សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អាជីវកម្មគំរូថ្មី ឬធុរកិច្ចបរិយាបន្ន គឺជាប្រភេទអាជីវកម្មដែលឈរទៅលើភាពច្នៃប្រតិដ្ឋ រកប្រាក់ចំណូល និងរកដំណោះស្រាយជាប្រព័ន្ធ ដែលឆ្លើយតបទៅនឹងភាពចាំបាច់របស់ប្រជាពលរដ្ឋក្រីក្រស្ថិតនៅក្រោមបាតពីរ៉ាមីត ៤០% ឬហៅកាត់ថា Bop និង B40 និងមាននិរន្តរភាព ដែលអាជីវកម្មបរិយាបន្នទាំងនេះអាចផ្ដល់នូវភាពឈ្នះ ឈ្នះ ឈ្នះ ទៅដល់គ្រប់ភាគីទាំងអស់។
ឯកឧត្តម បណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា កត្តាឈ្នះទាំង៣ គឺរួមមាន ទី១ គឺឈ្នះសម្រាប់រាជរដ្ឋាភិបាល ដែលជាការជំរុញ និងការលើកកម្ពស់បរិយាបន្នតាមរយៈការចូលរួមពីវិស័យឯកជន។ទី២ គឺឈ្នះសម្រាប់ក្រុមហ៊ុន សហគ្រាស អាជីវកម្មផ្ទាល់ដែលជាការសម្រេចបាននូវប្រាក់ចំណូលខ្ពស់ជាងមុន អាចបង្កើនឱកាសទីផ្សារថ្មីៗ និងខ្សែច្រវ៉ាក់ផ្គត់ផ្គង់ល្អជាងមុន។ទី៣ គឺឈ្នះសម្រាប់ប្រជាពលរដ្ឋក្រីក្រ ក្នុងការទទួលបានការគាំទ្រដែលមានលក្ខណៈជាប្រព័ន្ធ អាចមានលទ្ធភាពទទួលបានចំណូលសមរម្យ និងមាននិរន្តរភាព។
ឯកឧត្តម ហេង សុខគង់ បានបញ្ជាក់ទៀត ៖ សម្រាប់ក្រុមហ៊ុនដែលចូលក្នុងអាជីវកម្មបរិយាបន្នមិនត្រឹមតែបង្កើនសកម្មភាពក្នុងកិច្ចការសង្គមដោយខ្លួនឯងនោះទេ សំខាន់គំនិតទាំងនោះវាមានលក្ខណៈនវានុវត្តន៍ ជាមួយនឹងការប្រើបច្ចេកវិទ្យាឌីជីថល ដែលមានភាពប្រទាក់ក្រឡាជាមួយបណ្ដាប្រជាពលរដ្ឋ ជាមួយអ្នកផ្គត់ផ្គង់ទាំងនៅក្នុងតំបន់ ក៏ដូចជាបណ្ដាប្រទេសមួយចំនួនទៀត។ ដូច្នេះនៅពេលដែលខ្សែច្រវាក់ផលិតកម្មមានភាពល្អប្រសើរ នឹងធ្វើឲ្យអាជីវកម្មមានភាពធន់ទៅគ្រប់បរិយាកាសនៃការវិវត្តន៍របស់សង្គម។
ឯកឧត្តម បានលើកជាឧទាហរណ៍ថា នៅពេលដែលមានវិបត្តិកូវីដ-១៩ ក្រុមហ៊ុនមួយចំនួនមានភាពធន់ដែលយើងបានធ្វើការជ្រើសរើសបានចំនួន ១៨ ហើយជាក់ស្ដែង ពួកគាត់ចាប់ផ្ដើមស្វែងយល់បន្ថែមពីគំរូអាជីវកម្ម ឬអាជីវកម្មបរិយាបន្ន ដោយបានប្រែក្លាយខ្លួនជាក្រុមហ៊ុនដែលមានភាពរឹងមាំ ហើយទទួលបាននូវទំនាក់ទំនង ការគាំទ្រ ជាមួយនឹងការទទួលបានការបណ្ដាក់ទុនបន្ថែមពីដៃគូជាច្រើនទៀត ហើយក៏មានក្រុមហ៊ុនខ្លះទទួលបានពានរង្វាន់ដៃគូសហការក្នុងប្រទេសជប៉ុនថែមទៀតផង។
បើតាមការលើកឡើងរបស់ ឯកឧត្តម បណ្ឌិត ហេង សុខគង់ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានត្រៀមជ្រើសយកក្រុមហ៊ុន ឬអាជីវកម្មបរិយាបន្នចំនួន ៣០ បន្ថែមទៀត ខណៈដែលក្រុមហ៊ុនអាជីវកម្មទាំង ១៨ ដែលបានជ្រើសកាលពីឆ្នាំកន្លងទៅនោះរួមមានចំនួន៦ ជាក្រុមហ៊ុនខ្នាតធំ , ៣ ជាក្រុមហ៊ុនខ្នាតមធ្យម និងចំនួន ៩ ទៀតជាក្រុមហ៊ុនខ្នាតតូច៕
Account
Security
Favourite Content