សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ ហើយសូម្បីតែផ្នែកដែលនៅសេសសល់ជាប់នឹងក្បាលទឹក ឫសម្បុកឃ្មុំចាស់ៗក៏អាចយកមកចម្រាញ់ធ្វើជាក្រមួនឃ្មុំ ដែលមានគុណប្រយោជន៍ច្រើនចំពោះសុខភាព ហើយក៏កំពុងមានតម្រូវការទីផ្សារខ្ពស់ល្អផងដែរ។
ជាក់ស្ដែង លោក ហេង ប៊ុនណាល់ ម្ចាស់កសិដ្ឋានចិញ្ចឹមឃ្មុំ «បារាយណ៍ហាន់នី» និងជានិស្សិតបញ្ចប់ការសិក្សាលើជំនាញវិទ្យាសាស្ត្រព្រៃឈើផ្ទាល់បានរៀបរាប់ប្រាប់ AMS Economy ឱ្យដឹងថា៖
«នៅពេលយើងប្រមូលក្បាលទឹក យើងជៀរវាបើកមុខ នោះយើងនឹងឃើញមានក្រមួន ដែលកាលណាយើងពូតយកទឹកឃ្មុំអស់ អ្វីដែលនៅសល់គឺយើងអាចយកវានៅចម្រាញ់ជាក្រមួនបាន។ សម្រាប់ក្បាលទឹកថ្មីៗ គឺអាចផ្ដល់បរិមាណក្រមួនបានច្រើន និងមានពណ៌លឿងស្អាត ងាយស្រួលលក់ឱ្យអ្នកដែលយកទៅកែច្នៃបន្ត»។
ចំពោះទីផ្សារក្រមួនឃ្មុំនេះដែរ លោកបន្តថា ៖
«បន្ទាប់ពីយើងចម្រាញ់ និងស្លរទៅជាដុំៗហើយ យើងអាចលក់បានក្នុងតម្លៃ ១៥ដុល្លារ ក្នុងមួយគីឡូក្រាម ដែលអតិថិជនភាគច្រើនជាអ្នកទិញយកទៅច្នៃជាផលិតផល និងគ្រឿងសម្អាងផ្សេងៗ ដោយសារវាមានផ្ទុកនូវសារធាតុល្អៗជាច្រើនសម្រាប់សុខភាព និងសម្រស់។ ក្រៅពីនេះ គេក៏អាចយកក្រមួនឃ្មុំសុទ្ធទៅធ្វើជាទៀនពេលា និងច្នៃជាផលិតផលប្រើប្រាស់ដោយផ្សំជាមួយនឹងសារធាតុដទៃទៀតឱ្យក្លាយជាផលិតផល រួមមាន សាប៊ូដុសខ្លួន ក្រែមលាបបូរមាត់ និងគ្រឿងសម្អាងផ្សេងទៀតផងដែរ»។
ពាក់ព័ន្ធនឹងការផលិតក្រមួនឃ្មុំ គឺបានមកពីការយកចេញពីផ្លិតឃ្មុំដែលចាស់ ហើយត្រូវការដូរចេញ ដោយយកវាទៅស្លរ និងត្រងចេញជាក្រមួនដែលមានក្លិន និងពណ៌ស្រស់ល្អ។ ក្នុងករណី ផ្លិតឡើងពណ៌ខ្មៅ គេក៏អាចយកវាទៅស្លរបានដែរ តែទទួលបានបរិមាណក្រមួនតិច ព្រោះវាសម្បូរតែសំណកកូនឃ្មុំប៉ុណ្ណោះ ដែលអ្នកចិញ្ចឹមខ្លះគឺបោះចោលតែម្ដងក៏មាន។
Account
Security
Favourite Content