុនបានចាប់ដំណើរការរយៈពេលប្រមាណជាង ៣ឆ្នាំមកហើយ ដោយបច្ចុប្បន្ន ក្រុមហ៊ុនមានបុគ្គលិកប្រមាណ ៣ពាន់នាក់ ដោយបុគ្គលិកទាំងអស់ត្រូវបានក្រុមហ៊ុនផ្ដល់កន្លែងស្នាក់នៅ ការថែទាំសុខភាព ហើយសម្រាប់បុគ្គលិកកម្មករនៅក្នុងក្រុមហ៊ុនដែលមានកូនៗឈានដល់អាយុចូលរៀន ក៏ក្រុមហ៊ុនបានបង្កើតសាលារៀននៅក្នុងចំការ និងផ្ដល់ការអប់រំដល់កូនៗរបស់កម្មករដោយមិនគិតថ្លៃ ។
គួរបញ្ជាក់ដែរថា ក្រៅពីការវិនិយោគអាជីវកម្ម ក្រុមហ៊ុនក៏ផ្តោតសំខាន់ទៅលើសុខុមាលភាពសង្គមក្នុងតំបន់ផងដែរ។ ជាក់ស្ដែង កន្លងមកក្រុមហ៊ុនបានជួយដល់អាជ្ញាធរមូលដ្ឋានក្នុងការសាងសង់សាលារៀន មន្ទីរពេទ្យ វត្តអារាម…។ល។ ខណៈដែលទិសដៅរបស់ក្រុមហ៊ុនគឺជំរុញការអភិវឌ្ឍផ្សារភ្ជាប់ជាមួយនឹងការចែករំលែកផលលំបាក និងនាំមកនូវផលប្រយោជន៍ជាក់ស្តែងជូនប្រជាពលរដ្ឋនៅទីនេះ៕
Account
Security
Favourite Content