សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រដ្ឋាភិបាលក្រុងប៉េកាំង បានសម្តែងក្ដីបារម្ភចំពោះសមត្ថភាពនុយក្លេអ៊ែរដែលកំពុងកើនឡើង និងការផ្លាស់ប្តូរគោលជំហរក្នុងវិស័យការពារជាតិរបស់ក្រុងតូក្យូ ប្រទេសជប៉ុន កំពុងកាន់កាប់សារធាតុផ្លុយតូញ៉ូម (plutonium) នៅក្នុងឃ្លាំងរហូតដល់ទៅ ៤៤,៤ តោន ដែលគ្រប់គ្រាន់សម្រាប់ផលិតនុយក្លេអ៊ែរបានរាប់ពាន់ក្បាល់គ្រាប់។
កាសែតរុស្សី RT បានដកស្រង់សម្តីរបស់លោក Zhang Hanhui អគ្គរដ្ឋទូតចិនប្រចាំប្រទេសរុស្ស៊ី ឱ្យដឹងថា គ្រាន់តែបរិមាណសារធាតុនេះមួយមុខនេះ គឺគ្រប់គ្រាន់ឱ្យជប៉ុនអាចផលិតក្បាលគ្រាប់នុយក្លេអ៊ែរបានប្រមាណ ៥៥០០ ក្បាល ដែលវាអាចធ្វើឱ្យប្រទេសជប៉ុនសម្រេចគោលបំណងរបស់ខ្លួន ទាំងលទ្ធភាពក្នុងការផលិត និងរក្សាទុកអាវុធនុយក្លេអ៊ែរ ក្លាយជាការពិត ។
មន្ត្រីការទូតចិនរូបនេះបានព្រមានថា ប្រសិនបើជប៉ុនសម្រេចចិត្តអភិវឌ្ឍនុយក្លេអ៊ែរដោយខ្លួនឯងនោះស្ថានភាពតុល្យភាពសន្តិសុខនៅអាស៊ីភាគឦសានប្រាកដណាស់នឹងត្រូវជួបបញ្ហាអាក្រក់ ហើយការប្រកួតប្រជែងនឹងប្រឈមមុខដាក់គ្នានៃអាវុធប្រល័យលោក ដែលអាចផ្ទុះឡើងភ្លាមៗនៅពេលណាមួយក៏បាន។ ដូច្នេះ ប្រសិនបើជប៉ុននៅតែបន្តប្រឡែងលេងនឹងដុំភ្លើងតាមរយៈការផ្លាស់ប្តូរគោលនយោបាយនុយក្លេអ៊ែរ ជប៉ុននឹងអាចមើលឃើញពីប្រវត្តិសាស្ត្រច្រំដែលកើតឡើងលើខ្លួនឯងជាក់មិនខាន។
ការព្រមានដ៏មុតស្រួចនេះកើតមានឡើងបន្ទាប់ពីមន្ត្រីជាន់ខ្ពស់រៀបចំគោលនយោបាយសន្តិសុខរបស់រដ្ឋាភិបាលជប៉ុនក្រោយអាណត្តិរបស់លោកស្រី Sanae Takaichi ជានាយករដ្ឋមន្ត្រីអះអាងថា ប្រទេសជប៉ុនគួរតែពិចារណាក្នុងការផលិត និងបំពាក់អាវុធនុយក្លេអ៊ែរផ្ទាល់ខ្លួន ខណៈដែលឆ័ត្រការពារនុយក្លេអ៊ែររបស់អាមេរិកកាន់តែថយិទ្ធិពល និងមិនគួរទុកចិត្តបានឡើង។
ជាការឆ្លើយតប លោក Zhang បានចោទប្រកាន់មេដឹកនាំជប៉ុនថា បានលាក់បាំងមហិច្ឆតានុយក្លេអ៊ែរនៅពីក្រោយក្នុងនាមជាប្រទេសតែមួយគត់ដែលធ្លាប់បានទទួលរងការទម្លាក់គ្រាប់បែកបរមាណូក្នុងសង្គ្រាម ដោយនិយាយថា ថ្នាក់ដឹកនាំជប៉ុនបានចាប់ផ្តើមការធ្វើតេស្តសាកល្បងដ៏គ្រោះថ្នាក់នៅក្នុងគោលនយោបាយនុយក្លេអ៊ែរ តាមរយៈការព្យាយាមធ្វើឱ្យស្មារតីយោធានិយមងើបឡើងវិញ។
គួរឱ្យដឹងដែរថា ប្រទេសរុស្ស៊ី ក៏បានសម្តែងក្ដីបារម្ភស្រដៀងគ្នាទៅនឹងចិនដែរ ដោយរដ្ឋមន្ត្រីការបរទេសរុស្ស៊ី លោក Sergey Lavrov បានហៅការជជែកដេញដោលលើការកែប្រែគោលការណ៍នុយក្លេអ៊ែររបស់ប្រទេសជប៉ុនថា ជាសញ្ញាគ្រោះថ្នាក់ និងធ្ងន់ធ្ងរបំផុត ខណៈដែលអនុរដ្ឋមន្ត្រីការបរទេសរុស្ស៊ី លោក Andrey Rudenko បានព្រមានថា ការបោះបង់ចោលគោលនយោបាយចាស់របស់ជប៉ុន ហើយចាប់យកគោលបំណងក្លាយជាអ្នកផលិតអាវុធនុយក្លេអ៊ែរនេះនឹងធ្វើឱ្យសណ្ដាប់ធ្នាប់ សន្តិសុខនៅក្នុងតំបន់អាស៊ីភាគឦសានកាន់តែអាក្រក់ទៅៗជាក់ជាមិនខាន៕
Account
Security
Favourite Content