វិសុទ្ធបុស្បា យីហោទឹកឃ្មុំក្នុងស្រុកគិតពីគុណភាពជាចម្បង

ទឹកឃ្មុំ ជាទំនិញដែលត្រូវបានចាត់ទុកជាផលិតផលកសិផលម្យ៉ាងដែលឈ្មួញ ឬអតិថិជនសុទ្ធតែចង់បាននូវរបស់សុទ្ធល្អ មិនថាទឹកឃ្មុំព្រៃ ឬឃ្មុំចិញ្ចឹមនោះទេ ហេតុនេះហើយទើបម្ចាស់កសិដ្ឋានចិញ្ចឹមឃ្មុំមួយកន្លែងបានបង្កើត និងដំណើរការចិញ្ចឹម និងលក់ផលិតផលទឹកឃ្មុំផ្ដោតលើទំនុកចិត្តពីអតិថិជនជាចម្បង។

វិសុទ្ធបុស្បា ជាយីហោទឹកឃ្មុំធម្មជាតិមួយកន្លែងដែលមានទីតាំងនៅម្ដុំកោះក្របី ខណ្ឌច្បារអំពៅ ដែលកំពុងចិញ្ចឹមឃ្មុំដើម្បីផលិត និងផ្គត់ផ្គង់នូវទឹកឃ្មុំធម្មជាតិផ្ដោតសំខាន់ទៅលើគុណភាពជាចម្បង ដែលអាចផ្ដល់អត្ថប្រយោជន៍ និងសារធាតុចិញ្ចឹមខ្ពស់ចំពោះសុខភាពអ្នកប្រើប្រាស់ ។

លោក ប៊ុនធឿន តាំងឃន​ ហៅ ទីណូ ជាម្ចាស់កសិដ្ឋានវិសុទ្ធបុស្បា បានរៀបរាប់ប្រាប់ AMS ថា ៖

“យើងបង្កើតកសិដ្ឋានក៏ដូចជាយីហោ វិសុទ្ធបុស្បានេះឡើង ដោយធានាបាននូវគុណភាព និងស្តង់ដារល្អប្រសើរ តម្លៃសមរម្យ ត្បិតបច្ចុប្បន្នយើងមិនមានកន្លែងដាក់តាំងបង្ហាញធំក៏ដោយ។ សម្រាប់តម្លៃ យើងលក់ក្នុងតម្លៃ ១លីត្រ ៨ម៉ឺនរៀល ហើយអាចលក់បានប្រមាណ ១០-៣០លីត្រក្នុងមួយខែ។”

លោកបញ្ជាក់ថា៖

“ដោយសារតែមានបញ្ហាទីផ្សារទាក់ទងនឹងការអុកឡុកទីផ្សារ ការក្លែងបន្លំរបស់អាជីវករមួយចំនួនធ្វើឱ្យការលក់ថយចុះ តែមុនពេលមានបញ្ហានេះកើតឡើង យើងអាចលក់បានច្រើនរហូតដល់ ៦០-១០០លីត្រក្នុងមួយខែក៏មាន។”

លោកបន្ថែមទៀតថា បច្ចុប្បន្ននេះ សម្រាប់ទីផ្សារទឹកឃ្មុំ គឺមិនសូវមានទីផ្សារនោះទេ ដោយសារវិបត្តិសេដ្ឋកិច្ចផង និងកត្តានាំចូលពីប្រទេសជិតខាងដែលមានតម្លៃថោកជាងផង។ ដោយឡែកទឹកឃ្មុំនាំចូលភាគច្រើនគឺសម្រាប់ចម្អិនអាហារតែប៉ុណ្ណោះ ពោលគឺពុំមានសារធាតុចិញ្ចឹមគ្រប់គ្រាន់នោះទេ ហើយអ្នកលក់ខ្លះទៀតក៏បានក្លែងបន្លំទឹកឃ្មុំនាំចូលធ្វើជាទឹកឃ្មុំក្នុងស្រុក។

