សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ Tuvalu ជាប្រទេសដែលនកោះដ៏តូចមួយស្ថិតនៅក្នុងអនុតំបន់ប៉ូលីណេស៊ី នៃទ្វីបអូសេអានី ក្នុងមហាសមុទ្រប៉ាស៊ីហ្វិក ហើយវាមានទីតាំងស្ថិតនៅចំចន្លោះកណ្តាលនៃការធ្វើដំណើររវាងកោះហាវ៉ៃ និងអូស្ត្រាលី។
បើគិតជាចំនួនប្រជាជនវិញ Tuvalu គឺជាប្រទេសស្ថិតនៅក្នុងចំណោមប្រទេសមានអធិបតេយ្យភាព និងតូចជាងគេបំផុតរបស់ពិភពលោក ប៉ុន្តែធំជាងបុរីវ៉ាទីកង់បន្តិច ហើយ Tuvalu មិនមែនជារដ្ឋសមាជិកអង្គការសហប្រជាជាតិនោះទេ ហើយបើគិតជាផ្ទៃដីវិញ Tuvalu គឺជាប្រទេសអធិបតេយ្យភាពតូចបំផុតទី៣របស់ពិភពលោកដែលមានតែប្រទេស Monaco និង Nauru ប៉ុណ្ណោះដែលមានផ្ទៃដីតូចជាង Tuvalu ។
ដោយឡែក ក្នុងគ្រាដែលមានបញ្ហាបម្រែបម្រួលអាកាសធាតុ ឬ Climate Change បានក្លាយទៅជាការគំរាមកំហែងធំបំផុតសម្រាប់ប្រជាជាតិដ៏តូចមួយនេះ ពីព្រោះថានឹងមិនមានអ្វីមករារាំង Tuvalu មិនឲ្យលិចចូលទៅក្រោមទឹកបាននោះឡើយនៅត្រឹមដំណាច់ទសវត្សរ៍ចុងក្រោយនេះ។
ជាការសម្រេចចិត្តរបស់រដ្ឋាភិបាលដែលមានប្រជាពលរដ្ឋរស់នៅប្រមាណជាង ១១ ០០០នាក់ ប្រទេស Tuvalu បានសម្រេចចិត្តក្នុងការរៀបចំខ្លួនក្លាយទៅជាប្រទេសឌីជីថលដំបូងគេបំផុតលើពិភពលោក ឬ The World first digital nation តាមរយៈការកសាង និងអភិវឌ្ឍខ្លួនបន្តិចម្តងៗតាមចំណែករបស់ប្រទេសទៅក្នុងពិភពលោកសិប្បនិម្មិត ឬ Metaverse។
រដ្ឋមន្ត្រីក្រសួងការបរទេសរបស់ប្រទេស Tuvalu លោក Simon Kofe បានចេញសេចក្តីថ្លែងការណ៍ប្រកាសនេះនៅឯកិច្ចប្រជុំ COP27 ថា ៖
“ដីរបស់ពួកយើង, សមុទ្ររបស់យើង និងវប្បធម៌របស់យើង ជាកេរ្ត៍តំណែលដ៏មានតម្លៃរបស់ពលរដ្ឋ Tuvalu ដូចនេះ ទោះបីជាមានអ្វីកើតឡើងចំពោះដែនកោះរបស់យើងនាពេលអនាគតក្តី ប៉ុន្តែយើងបានសម្រេចចិត្តរៀបចំប្រទេសរបស់យើងមួយទៀតនៅលើពិភពសិប្បនិម្មិតដើម្បីអាចគេចចេញពីបញ្ហាបម្រែបម្រួលអាកាសធាតុ ហើយធានាបានថាពលរដ្ឋយើងជំនាន់ក្រោយនៅតែអាចមើលឃើញអ្វីដែលជា Tuvalu នៅ Metaverse ។”
នេះមិនមែនជាលើកទីមួយ ដែល Tuvalu បានព្យាយាមបង្ហាញពិភពលោកអំពីបញ្ហាបម្រែបម្រួលអាកាសធាតុដោយកាលពីប៉ុន្មានខែមុនរដ្ឋមន្ត្រីដដែលរូបនេះក៏ធ្លាប់បានចេញសេចក្តីថ្លែងការណ៍ទៅកាន់អង្គប្រជុំស្តីអំពីបញ្ហាបម្រែបម្រួលអាកាសធាតុដោយឈរថ្លែងការណ៍ចេញពីក្នុងទឹកសមុទ្រដែលជាទីកន្លែងដែនដីរបស់ប្រទេសកំពុងលេចលង់ចូលទឹកសមុទ្រផងដែរ៕
Account
Security
Favourite Content