សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពព័ត៌មានពី Weforum បានរាយការណ៍ថា ដ្រូនកសិកម្ម ត្រាក់ទ័រគ្មានអ្នកបើកបរ និងមនុស្សយន្តដាំដំណាំ គឺបច្ចេកវិទ្យានុវានុវត្ត ដែលនឹងផ្តល់អត្ថប្រយោជន៍សម្រាប់សង្វាក់ផ្គត់ផ្គង់ស្បៀងនាពេលអនាគត ដោយសារការច្នៃប្រឌិតទាំងនេះអាចផលិតស្បៀងបានច្រើនដោយចំណាយកម្លាំងពលកម្មតិច និងមិនផ្តល់ប៉ះពាល់ខ្លាំងដល់បរិស្ថាន។
យោងតាមការស្រាវជ្រាវពី Global Market Insights Inc បានព្យាករណ៍ថា ទីផ្សារវិស័យកសិកម្មតាមបែបប្រព័ន្ធស្វ័យប្រវត្តិនឹងកើនលើស ៩៥ ពាន់លានដុល្លារនៅឆ្នាំ ២០២៧។ តាមការព្យាករណ៍ កង្វះកម្លាំងពលកម្មនៅក្នុងឧស្សាហកម្មកសិកម្មរបស់ប្រទេសកាណាដាអាចកើនឡើងដល់ ១១៤ ០០០ នៅឆ្នាំ ២០២៥ ដែលស្រដៀងគ្នានៅសហរដ្ឋអាមេរិក ដោយសារមានការផ្លាស់ប្តូរមួយចំនួនទៅជាកសិកម្មស្វ័យប្រវត្តិដែលធ្វើឱ្យមានកង្វះកម្លាំងពលកម្មក្នុងវិស័យកសិកម្ម។
ខាងក្រោមនេះគឺជាវិធី ៣ យ៉ាង ដែលការធ្វើកសិកម្មបែបប្រព័ន្ធស្វ័យប្រវត្តិនឹងផ្តល់ផលប្រយោជន៍ដល់ឧស្សាហកម្មកសិកម្ម ៖
ទីមួយ គឺការប្រើប្រាស់កម្លាំងពលកម្មកសិកម្មដោយប្រើត្រាក់ទ័របើកដោយស្វ័យប្រវត្តិ។ ប្រព័ន្ធស្វ័យប្រវត្តិត្រូវបានកំណត់ឡើងដើម្បីធ្វើបដិវត្តន៍ឧស្សាហកម្មកសិកម្មដោយដកកម្លាំងពលកម្មមនុស្សចេញ និងកាត់បន្ថយការប្រើកម្លាំងពលកម្ម នៅពេលដែលអត្រាការងារក្នុងវិស័យនេះអាចនឹងធ្លាក់ចុះនាពេលអនាគត។
ក្នុងឆ្នាំ ១៨៣៧ ក្រុមមហ៊ុន John Deere ទទួលបានជោគជ័យលើឧបករណ៍រាស់ដីជាលើកដំបូង ហើយថ្មីៗនេះក្រុមហ៊ុននេះ បានបង្ហាញត្រាក់ទ័របើកដោយស្វ័យប្រវត្តិដំបូងបង្អស់របស់ខ្លួន (8R) នៅឯកម្មវិធី Consumer Electronics (CES) នៅរដ្ឋ Las Vegas ។ ក្រុមហ៊ុននេះបានឱ្យដឹងថា ៖ ដើមឡើយ វិស័យកសិកម្មកាន់តែទាមទារកម្លាំងកាន់តែច្រើនដូចជា កម្លាំងសេះ គ្រឿងសម្ភារៈបរិក្ខាច្រើនដើម្បីធ្វើកសិកម្មលើដីច្រើនហិចតា ប៉ុន្តែយុគសម័យឌីជីថលថ្មីកំពុងផ្លាស់ប្តូរអ្វីៗទាំងអស់។
គោលបំណងនៃត្រាក់ទ័រគ្មានអ្នកបើកនេះ គឺដើម្បីសម្រួលកម្លាំងពលកម្មកសិករពីការបើកបរត្រាក់ទ័រ ៨ ទៅ ១២ ម៉ោង ដោយវាអាចអនុញ្ញាតឱ្យកសិករគ្រប់គ្រងតាមរយៈកម្មវិធីនៅលើទូរស័ព្ទ ឬកុំព្យូទ័ររបស់ពួកគេ។ កសិករអាចប្រើកម្មវិធីនេះដើម្បីកំណត់ទីតាំងត្រាក់ទ័រ ប្រើប្រាស់លើវាលដំណាំ បត់ត្រឡប់ទៅវិញទៅមក និងធ្វើចលនាជុំវិញទីតាំងផងដែរ។
ទីពីរ គឺការធ្វើកសិកម្មប្រកបដោយនិរន្តរភាពជាមួយនឹងដ្រូន (Drone) សម្រាប់កសិកម្ម។ ដ្រូនសម្រាប់កសិកម្មអាចជួយសម្រួលដល់កសិករបង្កើនផលិតកម្មដំណាំ និងតាមដានកំណើនដំណាំសម្រាប់ទទួលទិន្នផលខ្ពស់។ កសិករអាចប្រើប្រាស់ទិន្នន័យ Drone ដើម្បីទាញយកគំរូដី ពិនិត្យមើលសីតុណ្ហភាព សំណើម និងកម្ពស់ដំណាំផងដែរ។ ក្រុមហ៊ុនផលិតយន្តហោះគ្មានមនុស្សបើក DJI ផ្តល់ជូនបន្ថែមនូវជម្រើសកសិកម្មតាមរយៈបង្ហោះ Drone ដែលផ្តល់សេវាកម្ម ដូចជាការត្រួតពិនិត្យ និងការបាញ់ថ្នាំសម្លាប់សត្វល្អិតផងដែរ។
ទីបី គឺការបង្កើនផលិតភាពការងារកសិកម្មជាមួយមនុស្សយន្តដាំដំណាំ។ ការសាបព្រួសគ្រាប់ពូជតម្រូវឱ្យមនុស្សមានការខិតខំប្រឹងប្រែងយ៉ាងច្រើន និងត្រូវការពេលវេលាច្រើនផងដែរ ប៉ុន្តែមនុស្សយន្តដែលចេះសាបព្រួសគ្រាប់ពូជ អាចជួយសន្សំពេលវេលា និងថវិការបស់កសិករ។ មនុស្សយន្តនេះអាចដាំដំណាំនៅក្នុងទីតាំងដែលមនុស្សចង់បាន ដោយមិនចាំបាច់ចំណាយកម្លាំងច្រើន។ ក្រុមហ៊ុនគ្រឿងឧបករណ៍កសិកម្ម Fendt កំពុងសាកល្បងមនុស្សយន្តដាំដំណាំខ្នាតតូច ដែមមានទំហំប្រហាក់ប្រហែលនឹងទំហំម៉ាស៊ីនបោកគក់៕
Account
Security
Favourite Content