លោកបានបញ្ជាក់ឱ្យដឹងទៀតថា បច្ចុប្បន្ននេះឃ្មុំចិញ្ចឹមមានប្រមាណ ២០០ប្រអប់ ដោយក្នុងមួយប្រអប់មានចំនួនផ្លិតផ្សេងៗគ្នា ចាប់ពី ៦-១១ផ្លិតអាស្រ័យទៅតាមធុង។ ដោយឡែកចំពោះការចិញ្ចឹម គេបែងចែកជាពីរគឺ រដូវកាលប្រមូលផល និងរដូវកាលបំបែកពូជ ដែលរដូវកាលប្រមូលផលគឺចន្លោះចុងខែធ្នូ រហូតខែឧសភា (ក្នុងករណីពុំមានចំការសម្រាប់ផ្គត់ផ្គង់ឃ្មុំ) ប៉ុន្តែសម្រាប់អ្នកមានចំការដូចជានៅខាងប៉ៃលិន ឬបាត់ដំបងគេមានចំការមៀនប៉ៃលិនដែលអាចចិញ្ចឹមឃ្មុំបានពេញមួយឆ្នាំតែម្ដង។

ពាក់ព័ន្ធនឹងទិន្នផល គេអាចប្រមូលបានកំឡុងពេល ២-៣សប្ដាហ៍ ហើយបន្ទាប់មកទៀតគឺអាចប្រមូលរៀងរាល់២សប្ដាហ៍ ឬអាចចាំដល់ទឹកឃ្មុំគ្រប់អាយុក្នុងរយៈពេលប្រមាណ ៣សប្ដាហ៍ ទៅមួយខែ។ ឯរដូវការបំបែកពូជគឺគេមិនប្រមូលផលនោះទេ ពោលគឺគេផ្ដោតតែលើការបំបែកសំបុកបន្តពូជឱ្យបានច្រើនត្រៀមសម្រាប់រដូវការក្រោយ។ 

ការចិញ្ចឹមឃ្មុំគេមិនអាចធ្វើឡើងនៅមួយទីតាំងបាននោះទេ គឺត្រូវដឹកជញ្ជូនចល័តទៅតាមរដូវកាលនៃផ្ការីកដូចជា ខេត្តកំពង់ចាម មានចំការគ ស្រុកស្ទឹងត្រង់មានចំការចម្រុះ និងតំបន់កោះក្របីមានចំការមៀន ដែលទីតាំងសំខាន់ៗក្នុងការដាក់ឃ្មុំឱ្យក្របយកលំអងផ្ការបស់កសិដ្ឋានខាងលើ។

គួរបញ្ជាក់ដែរថា លោក ទីណូ បានចាប់ផ្ដើមចិញចិញ្ចឹមឃ្មុំនៅឆ្នាំ២០១៨ តែបរាជ័យដោយសារកង្វះខាតបច្ចេកទេស ហើយក៏ចាប់ផ្ដើមម្ដងទៀតនៅឆ្នាំ២០២០ រហូតដល់បច្ចុប្បន្ន។ ហេតុផលដែលជំរុញឱ្យលោកចាប់អាជីពជាអ្នកចិញ្ចឹមឃ្មុំនេះ ដោយសារលោកមើលឃើញពី​សក្ដានុពលទឹកឃ្មុំដែលអាចប្រើប្រាស់ជាឱសថផង ជាអាហារផង និងអាចប្រើសម្រាប់ជំនួយដល់សម្រស់ផងដែរ។

លោករំឭកទៀតថា ដំបូងឡើយលោកមានដៃគូសហការគ្នាចិញ្ចឹម លុះក្រោយពេលចេះបច្ចេកទេសដូចគ្នា និងអាចដំណើរការបានដោយខ្លួនឯងក៏ចាប់ផ្តើមបង្កើតកសិដ្ឋានរៀងៗខ្លួន ប៉ុន្តែនៅតែចែករំលែកចំណេះដឹង និងជួយគ្នាទៅវិញទៅមកដដែល។

ចុងក្រោយ ម្ចាស់កសិដ្ឋានចិញ្ចឹមឃ្មុំរូបនេះបានបង្ហើបពីគម្រោងនាពេលអនាគត ចង់ពង្រីកការចិញ្ចឹមដើម្បីអាចបន្ថយតម្លៃលក់ តែរក្សាបាននូវគុណភាពទឹកឃ្មុំធ្វើឱ្យអតិថិជនមានទំនុកចិត្តក្នុងការប្រើប្រាស់ផលិតទឹកឃ្មុំក្នុងស្រុក។ ចំណែកអ្នកដែលមានចំណាប់អារម្មណ៍ចង់រៀនបច្ចេកទេសចិញ្ចឹមឃ្មុំ ខាងកសិដ្ឋាននេះក៏ស្វាគមន៍ជានិច្ចសម្រាប់ការចែករំលែកផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាសព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា