និយ័ត​ករ​មូល​ប​ត្រ​កម្ពុជារៀបចំ​វគ្គ​បណ្តុះបណ្តាលជាប្រចាំដើម្បី​ផ្សព្វផ្សាយ និង​លើកកម្ពស់​​ផ្សា​រមូល​ប​ត្រ​កម្ពុជា

ភ្នំពេញ​៖​ ក្នុងគោលបំណងធ្វើបច្ចុប្បន្នភាព​ទីផ្សារ​មូ​លប​ត្រ កសាងអត្ថប្រយោជន៍​នៃ​ទីផ្សារ​មូល​ប​ត្រ​ ​មូលដ្ឋានគ្រឹះ​វិនិយោគិន​​ ការវិភាគ​ទៅលើ​ក្រុម​ហ៊ុន​បោះផ្សាយ និង​ដំណើរ​ការជួញដូរ​ឱ្យកាន់តែមានភាពងាយស្រួល និងសម្បូរបែប និយ័ត​ករ​មូល​ប​ត្រ​កម្ពុជាតែងតែរៀបចំ​វគ្គ​បណ្តុះបណ្តាល​វិនិយោគិន​ក្នុ​ងវិស័យ​មូល​ប​ត្រ​ស្តីពី​ការជំរុញ​ការយល់ដឹងក្នុង​វិស័យ​មូល​ប​ត្រជាប់ជាប្រចាំ ដើម្បី​ផ្សព្វផ្សាយ ​និង​លើកកម្ពស់​ការយល់ដឹង​បន្ថែម​ពាក់ព័ន្ធ​នឹង​ផ្សា​រមូល​ប​ត្រ​កម្ពុជា។

និយ័ត​ករ​មូល​ប​ត្រ​កម្ពុជា (​ន​.​ម​.​ក​.) នៅថ្ងៃទី១៦ ខែសីហា ឆ្នាំ២០២២ បានរៀបចំ​វគ្គ​បណ្តុះបណ្តាល​វិនិយោគិន​ក្នុង​វិស័យ​មូល​ប​ត្រ ស្តីពី​ការជំរុញ​ការយល់ដឹង​ក្នុង​វិស័យ​មូល​ប​ត្រជូន​ដល់​គណៈ​គ្រប់គ្រង និង​បុគ្គលិកនៃ​ធនាគារ អេស៊ីលីដា ភីអិលស៊ី ដែលមាន​សិក្ខាកាម​ចូលរួម​ផ្ទាល់​ចំនួន ៦០ នាក់ និង​អ្នកចូលរួម​តាមរយៈ Webinar online ប្រមាណ​ជាង ៥០០​នាក់ ព្រមទាំង​មានការ​ផ្សាយ​បន្ត​ផ្ទាល់​លើ​គេហទំព័រ​ហ្វេ​ស​បុក​ផ្លូវការ​របស់​ធនាគារ អេស៊ីលីដា ផងដែរ​។​

​​ឯកឧត្តម ស៊ូ សុជាតិ ប្រតិភូ​រាជរដ្ឋាភិបាល​ទទួលបន្ទុក​ជា អគ្គនាយក​នៃ​និយ័ត​ករ​មូល​ប​ត្រ​កម្ពុជា (​ន​.​ម​.​ក​) ​បាន​មានប្រសាសន៍ថា​ ការៀបចំ​វគ្គ​បណ្តុះបណ្តាល​វិនិយោគិន​ក្នុ​វិស័យ​មូល​ប​ត្រ​ស្តីពី​ការជំរុញ​ការយល់ដឹង​ក្នុង​វិស័យ​មូល​ប​ត្រ​នេះត្រូវបាន​ធ្វើឡើង​ក្នុង​គោលបំណង​ផ្សព្វផ្សាយ​ និង​លើកកម្ពស់​ការយល់ដឹង​បន្ថែម​ពាក់ព័ន្ធ​នឹង​ផ្សា​រមូល​ប​ត្រ​កម្ពុជា​​។

