សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ មេដឹកនាំឥណ្ឌា បានបង្ហាញអំពីមហិច្ឆិតារបស់រដ្ឋាភិបាលទីក្រុងញុវដេលីដើម្បីបង្កើនផលិតកម្មក្នុងការផលិតសព្វាវុធ និងការនាំចេញសព្វាវុធឲ្យបានកាន់តែច្រើននៅក្នុងរយៈពេលប៉ុន្មានឆ្នាំខាងមុខ។ ការប្តេជ្ញាចិត្តដែលត្រូវបានធ្វើឡើងដោយរដ្ឋមន្ត្រីក្រសួងការពារជាតិឥណ្ឌា លោក Rajnath Singh កាលពីថ្ងៃចន្ទសប្តាហ៍នេះ នៅឯព្រឹត្តិការណ៍ពិព័រណ៍យន្តហោះដែលជាអាកាសដ៏ធំបំផុតរបស់ប្រទេសឥណ្ឌា។
បច្ចុប្បន្ន ប្រទេសឥណ្ឌា គឺជាអ្នកដែលនាំចូលសព្វាវុធធំជាងគេបំផុតរបស់ពិភពលោក ប៉ុន្តែបានបង្ហាញនូវបំណងប្រាថ្នាដ៏ធំមួយទៀតគឺការធ្វើទំនើបកម្មលើសព្វាវុធ និងការបង្កើនការផលិតសព្វាវុធឲ្យបានកាន់តែច្រើនប្រកបដោយគុណភាពខ្លាំងដើម្បីធ្វើយ៉ាងណាអាចឡើងទៅដល់កម្រិតប្រកួតប្រជែងជាមួយនឹងប្រទេសជិតខាង ជាពិសេសប្រទេសមហាអំណាចអាវុធដ៏ធំបំផុតមួយរបស់ពិភពលោក នោះគឺប្រទេសចិន។
ព្រឹត្តិការណ៍ពិព័រណ៍សព្វាវុធផ្នែកអាកាស Aero India aerospace exhibition ដែលចាប់ផ្តើមធ្វើឡើងនៅថ្ងៃចន្ទនៅក្នុងទីក្រុងភាគខាងត្បូង Bengaluru ហើយនឹងបន្តធ្វើរហូតដល់ថ្ងៃសុក្រសប្ដាហ៍នេះមានការចូលរួមពីសំណាក់ក្រុមហ៊ុនបរទេសជាង១៥០ ហើយរំពឹងទុកថាក៏នឹងមានការចូលរួមពីសំណាក់ក្រុមអ្នកតំណាង និងរដ្ឋមន្ត្រីក្រសួងការពារជាតិប្រទេសជាង៣០ផ្សេងទៀតផងដែរ។
យោងតាមការបញ្ជាក់អ្នកជំនាញបានឲ្យដឹងដែរថា ក្នុងពិព៍ណ៍ដ៏ធំនេះក៏នឹងឃើញមានវត្តមានយន្តហោះទំនើបបំផុតរបស់ប្រទេសរុស្ស៊ី និងយន្តហោះចម្បាំងជំនាន់ទី៥របស់អាមេរិកផងដែរ គឺ Su-57 និង F-35 Lightning II។
គួរឲ្យដឹងដែរថា អស់រយៈពេលជាងមួយទសវត្សរ៍មកនេះ ប្រទេសឥណ្ឌាបានបង្កើនការបញ្ជាទិញសព្វាវុធពីខាងក្រៅយ៉ាងច្រើន ជាពិសេសពីសម្ព័ន្ធមិត្តនៅលោកខាងលិចរបស់ខ្លួនដើម្បីអាចដកឃា្លបន្តិចចេញពីដៃគូជាយូរមកហើយរបស់ខ្លួនគឺប្រទេសរុស្ស៊ី ដោយសារតែរដ្ឋាភិបាលមូស្គូកំពុងជាប់រវល់ខ្លាំងនៅក្នុងជម្លោះជាមួយនឹងប្រទេសអ៊ុយក្រែន៕
Account
Security
Favourite Content