អាជីវកម្មនំម្ទេសថ្មី ប្លែក ថែមទាំងជួយដល់ជីវភាពសហគមន៍

ម្ទេស ជាដំណាំមួយប្រភេទដែលត្រូវបានគេស្គាល់ជាទូទៅដោយសាររសជាតិហឹរ ដិតជាប់មាត់អ្នកទទួលទាន ពិសេសគេអាចច្នៃបានច្រើនមុខដូចជាធ្វើជាគ្រឿងទេស ធ្វើជ្រក់ម្ទេស ឬអាចហាលសម្ងួតធ្វើជាម្ទេសក្រៀម កិនជាម្ទេសម៉ដ្ឋជាដើម។ ដោយឡែក បច្ចុប្បន្ននេះ មានអាជីវកម្មថ្មីមួយបានច្នៃម្ទេសក្រៀមទៅជានំម្ទេសស្រួយ មានរសជាតិថ្មី ប្លែក និងជាផ្នែកមួយជួយដល់ជីវភាពប្រជាពលរដ្ឋក្នុងសហគមន៍ថែមទៀតផង។

នំម្ទេសស្រួយ ដែលមានយីហោ «អ្នកម្ដាយ» កំពុងចរាចរណ៍នៅតាមទីផ្សារនានាស្ទើរទូទាំងប្រទេស និងទទួលបានការគាំទ្រច្រើនគួរឱ្យកត់សម្គាល់ ជាពិសេសអ្នកដែលចូលចិត្តទទួលទានអាហារហឹរដោយសារតែនំម្ទេសក្រៀមមានរសជាតិ ហឹរ ស្រួយៗ ឆ្ងាញ់ ញ៉ាំជក់មាត់ ដែលធ្វើឱ្យអាជីវកម្មនេះកំពុងមានដំណើរការយ៉ាងរលូន និងអាចទទួលបានចំណូលគួរសម និងបន្តចែករំលែកដល់ប្រជាសហគមន៍តាមរយៈការទទួលទិញម្ទេសស្រស់ និងការផ្តល់ការងារជាដើម។

អ្នកស្រី ស្រ៊ុន ស៊ាងឡាង ជាស្ថាបនិកនំម្ទេសស្រួយ «អ្នកម្ដាយ» រស់នៅភូមិអណ្ដូងស្នាយ ស្រុកបាធាយ ខេត្តកំពង់ចាម បានមានប្រសាសន៍ប្រាប់ AMS ឱ្យដឹងថា នំម្ទេស្រួយ «អ្នកម្ដាយ» ជានំម្ទេសមួយថ្មី ប្លែក រសជាតិពិសេសខុសប្លែកពីម្ទេសធម្មតា ជាផលិតផលក្នុងស្រុក ផលិតពីកសិផលទិញពីកសិករក្នុងតំបន់ ហើយអ្នកផលិតក៏ជាបងប្អូនស្ត្រីក្នុងសហគមន៍ផងដែរ។ 

អ្នកស្រីបន្តថា ៖

“នំម្ទេសស្រួយមានពីរប្រភេទគឺ ទី១នំម្ទេសមានរសជាតិហឹរ និងប្រៃតិចៗ សម្រាប់បងប្អូនអ្នកចូលចិត្តទទួលទាន ឬក៏ចេះញ៉ាំហឹរ និងមួយប្រភេទទៀតគឺនំម្ទេសអត់ហឹរ ដែលអ្នកអត់ចេះហឹរ ឬក៏កូនក្មេងក៏អាចទទួលទានបានដែរ ហើយអតិថិជនរបស់នំម្ទេសស្រួយយើង គឺភាគច្រើនជាបងប្អូនវ័យកណ្ដាល និងអ្នករស់នៅរាជធានីភ្នំពេញ ដែលគេអាចទទួលទានលេងៗក៏បាន ឬផ្ទាប់ជាមួយអាហារផ្សេងក៏បាន ឬច្នៃកិនធ្វើជាគ្រឿងប្រឡាក់សាច់ក៏បានដោយសារនំម្ទេសនេះមានលាយគ្រឿងជាស្រេចតែម្ដង”