​ឯកឧត្តម ស៊ូ សុជាតិ បានញ្ជាក់ដូច្នេះថា ៖

“ការៀប​ចំការផ្សព្វផ្សាយ​បណ្តុះបណ្តាល​បែបនេះ​និយ័ត​ករ​មូល​ប​ត្រ​កម្ពុជា​ត្រូវធ្វើ​ជាប្រចាំ​ជាមួយ​ក្រុមហ៊ុន​បោះផ្សាយ​មូល​ប​ត្រយ៉ាងហោច​ម្តង​ក្នុង​មួយឆ្នាំ​”

បន្ថែមពីលើ​ភាព​រីកចម្រើននៃ​វិស័យ​មូល​ប​ត្រ​នៅ​កម្ពុជា ឯកឧត្តម ស៊ូ សុជាតិ បាន​លើកឡើងថា ក្នុង​ធនាគារ​អេស៊ីលីដា និង​ក្រុមហ៊ុន​បុត្រ​សម្ព័ន្ធ បាន​ចូលរួម​យ៉ាងសកម្ម ក្នុងការ​អភិវឌ្ឍ​ទីផ្សារ​នេះ ចាប់តាំងពី​ដំណាក់កាល​ដំបូងនៃ​ការចាប់ផ្តើម​ទីផ្សារ​មូល​ប​ត្រ ដោយ​ក្នុងនោះ អេស៊ីលីដា​បានទទួល​ស្គាល់​ធ្វើជា​ភ្នាក់ងារ​ទូទាត់​សាច់ប្រាក់ ពាក់ព័ន្ធ​នឹង​មូល​ប​ត្រ​,​ ភ្នាក់ងារ​បញ្ជិកា​មូល​ប​ត្រ ភ្នាក់ងារ​ចុះបញ្ជី​ផ្ទេរ​មូល​ប​ត្រ​ និង​ភ្នាក់ងារទូទាត់ និង​ពេលនេះ​ជា​ភ្នាក់ងារ រក្សា​សុវត្ថិភាព ក្នុង​វិស័យ​មូល​ប​ត្រ​។​

​យោងតាមឯកឧត្តម ស៊ូ សុជាតិ បានឱ្យដឹងថា ការជួញដូរ​ភាគហ៊ុន​ក្នុង​ប្រមាណ​មធ្យមប្រហែល​ជិត ៥០ ​ម៉ឺន​ភាគហ៊ុន គិត​ជា​ទឹក​ប្រាក់​​មានតម្លៃ​ជា​មធ្យម​ប្រហែល​ ១,២៨ ​លាន​ដុល្លារ​ក្នុង​១​ថ្ងៃ ​ត្រឹម​ត្រីមាស​ទី​២ ឆ្នាំនេះ​។ ​ដូច្នេះ ទីផ្សារ​មូល​ប​ត្រ​កំពុង​វិវឌ្ឍន៍ ប្រកបដោយ​វឌ្ឍន​ភាពជា​វិជ្ជមាន ដោយ​ទីផ្សារ​របស់​កម្ពុជា មាន​ប្រព័ន្ធ​ទ្រទ្រង់ ឬ​សសរស្តម្ភ​គ្រប់គ្រាន់ (​វិនិយោគិន​, ក្រុមហ៊ុន​បោះផ្សាយ​, អន្តរការី​ទីផ្សារ និង​ហេដ្ឋារចនាសម្ព័ន្ធ​ទីផ្សារ​) និង​ទទួលបាន​ការគាំទ្រ និង​ការចូលរួម​យ៉ាង​ពេញទំហឹង ពី​ភាគី​ពាក់ព័ន្ធ​ទាំងអស់​នៅក្នុង​វិស័យនេះ​។

