សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប៉ារីស ៖ ចាប់តាំងពីពេលដែលរុស្ស៊ីបានបើកការលុកលុយទៅលើប្រទេសអ៊ុយក្រែនមក វិបត្តិទីផ្សារប្រេង និងវិស័យថាមពលសកលក៏បានចាប់ផ្តើមកើតឡើងនៅស្ទើរគ្រប់ទីកន្លែង ខណៈដែលដំណោះស្រាយដ៏ប្រសើរមួយនៅមិនទាន់ដំណើរការនៅឡើយ។
បណ្តាប្រទេសទាំងឡាយលើពិភពលោកទើបតែបានងើបចេញពីវិបត្តិកូវីដដែលទាមទារចាំបាច់នូវការទាញយកថាមពលដ៏ច្រើនមកធ្វើសកម្មភាពសេដ្ឋកិច្ច ប៉ុន្តែការសម្រេចចិត្តរបស់រុស្ស៊ីគឺកំពុងបានផ្តល់ផលលំបាកយ៉ាងខ្លាំងចំពោះរដ្ឋាភិបាលនានានៃបណ្តាប្រទេសទាំងអស់នោះ និងបន្តរហូតមកដល់ពេលបច្ចុប្បន្ននេះ។
យោងតាមការស្រាវជ្រាវចុងក្រោយមួយដោយទីភ្នាក់ងារថាមពលអន្តរជាតិ ហៅកាត់ថា IEA (International Energy Agency) ដែលមានមូលដ្ឋាននៅក្នុងទីក្រុងប៉ារីស និងមានសមាជិកជារដ្ឋចំនួន៣១(មិនមានរុស្ស៊ី)បានបង្ហាញថា ពិភពលោកអាចធ្វើការកាត់បន្ថយប្រេង និងហ្គាសបានយ៉ាងមានប្រសិទ្ធភាពក្នុងទំហំប្រមាណជា ២,៧លានបារ៉ែលក្នុងរយៈពេល៤ខែប៉ុណ្ណោះ។ ប៉ុន្តែប្រទេសទាំងនោះត្រូវដាច់ខាតចូលរួមអនុវត្តផែនការសកម្មភាពមួយចំនួនដូចខាងក្រោមនេះ៖
១.កំណត់ល្បឿនលើផ្លូវហាយវេយដោយបន្ថយល្បឿនយ៉ាងហោចណាស់១០គីឡូម៉ែត្រក្នុងមួយម៉ោង ខណៈដែលបច្ចុប្បន្នមានប្រទេសមួយចំនួនបានអនុវត្តការងារនេះហើយព្រមទាំងកាត់បន្ថយការកកស្ទះនៅក្នុងប្រទេសផងដែរ។
២.ធ្វើការងារពីផ្ទះច្រើនជាង៣ថ្ងៃក្នុងមួយសប្តាហ៍ ឬតាមដែលអាចធ្វើទៅបាន។ ចំណុចនេះអាចជួយឲ្យសកម្មភាពធ្វើដំណើរប្រចាំថ្ងៃនឹងមានចំនួនតិចជាងមុន ហើយការប្រើប្រាស់ថាមពលក៏នឹងមិនមានចំនួនច្រើនដូចរាល់ដងនោះដែរ។
៣.អនុវត្តកម្មវិធី Car-free ជារៀងរាល់ថ្ងៃអាទិត្យនៅតាមទីក្រុង ខណៈដែលវិធីសាស្ត្រនេះធ្លាប់បានអនុវត្តម្តងហើយកាលពីឆ្នាំ១៩៧៣អំឡុងវិបត្តិប្រេងដូចគ្នានេះនៅក្នុងប្រទេសស្វីស ហូឡង់ និងអាល្លឺម៉ង់ជាដើម។
៤.កាត់បន្ថយតម្លៃធ្វើដំណើរតាមមធ្យោបាយសាធារណៈ និងបង្កើនហេដ្ឋារចនាសម្ព័ន្ធសម្រាប់ការដើរ និងជិះកង់។ គួរវិនិយោគបន្ថែមទៅលើកិច្ចការងារនេះតាមរយៈកញ្ចប់ថវិកាស្តារសេដ្ឋកិច្ចដែលមានស្រាប់ និងត្រូវប្រើប្រាស់ក្នុងគោលបំណងប្រយុទ្ធប្រឆាំងវិបត្តិកូវីដគឺជាគំនិតដ៏ល្អបំផុត។
៥.ផ្សព្វផ្សាយអំពីការបើកបររថយន្តដឹកទំនិញ និងមធ្យោបាយដឹកជញ្ជូនទំនិញដែលប្រកបដោយប្រសិទ្ធភាព។ រដ្ឋាភិបាលប្រទេសមួយចំនួន ដូចជាបារាំងជាដើម បានធ្វើការណែនាំបច្ចេកទេសបើកបរប្រកបដោយនិរន្តភាព ឬ eco-driving ដែលវាទាមទារឲ្យមានការរៀនសូត្រ និងឆ្លងកាត់ការធ្វើតេស្តផងដែរ។
៦.ប្រើប្រាស់រថភ្លើងជំនួសឲ្យការធ្វើដំណើរតាមយន្តហោះតាមដែលអាចធ្វើទៅបាន ដោយរថភ្លើងល្បឿនលឿនគួរតែជាមធ្យោបាយដ៏មានប្រសិទ្ធភាពជំនួសឲ្យការធ្វើដំណើរតាមការហោះហើរនៅក្នុងប្រទេសដែលមិនសូវមានភាពចាំបាច់ ពីព្រោះថាវាក៏អាចជួយសន្សំសំចៃថវិកាមានទំនុកចិត្ត និងភាពងាយស្រួលសុវត្ថិភាពជាងផងដែរ។
៧.ជៀសវាងការប្រើប្រាស់ការហោះហើរទាំងស្រុងចំពោះការធ្វើដំណើរដើម្បីអាជីវកម្ម ហើយក្រុមអ្នកពាណិជ្ជករ និងអាជីវករគួរស្វែងរកវិធីសាស្ត្រកាត់បន្ថយការធ្វើដំណើរដែលមិនចាំបាច់ជំនួសមកវិញ ដូចជាការប្រជុំអនឡាញ ការជួបជុំអនឡាញ ឬកាត់បន្ថយពីការហោះហើរ៥ជើងមកត្រឹមជាការហោះហើរតែ២ជើង ហើយជំនួសមកវិញដោយការជិះរថភ្លើងជាដើម។
៨.បង្កើន និងលើកទឹកចិត្តចំពោះរថយន្តអគ្គិសនី និងមធ្យោបាយដើរដោយថាមពលអគ្គិសនីផ្សេងទៀត ខណៈដែលចំណុចចុងក្រោយនេះគេសង្កេតឃើញថា មានប្រទេសភាគច្រើនគឺកំពុងអនុវត្តរួមគ្នាបានយ៉ាងសកម្មបំផុតដោយក្នុងនោះគិតត្រឹមឆ្នាំ២០២១ប៉ុណ្ណោះ រថយន្តអគ្គិសនីចំនួន៨ ,៤លានគ្រឿងរួចទៅហើយដែលបានបង្ហាញខ្លួននៅលើដងវិថីនានានៅទូទាំងសកលលោក ជាពិសេសនៅតំបន់ប៉ែកអឺរ៉ុប៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content