សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គណៈប្រតិភូមកពីសមាគមអ្នកវិនិយោគចិននៅកម្ពុជា រួមជាមួយនឹងក្រុមហ៊ុនជំនាញបច្ចេកវិទ្យា 86 Links Co,.Ltd បានបង្ហាញអំពីថ្នាលបច្ចេកវិទ្យា ដែលត្រូវបានរៀបចំឡើងដើម្បីទាក់ទាញអ្នកវិនិយោគ ដោយរួមបញ្ចូលទិន្នន័យតំបន់សេដ្ឋកិច្ចពិសេស និងសួនឧស្សាហកម្មនៅកម្ពុជា។ ការបង្ហាញគម្រោងនេះត្រូវបានធ្វើឡើងក្នុងឱកាសទទួលបានការអនុញ្ញាតចូលជួបសម្ដែងការគួរសមជាមួយ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី១១ ខែធ្នូ ឆ្នាំ២០២៤ នៅទីស្ដីការក្រសួង។
ថ្នាលបច្ចេកវិទ្យាមួយនេះមានបំពាក់ទៅដោយបច្ចេកវិទ្យាបញ្ញាសិប្បនិម្មិតពហុភាសា, មានមុខងារអន្តរកម្ម ដូចជា ផែនទីនិម្មិត, និងផ្តល់ព័ត៌មានសំខាន់ៗអំពីឱកាសវិនិយោគ ក្របខណ្ឌច្បាប់ និងព័ត៌មានឧស្សាហកម្ម។ ជាមួយគ្នានេះ គណៈប្រតិភូក៏បានស្នើអនុវត្តថ្នាលនេះតាមផែនការ ៣ ជំហាន និងបានអញ្ជើញឯកឧត្តមរដ្ឋមន្ត្រីទៅបំពេញទស្សនកិច្ចនៅប្រទេសចិន ដើម្បីពង្រឹងកិច្ចសហប្រតិបត្តិការទ្វេភាគីផងដែរ។
ឯកឧត្តម ហែម វណ្ណឌី បានវាយតម្លៃខ្ពស់ចំពោះគំនិតផ្តួចផ្តើមនេះ និងបានលើកឡើងពីសក្តានុពលនៃថ្នាលបច្ចេកវិទ្យាក្នុងការគាំទ្រកំណើនសេដ្ឋកិច្ច និងតម្រូវការគ្រប់គ្រងទិន្នន័យរបស់កម្ពុជា។ ឯកឧត្តមបានចាត់តាំងឱ្យក្រុមការងារជំនាញ វាយតម្លៃថ្នាលបច្ចេកវិទ្យានេះ ដែលអាចជាការបំពេញបន្ថែម ឬប្រទាក់ក្រឡាជាមួយប្រព័ន្ធគ្រប់គ្រងគម្រោងវិនិយោគរបស់ក្រុមប្រឹក្សាអភិវឌ្ឍន៍កម្ពុជា (cdcIPM)។
ឯកឧត្តមរដ្ឋមន្ត្រីបានបញ្ជាក់ពីការប្តេជ្ញាចិត្តរបស់រាជរដ្ឋាភិបាល ក្នុងការជំរុញបរិយាកាសវិនិយោគអំណោយផល ការប្រើប្រាស់នវានុវត្តន៍បច្ចេកវិទ្យា និងការពង្រឹងទំនាក់ទំនងជាមួយប្រទេស ចិន ហើយបានស្នើឱ្យសមាគមអ្នកវិនិយោគចិននៅកម្ពុជា ខិតខំបន្តទាក់ទាញការវិនិយោគក្រៅប្រទេសពីប្រទេសចិនមកកម្ពុជា ដោយលើកឡើងពីសក្តានុពលរបស់កម្ពុជា ជាទិសដៅឧស្សាហកម្មដ៏ប្រសើរ៕
Account
Security
Favourite Content