អ្នកស្រីបានបន្តថា ៖

“ចំពោះទំហំនៃការផលិត យើងអាចផលិតបានប្រមាណ ១០០-៣០០គីឡូក្រាមក្នុងមួយខែ ឬអាចលោតដល់ ៥០០គីឡូក្រាម អាស្រ័យតាមការកម្ម៉ង់របស់អតិថិជន ហើយក៏មានអ្នកទិញយកទៅក្រៅប្រទេសផងដែរ ដូចជា អាមេរិក កាណាដា និងអូស្ត្រាលី ជាដើម។ ចំពោះម្ទេស ដែលជាវត្ថុធាតុដើម យើងទទួលទិញពីឈ្មួញកណ្ដាល ឬបងប្អូនកសិករនៅខាងកោះធំ និងខេត្តកំពង់ចាម ដែលជាផ្នែកមួយជួយដល់សេដ្ឋកិច្ចក្នុងសហគមន៍ ដោយសារយើងទិញកសិផលក្នុងស្រុក ហើយផ្ដល់ការងារឱ្យបងប្អូនស្ត្រីជួយចិតម្ទេសយកគ្រាប់ចេញផងដែរ”

ពាក់ព័ន្ធនឹងការផលិត នំម្ទេសស្រួយ គឺតម្រូវយកម្ទេសស្រស់ទៅលាងសម្អាតរួចបន្តយកទៅហាលថ្ងៃឱ្យស្ងួត ក្រៀមល្អគេអាចហាលនៅលើកម្រាលតង់ ឬប្រើម៉ាស៊ីនសម្ងួត។ បន្ទាប់ពីនេះ គេយកម្ទេសទៅពុះយកគ្រាប់ចេញ ដើម្បីបំពង និងកុំឱ្យម្ទេសហឹរខ្លាំង។ លុះពុះយកគ្រាប់ចេញហើយ គេត្រូវយកម្ទេសនេះទៅស្ងោរ និងលាងច្រើនដង ដើម្បីកាត់បន្ថយជាតិហឹររបស់ម្ទេស​ ទើបគេយកវាទៅសម្ងួតសាជាថ្មី ហើយប្រឡាក់គ្រឿងផ្សំ និងដាក់បំពងម្ដងទៀត។ ចំពោះការលាយគ្រឿងផ្សំទៀតសោត គេត្រូវផ្អាប់ចោល ១-២ម៉ោង ដើម្បីឱ្យម្ទេសចូលជាតិល្អ ហើយគេដាក់បំពងលើកម្ដៅ១៧០-២០០អង្សារសេប្រមាណ ៣០នាទីទើបម្ទេសឆ្អិន និងឡើងល្អ។ 

គួរបញ្ជាក់ដែរថា អ្នកស្រី ស្រ៊ុន ស៊ាងឡាង បានចាប់ផ្ដើមអាជីវកម្មនំម្ទេសនេះនៅកំឡុងខែមេសា ឆ្នាំ២០២០ ដោយសារមើលឃើញពីនំម្ទេសស្រួយនៅប្រទេសជិតខាង ហើយចង់សាកល្បងបើកអាជីវកម្មតែម្ដង។ ម៉្យាងទៀត ពាក់ព័ន្ធទៅនឹងដំណើរការនៃការផលិតនំម្ទេសនេះក៏មានផលលំបាកច្រើនច្រើន ហើយក៏ធ្លាប់ជួបភាពបរាជ័យក៏ច្រើនដងដែរ ប៉ុន្តែអ្នកស្រីនៅតែតស៊ូក្នុងអាជីវកម្មមួយនេះ តាំងពីដើមទុនដំបូង ១៥ម៉ឺនរៀល ចំណាយទៅលើវត្ថុធាតុដើមដូចជាម្ទេសក្រៀម និងគ្រឿងផ្សំ ហើយបន្តរហូតមកដល់ពេលបច្ចុប្បន្នដែលទទួលបានការគាំទ្រច្រើនពីអតិថិជន។  ដោយឡែកសម្រាប់ចក្ខុវិស័យទៅថ្ងៃអនាគត អ្នកស្រីមានគម្រោងធ្វើឱ្យនំម្ទេសស្រួយ «អ្នកម្ដាយ» អាចឈានជើងចូលទីផ្សារក្រៅប្រទេសបាន ហើយអាចជួយដល់ប្រជាកសិករខ្មែរ ក៏ដូចជាផ្ដល់ការងារជូនបងប្អូនក្នុងសហគមន៍បានកាន់តែច្រើន៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...

ដល់រដូវកាលហើយ ! សាវម៉ាវអូរសោម មានរសជាតិផ្អែមឆ្ងាញ់ និងកំពុងមមាញឹកប្រមូលផល

ជំនួញ, ព្រឹត្តិការណ៍

• 12/06/2024

សាវម៉ាវអូរសោម ជាប្រភេទសាវម៉ាវដែលមានរសជាតិឆ្ងាញ់ សាច់ស្រួយ កំពុងប្រមូលផលយ៉ាងមមាញឹក និងមានតម្រូវការទីផ្សារមិនចាញ់ប្រភេទសាវម៉ាវផ្សេងទៀតនោះទេ