ស្វែងយល់ពីការចិញ្ចឹមក្ងានតៃវ៉ាន់ ឆាប់ធំ ងាយស្រួលថែទាំ និងមានទីផ្សារល្អ

ភ្នំពេញ ៖ ក្ងាន ជាប្រភេទបក្សីម្យ៉ាងដែលបន្លាស់ទីនៅលើដី មានទំហំធំជាងមាន់ ខណៈដែលប្រជាជនខ្មែរភាគច្រើននិយមចិញ្ចឹមសម្រាប់ចម្អិនជាម្ហូបអាហារ និងដាក់លក់នៅលើទីផ្សារ ត្បិតថាសាច់របស់វាមានរសជាតិឆ្ងាញ់មិនចាញ់មាន់ទានោះទេ។ ប៉ុន្តែ នៅពេលបច្ចុប្បន្ននេះ ការចិញ្ចឹមសត្វក្ងានពូជខ្មែរដែលប្រជាជននិយមចិញ្ចឹមជាលក្ខណៈគ្រួសារនោះ ហាក់ត្រូវបានកាត់បន្ថយ ខណៈដែលមានពូជក្ងានមួយប្រភេទទៀតដែលគេហៅថា ក្ងានពូជតៃវ៉ាន់ មានភាពងាយស្រួលក្នុងការចិញ្ចឹមជាងក្ងានទូទៅ ហើយចំណាយខ្លីទទួលបានផលលឿន មានសាច់ច្រើន និងមានតម្រូវការទីផ្សារល្អថែមទៀតផង។

លោក អេង វាសនា ជាម្ចាស់កសិដ្ឋានចិញ្ចឹមក្ងានតៃវ៉ាន់មួយកន្លែងមានទីតាំងនៅស្រុកភ្នំស្រួច​ ខេត្តកំពង់ស្ពឺបានរៀបរាប់ឱ្យដឹងថា សម្រាប់ពូជក្ងានតៃវ៉ាន់នេះវាមានរោមស្រាលជាងក្ងានធម្មតា ឯការចិញ្ចឹមវិញក៏ងាយស្រួល ឆាប់ធំ មានទម្ងន់ធ្ងន់ល្អ ហើយជាប្រភេទសាច់សត្វដែលគេពេញនិយមនៅក្នុងរដូវដែលសម្បូរពិធីមង្គលការ។

លោកបន្តថា ៖

«ជាទូទៅ ក្ងានសាច់លក់ដាច់នៅរដូវមង្គលការ ដោយសារម៉ូយភាគច្រើនគឺបងប្អូនអ្នកចុងភៅតុការដែលទិញយកទៅចម្អិនម្ហូបច្រើនៗ ម្ដង ៥០-៦០ក្បាល អាស្រ័យទៅតាមចំនួនតុការ និងតម្រូវការរបស់កម្មវិធីនានាផ្ទាល់តែម្ដង។ ក្រៅពីនេះក៏មានបងប្អូនខ្លះមកទិញត្រឹម ១ ឬ២ក្បាលដល់កន្លែង ហើយក៏មានអ្នកកម្ម៉ង់ឱ្យយើងធ្វើឱ្យស្អាត ហើយផ្ញើតាមឡានទៅភ្នំពេញក៏មាន»។

ចំពោះប្រភេទក្ងានពូជតៃវ៉ាន់នត្រូវបានម្ចាស់កសិដ្ឋានរូបនេះបន្ថែមថា ៖

«យើងលក់ឱ្យអតិថិជនអាស្រ័យលើតម្រូវការរបស់ពូកគាត់ ថាតើគាត់យកទៅដុត ឬធ្វើម្ហូបអ្វី តួយ៉ាងអតិថិជនខ្លះយកទៅអាំង គឺយើងចាប់ក្ងានមានអាយុត្រឹម៤ខែដែលមានទំហំល្មម និងមានសាច់ផុយល្អ ឬអ្នកខ្លះទៀតយកទៅចម្អិនម្ហូប ដូចជា ខ សម្លម្ជូរ ដែលគេត្រូវការក្ងានមានអាយុច្រើន និងទំហំធំ ដោយក្ងានមួយក្បាលដែលយើងធ្វើឱ្យស្អាតរួចរាល់មានតម្លៃប្រមាណ៣៥ដុល្លារ និងមានទម្ងន់ចាប់ពី ៣គីឡូក្រាមឡើងទៅ»។

ពាក់ព័ន្ធនឹងការចិញ្ចឹមវិញ លោក វាសនា បានបញ្ជាក់ឱ្យដឹងថា ពូជក្ងានប្រភេទនេះមានភាពងាយស្រួលចិញ្ចឹម ដោយគ្រាន់តែការពារពីសត្វដែលអាចបង្កអន្តរាយ ដូចជា ឆ្កែ ជាដើម និងត្រូវចេះជ្រើសរើសចំណីឱ្យបានត្រឹមត្រូវ ចៀសវាងបង្កឱ្យក្ងានមានជំងឺរាគ។ ក្នុងនោះដែរ គេក៏អាចឱ្យវាស៊ីចំណី ឬលាយជាមួយស្រូវក៏បាន តែគេត្រូវបន្ស៊ាំវាជាមួយចំណីថ្មីឱ្យវាស៊ាំជាមុនសិន ហើយក្រៅពីនេះគេក៏អាចច្នៃឱ្យវាស៊ីកាកបាយ ឬចំណីកែច្នៃផ្សេងទៀតអាស្រ័យតាមទម្លាប់អ្នកចិញ្ចឹម។

មួយវិញទៀត ចំណុចដែលអ្នកចិញ្ចឹមក្ងានត្រូវដឹងគឺត្រូវការប្រភពទឹកស្អាត ដូចជាស្រះទឹក ឬក្រលុកទឹកដែលមានទំហំធំល្មម ដើម្បីឱ្យក្ងានលេង លាងខ្លួន និងបន្តពូជ ចំណែកទីធ្លាដី គេក៏ត្រូវការព្រលែងក្ងានក្នុងទីធ្លាឱ្យវាបានដើរស៊ីស្មៅ ដោយមិនត្រូវដាក់វានៅតែក្នុងទ្រុងនោះទេ។ យ៉ាងណាមិញ ការចិញ្ចឹមក្ងាននេះក៏មិនសូវចំណាយកម្លាំងពលកម្មអ្វីច្រើននោះដែរ ជាក់ស្ដែងដូចជាកសិដ្ឋានរបស់លោកផ្ទាល់ គឺត្រូវការអ្នកប្រចាំការត្រឹម ២នាក់ប៉ុណ្ណោះសម្រាប់គ្រប់គ្រង និងកៀងក្ងានជាង ២ពាន់ក្បាល។

ចុងក្រោយ លោក អេង វាសនា ក៏សូមថ្លែងអំណរគុណដល់អតិថិជនដែលតែងតែគាំទ្រក្ងានពីកសិដ្ឋានរបស់លោក ដោយឡែក សម្រាប់អ្នកដែលចង់ចិញ្ចឹមក្ងានពូជតៃវ៉ាន់នេះក៏អាចសាកល្បងចិញ្ចឹមបានពីចំនួនតិចទៅច្រើន ព្រោះវាមិនខុសពីការចិញ្ចឹមសត្វក្ងានធម្មតា ក៏ដូចជាការចិញ្ចឹមសត្វទានោះទេ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