សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តូក្យូ៖ Shine Muscat គឺជាពូជទំពាំងបាយជូរដែលមានតម្លៃបំផុតរបស់ប្រទេសជប៉ុន ហើយក៏ជាផលិតផលកសិកម្មដែលត្រូវបានទទួលស្គាល់ពីក្រសួងកសិកម្មប្រចាំប្រទេសផងដែរ។
ជាផ្លែឈើដ៏មានរសជាតិទាំងផ្អែម ព្រមទាំងក្រអូបផង Shine Muscat ត្រូវបានគេដឹងថាអាចដាក់លក់នៅលើទីផ្សារក្នុងមួយកន្ត្រករហូតទៅដល់៦០ដុល្លារអាមេរិក ប៉ុន្តែយោងតាមការចេញផ្សាយរបស់ Nikkei Asia បានអះអាងថា ពូជទំពាំងបាយជូរដ៏ល្បីឈ្មោះនេះបែរជាកំពុងត្រូវបានលួចចម្លងដោយក្រុមកសិកររបស់ប្រទេសកូរ៉េខាងត្បូង និងប្រទេសចិនទៅវិញ ហើយបច្ចុប្បន្នកំពុងសម្ងំទាញយកប្រយោជន៍ជាច្រើនពីទីផ្សារទំពាំងបាយជូរប្រភេទនេះទាំងតម្លៃ និងចំនួននៃការប្រមូលផលទៀតផង។
មកដល់ពេលនេះប្រទេសកូរ៉េខាងត្បូងបានក្លាយទៅជាអ្នកផ្គត់ផ្គង់ទំពាំងបាយជូរ Shine Muscat យ៉ាងច្រើនដល់ទៅប្រមាណ៥ដងធៀបទៅនឹងទំពាំងជូរដើមរបស់ជប៉ុន ខណៈដែលចិនវិញអាចប្រមូលផល Shine Muscat បានដល់ទៅ៤០ដងច្រើនជាងតួលេខរបស់ជប៉ុន។
រដ្ឋាភិបាលជប៉ុនបានចេញច្បាប់ថ្មីកាលពីខេមេសាកន្លងទៅដែលបានចូលជាធរមានក្នុងការរារាំងរាល់ការនាំចេញពូជដើមឈើ និងផ្លែឈើនានាទៅក្រៅប្រទេសប៉ុន្តែជាក់ស្តែងការអនុវត្តទាំងនេះត្រូវបានគេមើលឃើញថាគឺជាការព្យាយាមដ៏លំបាកមួយចំពោះបញ្ហានៃការលួចចម្លងទំពាំងបាយជូរ Shine Muscat នេះវិញដោយក្រសួងការកសិកម្មបានទទួលស្គាល់ថា ជាផលិតផលកសិកម្មដែលបានលួចចម្លងពូជចេញពីជប៉ុនតាំងតែពីឆ្នាំ២០១៦មកម្ល៉េះ ប៉ុន្តែដោយសារតែមិនមានច្បាប់រារាំងឲ្យគ្រប់គ្រាន់ទើបធ្វើឲ្យសកម្មភាពនៃការផលិត និងនាំចេញរបស់ចិន កូរ៉េខាងត្បូងនៅតែត្រូវបានធ្វើឡើងជាបន្តបន្ទាប់រហូតមកដល់បច្ចុប្បន្ន។
ទិន្នន័យកាលពីឆ្នាំ២០១៩ធ្លាប់បានបង្ហាញថាប្រទេសកូរ៉េខាងត្បូងបាននាំចេញទំពាំងបាយជូរប្រភេទនេះដល់ទៅ៩០ភាគរយនៃទំពាំងបាយជូរទាំងអស់របស់ខ្លួនកើនឡើងលើសជប៉ុនដល់ទៅ៨០០លានយេន ឬត្រូវជា ៧,២៧លានដុល្លារគិតត្រឹមពីខែមករាដល់ខែមេសាប៉ុណ្ណោះគឺកើនឡើងក្នុងអត្រាដល់ទៅ៥០ភាគរយធៀបទៅនឹងឆ្នាំចាស់ខណៈដែលជប៉ុនធ្វើបានត្រឹមតែ១៤៧លានយេនប៉ុណ្ណោះក្នុងពេលវេលាដូចគ្នា។
បច្ចុប្បន្ន ជប៉ុនមានផ្ទៃដីដាំដុះទំពាំងបាយជូរ Shine Muscat នេះត្រឹមតែ១ ២០០ ហិកតាប៉ុណ្ណោះក្នុងពេលដែលប្រទេសកូរ៉េខាងត្បូងបានប្រើប្រាស់ផ្ទៃដីសរុបដល់ទៅ ១ ៨០០ ហិកតា ចំណែកឯចិនបានពង្រីកវិសាលភាពរហូតទៅដល់ ៥៣ ០០០ហិកតា។
គួរឲ្យដឹងដែរថា ជប៉ុនតែងតែបានព្យាយាមចេញច្បាប់នាំចេញពូជដំណាំ និងកសិកម្មរបស់ខ្លួនទៅកាន់ប្រទេស ប៉ុន្តែទោះបីជាយ៉ាងណាក្តីករណីខុសច្បាប់ទាំងនេះនៅតែអាចកើតមានជាក់ស្តែងនៅក្នុងឆ្នាំ២០២០កន្លងទៅពូជផលិផលប្រមាណជា ៣០ត្រូវបានលួចចម្លងដែលភាគច្រើនគោលដៅដែលត្រូវបានលួចយកទៅគឺជាប្រទេសកូរ៉េខាងត្បូង និងចិន។
ជប៉ុនធ្លាប់បានដាក់ផែនការក្នុងការនាំចេញផលិផកសកម្មរបស់ខ្លួនឲ្យបានទៅដល់២ទ្រីលានយេនក្នុងមួយឆ្នាំគិតត្រឹមឆ្នាំ២០២៥ និង៥ទ្រីលានយេនត្រឹមឆ្នាំ២០៣០ ប៉ុន្តែមកដល់បច្ចុប្បន្នការនាំចេញរបស់ខ្លួនមានត្រឹមតែ ៩២១,៧ពាន់លានយេនប៉ុណ្ណោះបរាជ័យមិនអាចធ្វើបានតាមគោលដៅដែលចង់បានគឺ១ទ្រីលានយេនត្រឹមឆ្នាំ២០១៩៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុនផលិតរថយន្ត Rolls-Royce ចាត់ទុកចិនជាទីផ្សារយុទ្ធសាស្ត្រវិនិយោគរយៈពេលវែង
ព្រឹត្តិការណ៍, អាជីវកម្មថ្មី និងនវានុវត្ត
• 08/10/2026
ក្រុមហ៊ុនផលិតរថយន្តទំនើបអង់គ្លេស Rolls-Royce បានចាត់ទុកទីផ្សារចិនជាទីផ្សារដ៏សំខាន់សម្រាប់យុទ្ធសាស្ត្រវិនិយោគរយៈពេលវែងរបស់ខ្លួន ដោយសារតម្រូវការរបស់អតិថិជន និងបណ្តាញតំណាងចែកចាយដែលកំពុងវិវឌ្ឍល្អ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content