សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ព្រះអង្គម្ចាស់ឆាលស៍ទី៣ (Charles III) ដែលបន្តគ្រងរាជ្យសម្បត្តិពីព្រះមាតា អេលីហ្សាប៊ែត ទី២ ដែលជាទើបនឹងសោយទិវង្គត ត្រូវប្រជានុរាស្ត្រទទួលស្គាល់ និងចាត់ទុកថាជាក្សត្រដែលនិយមគាំទ្រ និងថែរក្សាបរិស្ថានជាខ្លាំង ជាពិសេសប្រភេទជីវចម្រុះ ដែលបង្ហាញតាមរយៈព្រះរាជសកម្មភាពផ្ទាល់ និងតាមរយៈមូលនិធិរបស់ព្រះអង្គ (Prince’s Foundation)។
ជាក់ស្តែង តាំងតែពីអំឡុងឆ្នាំ១៩៨០ ព្រះអង្គម្ចាស់បានជំរុញសកម្មភាពខាងកសិកម្មសរីរាង្គនៅចម្ការរបស់ព្រះអង្គ ស្ថិតនៅប៉ែកនិរតីនៃចក្រភពអង់គ្លេស ដែលមានទំហំផ្ទៃដី ៣៦៥ហិកតា ដោយទ្រង់ផលិតកសិកម្មសរីរាង្គ « Home Farm » សម្រាប់នាំចេញលក់នៅក្រៅប្រទេស។ ក្នុងគម្រោងនេះ ព្រះអង្គមានព្រះរាជសកម្មភាពស្វិតស្វាញក្នុងកិច្ចការពារបរិវេណជម្រកសត្វ រួមជាមួយនឹងការទប់ស្កាត់បញ្ហាភ្លើងឆេះព្រៃ។ ព្រះអង្គម្ចាស់ ឆាលស៍ ក៏បានក្លាយជាព្រះប្រធាននៃមូលនិធិដើម្បីបរិស្ថានប្រចាំអង់គ្លេស គឺអង្គការ WWF (World Wide Fund for Nature) ហើយអង្គការមួយនេះ ក៏មានសាខានៅក្នុងប្រទេសកម្ពុជាផងដែរ។
នៅក្នុងឱកាសបើក «សន្និសីទនាទីក្រុងប៉ារីសស្តីពីអាកាសធាតុ» កាលពីឆ្នាំ២០១៥ ព្រះអង្គស្តេចបានយាងថ្លែងបើកកម្មវិធីដោយផ្ទាល់ ហើយ៦ឆ្នាំក្រោយមក នៅក្នុងសន្និសីទអាកាសធាតុ COP26 នៅក្រុង Glasgow ព្រះអង្គម្ចាស់ ឆាលស៍ ក៏បានសម្តែងព្រះរាជហឫទ័យព្រួយបារម្ភជាពន់ពេកទៅលើបញ្ហាអាកាសធាតុ និងបានអំពាវនាវឲ្យមេដឹកនាំទាំងឡាយនៅលើពិភពលោករួបរួមគ្នាកាត់បន្ថយការបំភាយបញ្ចេញផ្សែងពុល និងឧស្ម័នកាបូនទៅក្នុងបរិយាកាស ដែលនាំឲ្យកើនឡើងកម្តៅផែនដី និងបង្កគ្រោះមហន្តរាយ។ លុះកាលពីខែវិច្ឆិកា ឆ្នាំ២០២១កន្លងទៅនេះ ព្រះអង្គមានព្រះបន្ទូលថា «យើងមិនសល់ពេលច្រើនទេ» សម្រាប់សង្គ្រោះភពផែនដី ព្រោះតែបញ្ហាប្រែប្រួលអាកាសធាតុ។
នៅក្នុងសេចក្តីរាយការណ៍ព័ត៌មានពីបស្ចឹមលោកបានបញ្ជាក់ថា ព្រះអង្គម្ចាស់ ឆាលស៍ ទ្រង់ពុំសោយសាច់ច្រើននោះទេ ហើយព្រះរាជរថទីនាំងរបស់ទ្រង់គឺរថយន្តដើរដោយថាមពលអគ្គិសនី ហើយនៅរយៈពេលប៉ុន្មានឆ្នាំចុងក្រោយនេះ ព្រះអង្គបានជាវឥណទានកាបូនយ៉ាងច្រើន។ ជាក់ស្ដែងនៅក្នុងឆ្នាំ២០២១ ទ្រង់បានជាវឥណទានចំនួន ៣ ១៣៣តោន ខណៈដែលនៅឆ្នាំ២០១៩ ទ្រង់បានជាវរហូតដល់ ៥ ០៧០តោន។
គួរកត់សម្គាល់ផងដែរថា ព្រះអង្គម្ចាស់ ឆាលស៍ ទី៣ មានព្រះជន្ម ៧៣ វស្សា និងព្រះរាជនាមពេញថា Charles Philip Arthur George Windsor។ ព្រះអង្គធ្លាប់សិក្សានៅ Trinity College Cambridge ហើយព្រះអង្គក៏បានរៀនភាសាបារាំងខ្លះផងដែរ៕ អត្ថបទដោយ ៖ សេរី ឧត្តម
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content