សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅត្រឹមឆ្នាំ២០៥០ ខាងមុខនេះ ពលរដ្ឋទាំងអស់នៅទូទាំងពិភពលោកប្រមាណជា ៦៨ភាគរយនឹងត្រូវរស់នៅតាមទីក្រុង ឬទីប្រជុំជនដែលមានលក្ខណៈស្រស់ស្អាត ទំនើប មានសោភ័ណភាព ជាមួយនឹងការប្រើប្រាស់ប្រព័ន្ធឌីជីថលជាឧបករណ៍សម្រាប់សម្អាត និងថែរក្សាបរិស្ថាន អនាម័យ ប្រកបដោយផាសុកភាពខ្ពស់ទាំងអស់។ នេះបើយោងតាមការស្រាវជ្រាវដោយអង្គការសហប្រជាជាតិ។
ទីក្រុងឆ្លាតវៃ ឬ Smart City នឹងក្លាយទៅជាទីស្ថានរស់នៅរបស់មនុស្សទាំងអស់ក្នុងពិភពលោកនាពេលឆាប់ៗខាងមុខនេះ ដើម្បីអាចធ្វើឲ្យជីវិតរស់នៅកាន់តែងាយស្រួលយ៉ាងសម្បូរបែប និងប្រកបដោយនិរន្តភាព ប៉ុន្តែវាត្រូវទាមទារចាំបាច់នូវការកែប្រែ និងសម្របសម្រួលខ្លួនតាមរយៈការទទួលយកបច្ចេកវិទ្យាច្នៃប្រឌិត (Adaptive City) និងការដាក់បញ្ចូលនូវប្រព័ន្ធឌីជីថលគ្រប់រូបភាពផងជាមុនសិន។
ការក្លាយខ្លួនទៅជា Smart City ត្រូវបានគេមើលឃើញថា ចាំបាច់ត្រូវតែទាមទារនូវកិច្ចខិតខំជាច្រើនក្នុងដំណាក់កាលដំបូង (Adaptive City) ដែលពាក់ព័ន្ធទៅនឹងការផ្លាស់ប្ដូររបស់ទីក្រុងក្នុងដំណើរឆ្ពោះទៅមុខ និងក្លាយខ្លួនជា Smart City យ៉ាងពេញលេញ។
ក្រុមអ្នកជំនាញ Smart City បានខិតខំស្រាវជ្រាវ និងសិក្សាអស់រយៈពេលជាច្រើនឆ្នាំមកហើយសម្រាប់បដិវដ្តនៃការរស់នៅដ៏ធំបំផុតរបស់ពិភពលោកមួយនេះ ហើយក៏បានដាក់ចេញជាជំហ៊ានចំនួន៣ផងដែរ ដើម្បីជាទស្សនទានសម្រាប់ទីក្រុងទាំងអស់ក្នុងការរៀបចំខ្លួនឲ្យបានល្អ មុនការប្រែខ្លួនទៅជាទីកន្លែងរស់នៅក្នុងទំនោរថ្មីបំផុតមួយទៀត ដែលមនុស្សត្រូវការសម្របខ្លួនជាមួយនឹងការទទួលយកនូវចំណេះដឹងផ្នែកបច្ចេកវិទ្យាសម្រាប់ជីវភាពប្រចាំថ្ងៃជាចាំបាច់ ឬហៅថាជា Adaptive City៖
១.បង្កើតចក្ខុវិស័យដើម្បីត្រៀមខ្លួន និងសម្របខ្លួនជាទីក្រុងឆ្លាតវៃ
២.គូសប្លង់កិច្ចការងារសម្រាប់ការត្រៀមខ្លួន និងសម្របខ្លួន
៣.ចាប់ផ្តើមកសាងឲ្យបានឆាប់រហ័ស
ហេតុអ្វីដំណើរការសម្របខ្លួន ឬ Adaptive City មានសារៈសំខាន់?
