សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ បច្ចុប្បន្ននេះ ការវិនិយោគលើវិស័យអចលនទ្រព្យនៅតែមានការពេញនិយមបើទោះបីជាស្ថានភាពសេដ្ឋកិច្ចពិភពលោកធ្វើឱ្យវិស័យមួយនេះប្រឈមនឹងបញ្ហាក៏ដោយ។ យ៉ាងណាក៏ដោយ ការវិនិយោគពីសំណាក់វិនិយោគិនមួយចំនួននៅក្នុងស្រុកក៏នៅតែទទួលបានជោគជ័យ ខណៈដែលអ្នកខ្លះទៀតក៏បរាជ័យនិងឈានដល់ជំពាក់បំណុលផងដែរ។ តើមុននឹងសម្រេចចិត្តវិនិយោគអចលនទ្រព្យគួរតែមានចំណេះដឹងអ្វីខ្លះ?
លោកឧកញ៉ា គីម ហ៊ាង ប្រធាន KW Cambodia និងជាអ្នកវិនិយោគ អភិវឌ្ឍក្នុងវិស័យអចលនទ្រព្យល្បីឈ្មោះមួយរូបនៅក្នុងប្រទេសកម្ពុជាបានចែករំលែកនូវបទពិសោធន៍របស់ខ្លួន និងប្រាប់ពីចំណេះដឹងដែលគួរតែមានមុននឹងសម្រេចចិត្តវិនិយោគដែលអាចទទួលបានផលនៅក្នុងវិស័យមួយនេះ។
លោកឧកញ៉ាបានមានប្រសាសន៍ថា ៖
“ចំណេះដឹងមួយសំខាន់ដែលវិនិយោគិនអចលនទ្រព្យគួរតែមាន នោះគឺចំណេះដឹងផ្នែកសេដ្ឋកិច្ច ។ ការមានចំណេះដឹងផ្នែកសេដ្ឋកិច្ចនេះគឺនឹងជួយដល់វិនិយោគិនឱ្យដឹងពីតម្រូវការទីផ្សារ និងការអភិវឌ្ឍឱ្យចំទិសដៅតែម្ដង។ ពាក្យថាចំណេះដឹងផ្នែកសេដ្ឋកិច្ច គឺត្រូវយល់ពីបរិបទ នៃសេដ្ឋកិច្ចប្រទេសយើង សេដ្ឋកិច្ចប្រទេសក្នុងតំបន់អាស៊ាន ក៏ដូចជាចំណេះដឹងពិភពលោកជាដើម ហើយពេលដែលយើងបានដឹងពីចំណេះដឹងទាំងនេះហើយ វាអាចឱ្យយើងបានត្រៀមខ្លួន និងបានដឹងពីតម្រូវការក្នុងតំបន់ក៏ដូចជាពិភពលោកផងដែរ “
លោកឧកញ៉ាបន្តថា ៖
“ក្រៅពីចំណេះដឹងផ្នែកសេដ្ឋកិច្ច អ្នកអភិវឌ្ឍន៍អចលនទ្រព្យត្រូវមានចំណេះដឹងមួយទៀតគឺចំណេះដឹងផ្នែកនយោបាយ។ អ្នករកស៊ីក៏ត្រូវតែមានចំណេះដឹងផ្នែកនេះដែរ ហើយបើសិនជាពាណិជ្ជករទាំងឡាយណាមិនយល់ដឹងពីផ្នែកនយោបាយមិនតាមដាននយោបាយក៏វាគ្រោះថ្នាក់។ ប្រទេសជាច្រើនក្នុងពិភពលោកគឺនយោបាយដឹកនាំសេដ្ឋកិច្ច ជាពិសេសប្រទេសក្នុងតំបន់អាស៊ាន និងបណ្ដាប្រទេសនៅអាស៊ី ។ អ្នករកស៊ីអ្នកជំនួញគឺត្រូវដើរតាមនយោបាយ ថាតើនយោបាយបត់ទៅណា ត្រូវចេះបត់ទៅតាមហ្នឹងដែរ”
លោកឧកញ៉ា គឹម ហ៊ាង បានបន្ថែមថា ក្រៅពីសេដ្ឋកិច្ច និងនយោបាយ អ្នកអភិវឌ្ឍន៍ក៏ត្រូវមានចំណេះដឹងមួយទៀតដែរគឺកត្តាប្រជាសាស្ត្រ និងភូមិសាស្ត្រ ។ ឧទាហរណ៍ថា មុននឹងការធ្វើអភិវឌ្ឍន៍គម្រោងអ្វីមួយ ត្រូវសិក្សាពីកត្តាប្រជាសាស្ត្រជាមុនសិនទើបគម្រោងនោះអាចទទួលបានជោគជ័យ ជាពិសេស អ្នកអភិវឌ្ឍន៍ក៏ត្រូវតែចេះមើលពីភូមិសាស្ត្រនៃតំបន់នីមួយៗផងដែរមុននឹងបណ្ដាក់ទុនវិនិយោគលើគម្រោងអ្វីមួយ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content