សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
រមៀតគឺជារុក្ខជាតិម្យ៉ាងដែលគេស្គាល់ជាទូទៅថាជាគ្រឿងទេសផង និងជាឱសថដ៏មានប្រសិទ្ធភាពសម្រាប់មនុស្សទទួលទាន។ ដោយអត្ថប្រយោជន៍ច្រើនបែបនេះ រមៀតក៏ត្រូវបានគេកែច្នៃទៅតាមតម្រូវការ ដូចជាកិនធ្វើជាម្សៅរមៀតដែលអាចឆុងជាមួយទឹក មានគុណប្រយោជន៍ល្អ ពិសេសជួយបង្កើតចំណូលដល់កសិករ និងផ្ដល់ការងារជូនប្រជាជនក្នុងសហគមន៍ដោយមិនបាច់ធ្វើចំណាកស្រុក។
អ្នកស្រី ម៉ៅ ម៉ារា ប្រធានគ្រប់គ្រងសិប្បកម្ម ម្សៅខ្ញី រមៀតពន្លៃ សាមគ្គីខសមេធីក SK បានមានប្រសាសន៍ថា សិប្បកម្មអ្នកស្រីកំពុងផលិតម្សៅរមៀត ខ្ញី និង ពន្លៃ ដែលមានប្រសិទ្ធភាពជួយដល់អ្នកទទួលទានពិសេសបញ្ហាក្រពះ ហើយអាជីវកម្មនេះក៏ជាផ្នែកមួយជួយបង្កើតចំណូលដល់បងប្អូនកសិករ និងប្រជាជនក្នុងសហគមន៍តាមរយៈការផ្ដល់ការងារផ្ទាល់តែម្ដង។
អ្នកស្រីបញ្ជាក់ថា៖
“តាមរយៈសិប្បកម្មផលិតម្សៅខ្ញី រមៀតពន្លៃរបស់យើង កំពុងផលិតម្សៅរមៀត ខ្ញី និងពន្លៃ ដែលមានគុណភាព និងសុវត្ថិភាពដល់អ្នកប្រើប្រាស់ និងជាផ្នែកមួយចូលរួមជួយដល់ជីវភាពកសិករតាមរយៈការប្រមូលទិញទិន្នផលកសិកម្ម និងរួមចំណែកបង្កើតការងារក្នុងស្រុក ពិសេសកាត់បន្ថយការធ្វើចំណាកស្រុកផងដែរ”
អ្នកស្រីបន្តថា ផលិតផលរបស់យើងជាផលិតផលក្នុងស្រុក ផលិតពីវត្ថុធាតុដើមធម្មជាតិពិតៗ ដែលប្រមូលទិញមៀត ខ្ញី ពន្លៃទាំងនេះ ពីកសិករតាមបណ្តាលខេត្តនានា ដូចជា ខេត្តកណ្តាល កំពង់ចាម ពោធិសាត់ បាត់ដំបង កំពតជាដើម។ ហើយសម្រាប់កម្លាំងផលិត ភាគច្រើនជាបងប្អូនបងប្អូនស្ត្រីក្នុងសហគមន៍ផងដែរ។
សម្រាប់តម្លៃវិញ ម្សៅរមៀតមានតម្លៃ ២៨០០០រៀល ដែលអតិថិជនភាគច្រើនជាបងប្អូននារីៗដែលនិយមផលិតផលធម្មជាតិ ពិសេសអ្នកចង់ស្រកទម្ងន់ ដែលអាចឆុងញ៉ាំជាមួយទឹក ឬលាយជាមួយភេសជ្ជៈក៏បាន។ សម្រាប់អត្ថប្រយោជន៍វិញ ប្រធានគ្រប់គ្រងខាងលើបន្ថែមថា ជាបទពិសោធផ្ទាល់តែម្តង ម្សៅរមៀតមានប្រសិទ្ធភាពចំពោះ បញ្ហាក្រពះរ៉ាំរ៉ៃ បញ្ហាខ្វះគ្រាប់ឈាមក្រហម ស្លេកស្លាំង អស់កម្លាំង ឧស្សាហ៍គ្រុន បញ្ហាបេះដូង ពិបាកគេង ភ្លេចច្រើន និងជួយឱ្យស្បែកភ្លឺថ្លា។
ក្រៅពីម្សៅរមៀត សិប្បកម្ម ម្សៅខ្ញី រមៀតពន្លៃ សាមគ្គីខសមេធីក SK ក៏មានផលិតនូវផលិតផលដទៃទៀតដូចជា ម្សៅខ្ញី ម្សៅពន្លៃ ពន្លៃរមៀតសូន្យទឹកឃ្មុំជាដើម ដែលសុទ្ធសឹងតែជាផលិតផលធម្មជាតិ និងមានប្រសិទ្ធភាពខ្ពស់ចំពោះសុខភាពអ្នកប្រើប្រាស់។
ទាក់ទងនឹងការចាប់ផ្ដើមអាជីវកម្មនេះ អ្នកស្រី ម៉ារា រៀបរាប់ផងដែរថា អាជីវកម្មយើងចាប់ផ្តើមនៅឆ្នាំ ២០២១ ដោយសារបញ្ហាសុខភាពដែលអ្នកស្រីបានជួបប្រទះផ្ទាល់ ហើយបានប្រសើរដោយសារម្សៅខ្ញី និងរមៀត ទើបចង់ផ្សព្វផ្សាយឱ្យប្រជាជនខ្មែរបានយល់ដឹង និងបានប្រើប្រាស់ ម្យ៉ាងវិញទៀតអ្នកស្រីក៏មានគំនិតចង់ជួយដល់ទិញទិន្នផលរបស់កសិករផងដែរ។
ចុងក្រោយ អ្នកស្រីក៏សូមថ្លែងអំណរគុណយ៉ាងខ្លាំងចំពោះអតិថិជនដែលតែងតែគាំទ្រផលិតផលរបស់សិប្បកម្មខាងលើនេះ ដែលការគាំទ្ររបស់បងប្អូន ពិតជួយផ្តល់កម្លាំងចិត្តដល់ក្រុមការងារយើងក្នុងការខិតខំប្រឹងប្រែងបន្ត ពង្រីក និងអភិវឌ្ឍផលិតផលក្នុងស្រុកឱ្យកាន់តែល្អប្រសើរឈានទៅរកឆាកអន្តរជាតិបាន៕
Account
Security
Favourite Content