យោងតាម WEFORUM បានសរសេរថា ទីក្រុងឆ្លាតវៃ Smart City គឺជាអនាគតរបស់ពិភពលោក ប៉ុន្តែមុនពេលឈានទៅដល់ចំណុចនោះ ចាំបាច់ត្រូវតែឆ្លងកាត់ដំណាក់កាលដ៏ជាច្រើន ជាពិសេសត្រូវក្លាយខ្លួនទៅជាទីក្រុងដែលមានលក្ខខណៈត្រៀមខ្លួនរួចជាស្រេច ឬហៅថា Adaptive City ជាមុនសិន ដើម្បីអាចមានសមត្ថភាពឆ្លើយតបបានរហ័ស និងបន្តការផ្លាស់ប្តូរប្រកបដោយប្រសិទ្ធភាព និងស៊ូទ្រាំទៅនឹងឧបសគ្គទាំងឡាយក្នុងអំឡុងពេលក្លាយខ្លួនទៅជាទីក្រុងឆ្លាតវៃ Smart City ពេញលេញបាន១០០ភាគរយ។
នៅក្នុងរយៈពេលប៉ុន្មានឆ្នាំចុងក្រោយនេះ មានឧបសគ្គ និងបញ្ហាជាច្រើន ស្ទើរគ្រប់ទម្រង់ទាំងអស់នៃបដិវត្តពិភពលោកទៅជាការរស់នៅក្នុងទីក្រុងឆ្លាតវៃ។ ការរំខានជាបន្តបន្ទាប់នាពេលនេះ កើតឡើងក្នុងទម្រង់ផ្សេងគ្នា ដូចជា បច្ចេកវិទ្យា 3D, បច្ចេកវិទ្យាបញ្ញាសិប្បនិមិត្ត (AI), បច្ចេកវិទ្យាម៉ាស៊ីនស្វ័យប្រវត្តិ (ML) ព្រមទាំងបច្ចេកវិទ្យាជាច្រើនទៀត ហើយក្នុងនោះរួមទាំងការរារាំងទៅលើការប្រកបអាជីវកម្ម និងព្រឹត្តិការណ៍នៃការបម្រែបម្រួលអាកាសធាតុជាដើម បូករួមទាំងកាលៈទេសៈដែលមិនបានមើលឃើញ និងទាយទុកជាមុន ជាពិសេស សូម្បីតែគោលនយោបាយរដ្ឋាភិបាលដែលអាចមានការប្រែប្រួលនៅតាមតំបន់ផងដែរ។ និយាយជារួម Adaptive City ជាពេលវេលាដែលបណ្តាទីក្រុងទាំងនោះអាចបត់បែនផង ធ្វើការថែរក្សាតុល្យភាពផង និងរក្សាលំនឹងផង រវាងការរស់នៅទៅនឹងការផ្លាស់ប្ដូរទម្លាប់ ទាំងការប្រើប្រាស់ថាមពលប្រកបដោយនិរន្តភាព ទាំងការកែប្រែគោលនយោបាយ ការកែប្រែសកម្មភាពសេដ្ឋកិច្ច-សង្គម បច្ចេកវិទ្យា រហូតទៅដល់ការកែប្រែច្បាប់នៃការរស់នៅ ជាពិសេស មជ្ឈដ្ឋានរស់នៅជុំវិញខ្លួន មុនពេលដែលមនុស្សអាចមានទម្លាប់រស់នៅថ្មីជាមួយនឹងទីក្រុងឆ្លាតវៃ Smart City ទាំងស្រុង ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ការឡើងថ្លៃអេល្យូម បង្កការគំរាមកំហែងដល់វិស័យឈីប វេជ្ជសាស្រ្ត និងអវកាស
ព្រឹត្តិការណ៍, អាជីវកម្មថ្មី និងនវានុវត្ត
• 07/04/2026
វិបត្តិសេដ្ឋកិច្ចពិភពលោកដោយសារសង្រ្គាមនៅមជ្ឈិមបូព៌ាកំពុងលាតសន្ធឹងហួសពីប្រេង ពោលគឺអេល្យូម (Helium) បានក្លាយជាទំនិញ ដែលងាយរងគ្រោះមួយផងដែរ។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content