លោកបណ្ឌិត អ៊ិន ចាន់នី ប្រធាន​នាយក​ប្រតិបត្តិ ធនាគារ អេស៊ីលីដា ភីអិលស៊ី បាន​ថ្លែងថា ធនាគារ អេស៊ីលីដា បាននិងកំពុង​រីកចម្រើន ប្រកបដោយ​និរន្តរភាព ដោយសារ​ធនាគារ​មាន​ធនធានមនុស្ស​ប្រកប ដោយ​ចំណេះដឹង ជំនាញ មាន​ទំនួល​ខុសត្រូវ​ខ្ពស់ អនុវត្ត​ការងារ​តាម​ផែន​ការដែល​បានគ្រោង​ទុក ស្របតាម​ច្បាប់ បទ​ប្បញ្ញត្តិ​គោល​ការណ៍និង​ក្រមសីលធម៌​វិជ្ជាជីវៈ​ខ្ពស់ ស្របតាម​និន្នាការ​បច្ចេកវិទ្យានិង​តម្រូវការ​ការងារ​ប្រចាំថ្ងៃ​។​

​លោក​បណ្ឌិតថ្លែងបន្តថា ​ធនាគារ​យកចិត្តទុកដាក់​ខ្ពស់​លើ​ការបណ្តុះបណ្តាល​ធនធាន​មនុស្ស​។ ជាក់ស្តែង ធនាគារ​តែង​រៀបចំ​ការបណ្តុះបណ្តាល​ធនធានមនុស្ស ទាំង​នៅក្នុង​ធនាគារ​ផ្ទាល់ និង​ចាត់​បញ្ជូន​ឲ្យ​ទៅ​សិក្សា​នៅតាម​បណ្តា​គ្រឹះស្ថានសិក្សា​ទាំង​ក្នុង និង​ក្រៅប្រទេស ជាពិសេស វគ្គ​បណ្តុះបណ្តាល និង​សិក្ខាសាលា​នានា ដែល​រៀប​ចំ​ដោយ​ក្រសួង​សេដ្ឋកិច្ច ​និង​ហិរញ្ញវត្ថុ និយ័ត​ករ និង​អាជ្ញាធរ​ដែលជា​អាណាព្យាបាល ។​ល​។​

​លោក​បណ្ឌិតបានឱ្យដឹងទៀតថា ​តាមរយៈ​វគ្គ​បណ្តុះបណ្តាល​វិនិយោគិន​ក្នុង​វិស័យ​មូល​ប​ត្រ​ស្តីពី​ការជំរុញ​ការយល់ដឹង​ក្នុ​វិស័យ​មូល​ប​ត្រ​នេះ គឺ​ពិត​ជាមាន​សារៈសំខាន់ ដែល​នឹងធ្វើ​ឱ្យ​យើងទាំងអស់គ្នា​ជា​សិក្ខាកាមយល់ដឹង​កាន់តែច្បាស់​អំពី​ការវិនិយោគ​លើ​វិស័យ​មូល​ប​ត្រជាអាទិ៍​អត្ថប្រយោជន៍​នៃ​ទីផ្សារ​មូល​ប​ត្រ ការកសាង​មូលដ្ឋានគ្រឹះ​វិនិយោគិន ការវិភាគ​ទៅលើ​ក្រុមហ៊ុន​បោះផ្សាយ សម្រាប់​ជា​មូលដ្ឋាន​ចំណេះដឹង​បំពេញបន្ថែម​ដើម្បី​សម្រេចចិត្ត​វិនិយោគ​ក្នុង​វិស័យ​មូល​ប​ត្រ ជាពិសេស​វិស័យ​មូល​ប​ត្រ​របស់​ធនាគារ អេស៊ីលីដា​។​

