សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាការពិត នៅពេលបច្ចប្បន្ននេះ ខណៈដែលវិស័យឌីជីថលកាន់តែវិវត្តន៍ ការចាយវាយប្រចាំថ្ងៃរបស់មនុស្សភាគច្រើនបានផ្លាស់ប្ដូរពីការកាន់សាច់ប្រាក់ ទៅជាការទុកប្រាក់តាមកាបូបអេឡិចត្រូនិក។ ការប្រើប្រាស់បច្ចេកវិទ្យាក្នុងវិស័យហិរញ្ញវត្ថុបែបនេះ បានក្លាយជាកត្តាមួយជួយជំរុញឱ្យការចាយវាយកាន់តែច្រើនដោយមិនដឹងខ្កួន ត្បិតថារាល់ការគឺមានភាពងាយស្រួលកាន់តែខ្លាំង និងមិនចាប់អារម្មណ៍ទៅលើចំនួនទឹកប្រាក់ដែលសល់នៅក្នុងដៃ ឬក្នុងកាបូបអេឡិចត្រូនិក។
យ៉ាងណាក៏ដោយ ទន្ទឹមនឹងភាពងាយស្រួលនៃបច្ចេកវិទ្យាហិរញ្ញវត្ថុនៅក្នុងបរិបថនេះ អ្នកជំនាញហិរញ្ញវត្ថុបានអះអាងថា វាពិតជាអាចប៉ះពាល់ទៅដល់វិន័យរបស់បុគ្គលម្នាក់ៗក្នុងការគ្រប់គ្រងថវិការបស់ពួកគេ។ ប៉ះពាល់នៅត្រង់ថា គេត្រូវការវិន័យកាន់តែតឹងរឹង ដើម្បីទប់ខ្លួនឯងកុំឱ្យទោទន់ជាមួយការចាយវាយដែលងាយស្រួលបែបនោះ។
លោក ឡាំង មាំ នាយកនៃនាយកដ្ឋានឌីជីថលរបស់ធនាគារ មេយ៍ប៊ែង បានមានប្រសាសន៍ក្នុងឱកាសនៃកិច្ចពិភាក្សាស្ដីពី «រៀបចំអនាគត ផ្ដើមចេញពីការរៀបចំហិរញ្ញវត្ថុ» កាលពីពេលកន្លងទៅនេះថា បុគ្គលគ្រប់រូបត្រូវការវិន័យដើម្បីសន្សំប្រាក់ បើពុំដូច្នោះទេ ទោះអាចមានសមត្ថភាពរកបានប៉ុណ្ណាក៏មិនអាចសល់ដែរ។
អ្នកជំនាញដែលធ្វើការក្នុងវិស័យធនាគាររូបនេះបានបន្តឱ្យដឹងទៀតថា ៖
«ស្ថានភាពបច្ចុប្បន្ននេះ ការចាយវាយលុយកាក់គឺងាយស្រួលមែនទែន ពីមុនយើងគិតថា នៅផ្ទះមិនចេញក្រៅ ច្បាស់ជាមិនត្រូវចាយទេ តែបច្ចុបន្ននេះ គេងតែនៅផ្ទះក៏អាចអស់លុយបានដោយងាយស្រួលដែរ»។
សម្រាប់ខ្លួនលោកផ្ទាល់ វិន័យ គឺដើរតួនាទីដ៏សំខាន់ ដើម្បីឱ្យមនុស្សម្នាក់អាចគ្រប់គ្រងហិរញ្ញវត្ថុបានល្អគឺត្រូវចេះតាមដានចំណូល ចំណាយរបស់ខ្លួនជាប្រចាំ និងមានផែនការចាយវាយត្រឹមត្រូវ ជាពិសេសអាចឈានដល់ការសន្សំប្រាក់បាន។
នៅក្នុងការសន្សំនេះផងដែរ គឺអាចធ្វើបានក្នុងរូបភាពច្រើន ក្នុងនោះរួមមានការសន្សំដោយខ្លួនឯង និងការសន្សំជាមួយធនាគារ។ ប៉ុន្តែសម្រាប់លោក ឡាំង មាំ បានលើកទឹកចិត្តពលរដ្ឋឱ្យជ្រើសរើសការសន្សំជាមួយធនាគារ ព្រោះមិនត្រឹមតែមានសុវត្ថិភាពនោះទេ ថែមទាំងអាចទទួលបានការប្រាក់បន្ថែមពីលើប្រាក់សន្សំទៀតផង។
លោក ឡាំង មាំ បានបន្តគូសបញ្ជាក់ថា បើទោះបីជាមានចំណូលតិចក៏ដោយ បុគ្គលម្នាក់ៗមិនគួរមើលរំលងទម្លាប់សន្សំនោះទេ ផ្ទុយទៅវិញ គេត្រូវគិតថា មានចំណូលតិចសន្សំតិច មានចំណូលច្រើនត្រូវសន្សំឱ្យបានច្រើន។ កាលណាបុគ្គលម្នាក់អាចមានទម្លាប់ក្នុងការសន្សំតាំងតែពីគេនៅមានចំណូលតិចតួច នោះគេក៏នឹងនៅតែអាចសន្សំនៅពេលគេមានចំណូលច្រើន។
Account
Security
Favourite Content