សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រុស្ស៊ី បានសន្យាក្នុងការគាំទ្រប្រទេសចិនរហូតទាល់តែបានក្លាយទៅជាមហាអំណាចទី១នៃថាមពលនុយក្លេអ៊ែរជំនួសឲ្យប្រទេសអាម៉េរិក។ នេះជាការលើកឡើងរបស់លោក លោក Alexey Likhachev ប្រធានក្រុមហ៊ុនដ៏ធំលើវិស័យថាមពល Rosatom ដែលទទួលបានការគាំទ្រទាំងស្រុងពីសំណាក់ Vladimir Putin ក្នុងអំឡុងពេលដែលលោកកំពុងមានវត្តមានចូលរួមកិច្ចពិភាក្សារវាងមេដឹកនាំកំពូលនៅក្នុងទីក្រុងប៉េកាំងនាពេលថ្មីៗនេះ។
បច្ចុប្បន្ន សហរដ្ឋអាម៉េរិក គឺជាប្រទេសដែលមានបណ្តាញរោងចក្រម៉ាស៊ីនរ៉េអាក់ទ័រសម្រាប់ផលិតថាមពលនុយក្លេអ៊ែរដ៏ធំបំផុតរបស់ពិភពលោក ឬប្រមាណជា ៩៧ជីហ្គាវ៉ាត់ ដែលបានតម្លើងរួចរាល់។
ដោយឡែក យោងតាមទិន្នន័យអជ្ញាធរជាតិអាម៉េរិកដែលផ្តល់ព័ត៌មានអំពីថាមពល ឬ US Energy Information Administration បានអះអាងថា បច្ចុប្បន្ននេះ ប្រទេសចិនគឺជាមហាអំណាចទី២ ក្នុងវិស័យនេះ ដែលគិតត្រឹមខែមេសា ឆ្នាំ២០២៤ មានរោងចក្ររ៉េអាក់ទ័រមួយចំនួនដែលអាចផលិតបានថាមពលប្រមាណជា ៥៣,២ជីហ្គាវ៉ាត់។
លោក Likhachev បានបញ្ជាក់ថា៖ ប្រទេសចិនមានមហិច្ឆតាក្នុងការសាងសង់ និងអភិវឌ្ឍបន្ថែមទៅលើថាមពលអាតូមិក។ គោលដៅសំខាន់ដំបូងបំផុតរបស់ចិននៅពេលនេះគឺតាមឲ្យទាន់សមត្ថភាពរបស់អាម៉េរិក កសាងម៉ាស៊ីនរ៉េអាក់ទ័របន្ថែម ផលិតឲ្យបានថាមពលទៅដល់១០០ជីហ្គាវ៉ាត់។
ឆ្លើយតបទៅនឹងសំណួរអ្នកព័ត៌មានដែលចោទឡើងថា តើប្រទេសរុស្ស៊ីនឹងជួយគាំទ្រដល់ប្រទេសចិនដើម្បីសម្រេចបានគោលដៅនេះដែរ ឬយ់ាងណានោះ ? លោក Likhachev បានបញ្ជាក់ថា៖ ច្បាស់ណាស់ពួកយើងត្រូវតែជួយដល់កិច្ចការងារនេះ ហើយពួកយើងបានត្រៀមរួចរាល់ហើយ។
គួរឲ្យដឹងដែរថា មកដល់ពេលនេះ ប្រទេសរុស្ស៊ី បានជួយដល់ការសាងសង់ម៉ាស៊ីនរ៉េអាក់ទ័រឲ្យប្រទេសចិនចំនួន៤ទីតាំងរួចមកហើយនៅក្នុងប្រទេសចិន ហើយក៏មានផែនការជួយកសាងចំនួន៤ទីតាំងបន្ថែមទៀត ព្រមទាំងនឹងជួយផ្គត់ផ្គង់សារធាតុអ៊ុយរ៉ាញ៉ូម និងសាំងសម្រាប់ប្រើប្រាស់ក្នុងវិស័យថាមពលនុយក្លេអ៊ែរនេះផងដែរ៕
Account
Security
Favourite Content