​ លោក​បណ្ឌិត បាន​​បន្ថែមទៀត​ថា ដូច​យើងទាំងអស់គ្នា​បានដឹងហើយថា ធនាគារ អេស៊ីលីដា បាន និងកំពុង​រីកចម្រើន​គួរ​ឲ្យ​កត់សម្គាល់​តាមរយ​របា​យ​ការ​ណ៍​ដែល​បាន​បោះផ្សាយ​ជា​សាធារណៈ​ថ្មីៗ​នេះធនាគារ​សម្រេចបាន​ល​ទ្ធ​ផល​ល្អប្រសើរ​នៅ​ពាក់កណ្តាល​ឆ្នាំនេះដែល​បង្ហាញ​ពី​ការលូតលាស់​ប្រកបដោយ​ចីរភាព​។ របា​យ​ការណ៍​ដែល​បាន​បោះផ្សាយ​ជា​សាធារណៈ​របស់​ក្រុមហ៊ុន​បោះផ្សាយ គឺ​ពិត​ជាមាន​សារៈសំខាន់ និង​ជា​ធាតុ ផ្សំ​មួយ​សម្រាប់​វិនិយោគិន​ធ្វើការ​សម្រេចចិត្ត​វិនិយោគ​លើ​វិស័យ​មូល​ប​ត្រ ទៅតាម​ទិសដៅ​ដែល​ខ្លួន​ចង់បាន​។ ទន្ទឹមនឹងនេះ ការវិភាគ​ទៅលើ​របាយការណ៍គឺ​តម្រូវ​ឲ្យ​មានការ​គិតគូរ​ល្អិតល្អន់ និង​គ្រប់​ជ្រុងជ្រោយដែល​វិនិយោ​គិនម្នាក់ៗ​នឹងមាន​ទំនុកចិត្ត​លើ​ខ្លួនឯង​នូវ​រាល់​ការវិនិយោគ​របស់ខ្លួន​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រដ្ឋមន្ត្រីក្រសួងប្រៃសណីយ៍ គាំទ្រទាំងស្រុងលើគម្រោងពន្លឿនការប្រើប្រាស់ឌីជីថលដល់វិស័យ MSME សម្រាប់សេដ្ឋកិច្ចឌីជីថល

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 01/03/2024

រដ្ឋមន្ត្រីក្រសួងប្រៃសណីយ៍ គាំទ្រយ៉ាងពេញទំហឹងទៅលើការប្រកាសដាក់ឱ្យប្រើប្រាស់ជាផ្លូវការនូវគម្រោងពន្លឿនការប្រើប្រាស់ឌីជីថល់ដល់សហគ្រាសធុនមីក្រូ តូច និងមធ្យម

សហគ្រិនវ័យក្មេង និងម្ចាស់អាជីវកម្ម ប្រមាណ៣០០នាក់ជួបពិភាក្សាគ្នាក្នុងកម្មវិធី «សេដ្ឋកិច្ចឌីជីថល និងយុទ្ធនាការធុរកិច្ចបរិយាបន្ន»

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 29/02/2024

សហគ្រិនវ័យក្មេង និងម្ចាស់អាជីវកម្ម ប្រមាណ៣០០នាក់ជួបពិភាក្សាគ្នាក្នុងកម្មវិធី «សេដ្ឋកិច្ចឌីជីថល និងយុទ្ធនាការធុរកិច្ចបរិយាបន្ន»

វិស័យកសិកម្មរបស់អឺរ៉ុបខាតបង់រាប់ពាន់លានអឺរ៉ូ ដោយសារការធ្វើពាណិជ្ជកម្មជាមួយអ៊ុយក្រែន

ព្រឹត្តិការណ៍, សេដ្ឋកិច្ច

• 29/02/2024

វិស័យកសិកម្មរបស់សហភាពអឺរ៉ុបបានខាតបង់ចំនួន ១៩ ពាន់លានអឺរ៉ូ (២០,៦ ពាន់លានដុល្លារ) នៅចន្លោះឆ្នាំ ២០២២ និង ២០២៣ ដោយសារការធ្វើពាណិជ្ជកម្មសេរីជាមួយអ៊ុយក្រែន

ឆ្នាំ២០២៣ កំពង់ផែព្រះសីហនុ រកចំណូលបានជាង ៩០លានដុល្លារ ខណៈដែលកំពង់ផែភ្នំពេញរកចំណូលបាន ៣៨ លានដុល្លារអាម៉េរិក

