សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតមកដល់ចុងឆ្នាំ២០២១ អាជ្ញាធរអគ្គិសនីកម្ពុជា បានចេញអាជ្ញាប័ណ្ណឱ្យធ្វើការចែកចាយអគ្គិសនីលើតំបន់ចំនួន ៣៨៣ តំបន់ដែលមានដែនអាជ្ញាប័ណ្ណសរុបគ្របដណ្ដប់លើភូមិចំនួន ១៤ ១៥១ភូមិ ត្រូវជា ៩៩,៨៨ភាគរយនៃភូមិសរុបចំនួន ១៤ ១៦៨ទូទាំងប្រទេសកម្ពុជា ។ នេះបើតាមរបាយការណ៍របស់អាជ្ញាធរអគ្គិសនីកម្ពុជាចេញផ្សាយកាលពីពេលថ្មីៗនេះ ។
ក្នុងរបាយការណ៍ឱ្យដឹងថា បច្ចុប្បន្ននេះ ក្នុងចំណោមអ្នកចែកចាយអគ្គិសនីទាំង ៣៨៣តំបន់នោះ មានតំបន់ចំនួន ៣៧៧តំបន់ ដែលមានដែនអាជ្ញាបណ្ណគ្របដណ្ដប់លើភូមិចំនួន ១៤.០៣៨ ត្រូវជា ៩៩,២០ភាគរយនៃដែនអាជ្ញាបណ្ណ ដែលមានសរុបកំពុងអនុវត្តបញ្ជីថ្លៃលក់អគ្គិសនីតែមួយដូចគ្នា គឺបញ្ជីថ្លៃលក់ដែលរាជរដ្ឋាភិបាលបានកំណត់សម្រាប់តំបន់ចែកចាយពីប្រព័ន្ធបណ្ដាញជាតិ ។
របាយការណ៍ដដែលបានបង្ហាញថា គិតត្រឹមចុងឆ្នាំ២០២១កន្លងទៅនេះ នៅសល់តំបន់តែចំនួន៦ទៀតប៉ុណ្ណោះ ដែលកំពុងនៅអនុវត្តបញ្ជីថ្លៃលក់អគ្គិសនីខុសៗគ្នា តាមថ្លៃដើមជាក់ស្ដែងនៃតំបន់នីមួយៗនៅឡើយ ដែលក្នុងនោះមាន៤តំបន់ ដែលមានដែនអាជ្ញាបណ្ណគ្របដណ្ដប់លើភូមិចំនួន១១១ ត្រូវជា ០,៧៨ភាគរយ នៃដែនអាជ្ញាបណ្ណសរុប កំពុងប្រើប្រភពអគ្គិសនីនាំចូលពីប្រទេសជិតខាង ដែលមានអត្រាថ្លៃលក់៧៥០រៀល និងចាប់ពី ៤,៣០ ទៅ ៥,៨០បាត និង២តំបន់ទៀត កំពុងប្រើប្រាស់ប្រភពអគ្គិសនីផលិតពីម៉ាស៊ីនដ្យេសែលតូចៗ គ្របដណ្ដប់លើភូមិចំនួន ២ ត្រូវជា ០,០១ភាគរយ ដែលមានអត្រាថ្លៃពី ២ ៥០០ទៅ ២ ៩០០រៀលក្នុងមួយគីឡូវ៉ាត់ម៉ោង ។ ឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជាបានមានប្រសាសន៍ថា រាជរដ្ឋាភិបាលបានកំណត់ផែនការសកម្មភាពចំនួន៣ដើម្បីសម្រេចចក្ខុវិស័យផ្គត់ផ្គង់អគ្គិសនីឱ្យគ្រប់គ្រាន់ មានចីរភាព អាចទុកចិត្តបាន មានគុណភាពនិងតម្លៃសមរម្យ។ ផែនការសកម្មភាពទាំង៣របស់រដ្ឋាភិបាលក្នុងការសម្រេចឱ្យបាននោះរួមមាន ទី១. ជំរុញការវិនិយោគអភិវឌ្ឍបង្កើនសមត្ថភាព ផលិត បញ្ជូន ចែកចាយ និងការភ្ជាប់បណ្ដាញឱ្យអ្នកប្រើប្រាស់អគ្គិសនីឱ្យទាន់តាមផែនការកំណត់ ។ ទី២ ជំរុញការកែលម្អការផ្ដល់សេវាអគ្គិសនី ឱ្យអ្នកប្រើប្រាស់ឱ្យរឹតតែខ្លាំង ធ្វើយ៉ាងណាឱ្យការផ្គត់ផ្គង់អគ្គិសនីមានគ្រប់គ្រាន់ មានចីរភាព អាចទុកចិត្តបាន មានគុណភាព និងតម្លៃសមរម្យ។ ទី៣. ពង្រឹងយន្តការគ្រប់គ្រងការអភិវឌ្ឍ និងការផ្ដល់សេវាអគ្គិសនីឱ្យរឹតតែមានប្រសិទ្ធភាព យកចិត្តទុកដាក់លើការពង្រឹងយន្តការស្ថាប័ន យន្តការវិនិយោគ យន្តការអាជីវកម្ម យន្តការបរិស្ថាន និងកិច្ចសហប្រតិបត្តិការជាមួយដៃគូក្នុងតំបន់ និងអន្តរជាតិ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្ពុជាដាក់ដំណើរការកម្មវិធីថ្មីមួយ ដើម្បីជួយសហគ្រិនខ្មែរឱ្យមានភាពប្រកួតប្រជែងទាំងក្នុងស្រុកនិងអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 06/04/2026
កម្ពុជាបានដាក់ឱ្យដំណើរការកម្មវិធីថ្មីមួយក្នុងវិស័យសហគ្រិនភាព ដោយផ្ដោតលើការធ្វើធុរកិច្ចតាមបច្ចេកវិទ្យាបៃតង ក្នុងគោលដៅគាំទ្រធុរកិច្ចបច្ចេកវិទ្យាអាកាសធាតុ ឱ្យពង្រីកអាជីវកម្មរបស់ខ្លួន តាមរយៈភាពជាដៃគូសកល ការផ្ទេរបច្ចេកវិទ្យា និងហិរញ្ញប្បទាន។
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content