សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រុមហ៊ុនជំនាញអភិវឌ្ឍអចលនទ្រព្យដ៏ធំមួយរបស់ប្រទេសថៃ Sansiri Plc នៅក្នុងសប្តាហ៍នេះបានប្រកាសក្នុងការបញ្ចេញកញ្ចប់លុយ ដំណាក់កាលដំបូងប្រមាណ ២០ពាន់លានបាតចូលទៅក្នុងគម្រោងសាងសង់លំនៅដ្ឋានជាច្រើននៃគម្រោងសរុបរបស់ខ្លួនដែលមានទំហំរហូតទៅដល់១៥០ពាន់លានបាត ឬប្រមាណជា ៤ ៤៩៣ លានដុល្លារ។
ប្រធាន និងជានាយកប្រតិបត្តិរបស់ក្រុមហ៊ុន លោក Srettha Thavisin បានថ្លែងថា ក្រុមហ៊ុនក៏បានដាក់គោលដៅក្នុងការលក់មុនគម្រោង ឬ presale ឲ្យបាន ១២០ពាន់លានបាតនៅត្រឹមរយៈពេល៣ឆ្នាំគិតពីឆ្នាំ២០២២ ទៅដល់ឆ្នាំ២០២៤ ហើយក្នុងនោះកញ្ចប់ថវិកាបន្ថែមប្រមាណជា ៣០ពាន់លានបាតទៀតនឹងត្រូវបញ្ចេញឲ្យអស់នៅត្រឹមឆ្នាំ២០២២នេះ ដើម្បីអភិវឌ្ឍគម្រោងថ្មីយ៉ាងហោចណាស់៤៦កន្លែងដែលភាគច្រើនស្ថិតនៅក្នុងរដ្ឋធានីក្រុងបាងកក។
ស្ថិតនៅក្នុងផែនការមេរបស់ក្រុមហ៊ុនដើម្បីធ្វើយ៉ាងណាឲ្យ Sansiri នឹងក្លាយទៅជាក្រុមហ៊ុនអចលនទ្រព្យដំបូងគេបំផុតរបស់ប្រទេសថៃ ដែលគិតគូរខ្លាំងពីថាមពលបៃតង ឬជាក្រុមហ៊ុនមិនបញ្ចេញជាតិពុលសោះ (Net-Zero) នោះគម្រោងទាំងឡាយរបស់ខ្លួននឹងមានបំពាក់មកជំនួយនឹងឧបករណ៍សាកថ្មច្រើនកន្លែងដែលងាយស្រួលដល់អ្នកប្រើប្រាស់ទាំងសំភារៈដំណើរការដោយថាមពលអគ្គិសនី បូករួមទាំងរថយន្ត ឬម៉ូតូផងដែរ។
ក្រៅពីនោះ Sansiri ក៏នឹងមានតម្លើង និងសាងសង់លំនៅដ្ឋានទាំងឡាយជាមួយនឹងដំបូលដែលបំពាក់ជាមួយនឹងបន្ទះសូឡា ដើម្បីទាញយកពន្លឺព្រះអាទិត្យទៅជាថាមពលប្រើប្រាស់ និងក៏ដូចជាការរៀបចំអំពូលព្រះអាទិត្យនៅតាមតំបន់នានានៅក្នុងគម្រោងថ្មីទាំងអស់ផងចាប់ពីឆ្នាំ២០២២នេះតទៅតែម្តង។
លើសពីនេះ ប្រភេទលំនៅដ្ឋានដែលមានកម្ពស់ទាប (low-rise houses) ដល់ទៅជាងពាក់កណ្តាលនៃគម្រោងដែលអនុវត្តចាប់ពីឆ្នាំ២០២៥ នឹងអាចប្រើប្រាស់ប្រព័ន្ធសន្សំសំចៃថាមពលថ្មីរបស់ក្រុមហ៊ុន ហើយបន្តបន្ទាប់នឹងបន្តបង្កើនចំនួននេះរហូតទៅដល់ ៧០ភាគរយនៃគម្រោងឲ្យបាននៅត្រឹមឆ្នាំ២០៣០បូករួមទាំងបច្ចេកវិទ្យាកែច្នៃកាកសំណល់ផង។
លោក Thavisin បានបន្ថែមដែរថា ៖ បញ្ហាបរិស្ថាន គឺជាកត្តាធំ និងសំខាន់ទាំង៣របស់ក្រុមហ៊ុនក្នុងការពង្រឹងអាជីវកម្មចាប់ពីឆ្នាំ២០២២ ដែលវាអាចជួយបង្កើនទាំងប្រាក់ចំណូលផងជួយដល់មនុស្សជាតិផង និងភពផែនដីរបស់យើងផង។ ប្រាក់ចំណេញពិតជារឿងសំខាន់ ប៉ុន្តែបើយើងផ្តោតតែទៅលើវាខ្លាំងពេកនោះយើងអាចមិនរស់នៅប្រកបដោយនិរន្តភាពបានឡើយ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content