ព្រឹត្តិការណ៍, សេដ្ឋកិច្ច

• 29/02/2024

ឆ្នាំ២០២៣ កំពង់ផែស្វ័តក្រុងព្រះសីហនុ រកចំណូលបានជាង ៩០ លានដុល្លារ ខណៈកំពង់ផែស្វយ័តភ្នំពេញ រកចំណូលបានជាង ៣៨ លានដុល្លារអាម៉េរិក

បណ្ដាខេត្ត​ប៉ែ​ក​ពាយព្យ​នៃប្រទេ​សរំពឹង​ទទួល​បានការ​វិនិយោគ​បន្ថែម​ក្រោយ​សមិទ្ធផល​សំខាន់ចំនួន២​​សាងសង់​រួច​រាល់

ព្រឹត្តិការណ៍, អចលនទ្រព្យ

• 29/02/2024

តំបន់ពាយព្យ​នៃ​ប្រទេស​នឹង​កាន់តែ​មានសក្ដានុពល​ខ្ពស់​ចំពោះ​ការ​វិនិយោគ​នានា ស្របនឹង​សមិទ្ធផល​ធំៗ​ចំនួន​២​នៅ​តំបន់នេះបានរួចរាល់ជាស្ថាពរ

តោះ ! មកស្គាល់អាជីវកម្មបរិយាបន្នខ្នាតតូច និងធំគំរូនៅក្រៅប្រទេសដែលកំពុងមានភាពល្បីល្បាញ

ព្រឹត្តិការណ៍, អាជីវកម្មថ្មី និងនវានុវត្ត

• 29/02/2024

អាជីវកម្មបរិយាបន្ន ថ្វីត្បិតតែជាពាក្យដែលមិនសូវទទួលបានការចាប់អារម្មណ៍ពីសំណាក់ពលរដ្ឋក្តី ប៉ុន្តែវានឹងក្លាយទៅជាចំណែកដ៏សំខាន់ក្នុងការអភិវឌ្ឍប្រទេស

ការព្យាករណ៍ ៖ អត្រាអតិផរណានៅកម្ពុជាក្នុងឆ្នាំ២០២៤ អាចមានកម្រិតខ្ពស់ជាងឆ្នាំមុនបន្តិច

ព្រឹត្តិការណ៍, ហិរញ្ញវត្ថុ

• 29/02/2024

អត្រាអតិផរណានៅកម្ពុជាក្នុងឆ្នាំ២០២៤ នេះ ត្រូវបានព្យាករថាមានកម្រិតខ្ពស់ជាងឆ្នាំ២០២៣បន្តិច ខណៈដែលតម្លៃប្រេងឆៅពិភពលោកត្រូវបានរំពឹងថានឹងកើនឡើង

កម្ពុជារកចំណូលបានជាង១៦លានដុល្លារពីការចុះបញ្ជីផ្លាកលេខពិសេសក្នុងឆ្នាំ២០២៣

ព្រឹត្តិការណ៍, សេដ្ឋកិច្ច

• 29/02/2024

ក្រសួងសាធារណការ និង ដឹកជញ្ជូន រកចំណូលបានជាង ១៦ លានដុល្លារអាម៉េរិក ពីការចុះបញ្ជីផ្លាកលេខពិសេសនៅក្នុងឆ្នាំ២០២៣ កន្លងទៅ ។

AMS3E Services Rate

Uncategorized

• 29/02/2024

Service TypesPrices

តោះ ! មកដឹងពីប្រវែងផ្លូវ ស្ពាន ដែលស្ថាបនារួច និងគម្រោងដែលកំពុងសាងសង់ដោយប្រើប្រាស់ថវិកាដៃគូអភិវឌ្ឍន៍

ព្រឹត្តិការណ៍, អចលនទ្រព្យ

• 29/02/2024

គិតត្រឹមឆ្នាំ ២០២៣ ក្រសួងបានស្ថាបនា និងសាងសង់ផ្លូវជាតិកម្រិត១ ចំនួន៩ខ្សែ មានប្រវែងសរុប ២ ២៥៤គ.ម ដោយបានក្រាលកៅស៊ូ និងបេតុងសម្រេចបាន១០០%,