ខេត្តចំនួន២ ​នឹងក្លាយ​ជាមុខព្រួញរបស់វិនិយោគិនជាតិ-អន្តរជាតិ ដ៏មានសក្ដានុពលបំផុត

ភ្នំពេញ ៖ សម្រាប់ឆ្នាំបន្ទាប់២០២៣ខាងមុខនេះ អ្នកជំនាញបានបង្ហាញពីក្ដីរំពឹងទៅលើខេត្តចំនួន២ ដែលមានសក្តានុពល ទាក់ទាញការវិនិយោគក្នុងវិស័យចម្រុះ ជាពិសេសទីផ្សារអចលនទ្រព្យលើការទិញលក់ដីធ្លីក្រោមការកំណត់គោលដៅវិនិយោគរបស់វិនិយោគិនជាតិ និងអន្តរជាតិបន្ថែមពីលើអ្វីដែលមានស្រាប់នាពេលបច្ចុប្បន្ន គឺខេត្តស្វាយរៀង និងខេត្តព្រះសីហនុ។

ខេត្តស្វាយរៀង និង​ខេត្តព្រះសីហនុ ត្រូវ​បានរំពឹងថា​នឹង​កាន់តែមានភាពទាក់ទាញ​លើការវិនិយោគ​កាន់តែខ្លាំង​ ក្រោយ​ពេល​ដែល​ខេត្តទាំងពីរ​នេះទទួលបានផ្លូវល្បឿនលឿន​មុនគេ​​នៅក្នុងប្រទេស​កម្ពុជា។ ជាក់ស្ដែង បច្ចុប្បន្ននេះ ​ផ្លូវ​ល្បឿនលឿន​ទី​១បាន​តភ្ជាប់ពីភ្នំពេញទៅកាន់​ក្រុងព្រះសីហនុត្រូវបានដាក់ដំណើរការរួចរាល់ជាផ្លូវការ ដោយ​បាននាំភ្ញៀវទេសចរ​ទៅកាន់ទឹកដីនៃតំបន់សមុទ្រមួយនេះ​យ៉ាង​ច្រើនក្នុងមួយខែ​ៗ ​ជាពិសេស​នៅ​រដូវកាល​បុណ្យ​ទាន​ និង​ថ្ងៃ​ឈប់​សម្រាក ។ ចំណែក​ផ្លូវល្បឿនលឿន​ខ្សែទី​២​ក៏បាន​ចុះហត្ថលេខារួចរាល់រវាង​រដ្ឋាភិបាលកម្ពុជា​ និង​ក្រុម​ហ៊ុន​​សា​​ង​សង់​ ដោយគ្រោង​​បើកការដ្ឋានសាងសង់នៅពាក់កណ្ដាលឆ្នាំ២០២៣ ។

លោក ច្រឹក សុខនីម​ ប្រធានសមាគម​អ្នកវាយតម្លៃ និងភ្នាក់ងារអចលនវត្ថុកម្ពុជា បានថ្លែងឱ្យដឹងថា ផ្លូវ​ល្បឿន​លឿននឹង​ក្លាយជាចលករដ៏សំខាន់ក្នុងការ​ភ្ជាប់ទំនាក់ទំនង​វិនិយោគ​​រវាង​ភ្នំពេញ និង​តំបន់​ទាំង​នោះ ហើយ​នៅពេល​មានផ្លូវកាន់តែស្រួល ការ​ធ្វើ​ដំណើររបស់​វិនិយោគិន​ទៅកាន់គម្រោងរបស់គេក៏កាន់តែ​លឿនដែល​ធ្វើឱ្យពួកគេ​អាច​ធ្វើដំណើរ​វិលល្ងាចមកកាន់​ការិយាល័យរបស់ពួកគេ​វិញ​ដោយមិនប្រើពេលយូរ​ឡើយ ។

លោក​បន្តថា​ ៖

“នៅពេល​កម្ពុជា​មានហេដ្ឋារចនាសម្ព័ន្ធកាន់តែច្រើន ការទាក់ទាញ​ការ​វិនិយោគ​ពីបរទេស​ក៏កាន់តែខ្ពស់ ជាក់ស្ដែង​តាមបទពិសោធន៍កន្លងមក ទីណាមានការអភិវឌ្ឍលើហេដ្ឋារចនាសម្ព័ន្ធច្រើន​ ទីនោះ​មានការទាក់ទាញ​លើការ​វិនិយោគក៏ច្រើនដែរ ដូច្នេះហើយទើប​រដ្ឋាភិបាល​លោកខិតខំប្រឹង​ប្រែង​ស្វះស្វែងរក​ថវិកា​ដើម្បីអភិវឌ្ឍន៍ហេដ្ឋារចនាសម្ព័ន្ធតភ្ជាប់ពីភ្នំពេញទៅកាន់​បណ្ដាខេត្ត និងនៅក្នុង​បណ្ដាខេត្ត​ផ្ទាល់​ផងដែរ”

លោក ថា ថេង ភ្នាក់ងារអចលនវត្ថុមួយរូបប្រចាំខេត្តស្វាយរៀង​បានបង្ហាញពីក្ដីរំពឹងថា ខេត្តស្វាយ​រៀង​ នឹងទទួលបាន​វិនិយោគិនបន្ថែមទៀត ​ជាពិសេស​នៅពេលដែលស្ថានភាពកូវីដ​១៩​ក្នុងក្រប​ខណ្ឌ​ពិភ​ព​លោក​បានធូរស្បើយនឹង​មានវិនិយោគិន​បរទេសចូលមកកម្ពុជា ហើយគេ​នឹង​ស្វែងទីតាំង​ណា​ ឬខេ​ត្ត​ណា​ដែ​ល​មានសក្ដានុពល​សម្រាប់ពួកគេ ក្នុង​នោះស្វាយរៀង​ក៏ជាខេត្ត​មួយ​ដែល​នឹងមានផ្លូវល្បឿនលឿន​តភ្ជាប់ពី​ភ្នំ​ពេញ ដែលជា​ខេត្ត​មុខព្រួញមួយរបស់​វិនិយោគិន ។

អ្នកស្រី ​អាន សុធី​តា​ នាយិកាប្រតិបត្តិ​ក្រុមហ៊ុន PropNex Cambodia ធ្លាប់បានមានប្រសាសន៍ផងដែរថា​ ​ការ​វិនិយោគ​អចលនវត្ថុកម្ពុជា​នៅតែបន្តពឹង​លើការ​វិនិយោគពី​បរទេស ជាពិសេសប្រទេស​ចិន ដូច្នេះ​បើសិនជា​ចិន​បើក​ប្រទេស បញ្ចប់​នូវការបិទខ្ទប់​ នោះវិនិយោគិនចិននឹង​ចូលមកកម្ពុជា​ឡើងវិញ ​ដើម្បីស្វែងរកការ​វិនិយោគ​នានា ដែលជាការរំពឹង​មួយសម្រាប់កម្ពុជា​នៅឆ្នាំខាងមុខនេះ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន