សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្របពេលដែលសេដ្ឋកិច្ចពិភពលោកកំពុងជួបបញ្ហារាំងស្ទះនៅគ្រប់ទីកន្លែងនោះ ងាកមកមើលចំណូលរបស់កំពូលមហាសេដ្ឋីទាំងឡាយវិញបែរជាបន្តមានកំណើនគួរឲ្យភ្ញាក់ផ្អើល រហូតបំបែកកំណត់ត្រាថែមទៀតផង។
របាយការណ៍ស្រាវជ្រាវដែលធ្វើឡើងដោយកាសែត The Bloomberg, “Billionaires Index” បានរកឃើញថា កាលពីឆ្នាំ២០២៤ កន្លងទៅនេះ ទ្រព្យសម្បត្តិសរុបនៃមហាសេដ្ឋីកំពូលទាំង៥០០នាក់ប៉ុណ្ណោះបានហក់ឡើងទៅដល់ទំហំជាង១០ទ្រីលានដុល្លារជាលើកដំបូង។
គិតត្រឹមថ្ងៃទី១១ ខែធ្នូ ២០២៤ ទ្រព្យសម្បត្តិសរុបរបស់ពួកគេទាំង៥០០នាក់បានឡើងទៅដល់ ១០,១ទ្រីលានដុល្លារ ប៉ុន្តែបានធ្លាក់ចុះបន្តិចមកត្រឹម ៩,៨ទ្រីលានដុល្លារគិតនៅត្រឹមថ្ងៃទី៣០ ខែធ្នូ ឆ្នាំ២០២៤ ។ បើប្រៀបធៀបទៅនឹងទំហំនៃផលិតផលក្នុងស្រុកសរុប ឬ GDP នៃបណ្តាប្រទេសវិញ ទ្រព្យសម្បត្តិពួកគេប៉ុន្មាននាក់នេះគឺអាចស្មើទៅនឹង GDP របស់ប្រទេសសេដ្ឋកិច្ចធំៗទាំង ៣ ដែលមានដូចជា អាល្លឺម៉ង់ ជប៉ុន និងអូស្ត្រាលី បូកសរុបចូលគ្នា។
តួលេខនេះក៏បានបង្ហាញដែរថា មហាសេដ្ឋីដែលរកបានចំណូលច្រើនជាងគេបំផុតនោះគឺជាបុរសអាមេរិកទាំង៣នាក់ រួមមានលោក Elon Musk, Mark Zuckerberg និង Jensen Huang ខណៈដែលស្ថិតនៅកំពូលទាំង១០ក្នុងបញ្ជីវិញមានដូចជា លោក Larry Ellison (ស្ថាបនិក Oracle) , លោក Jeff Bezos (Amazon), លោក Michaell Dell (Dell) លោក Larry Page និងលោក Sesrgey Brin (ស្ថាបនិក Google)។
សេដ្ឋី៨រូបនេះគឺជាអ្នកដែលអាចរកចំណូលសរុបគិតត្រឹមមួយឆ្នាំប៉ុណ្ណោះបានប្រមាណជា ៦០០ពាន់លានដុល្លារ ឬស្មើនឹង៤៣ភាគរយនៃលុយសរុបដែលសេដ្ឋី៥០០នាក់ប្រមូលបានសម្រាប់ឆ្នាំ២០២៤ ប្រមាណជា១,៥ទ្រីលានដុល្លារ។
ក្នុងនោះ លោក Elon Musk ដែលជាអ្នកអាចទាញចំណូលបានច្រើនជាងគេបំផុត ពោលគឺទ្វេដងគិតចាប់តាំងតែពីដើមមករា រហូតដល់ដំណាច់ខែធ្នូ ឆ្នាំ២០២៤ ឡើងទៅដល់ ៤៤២,១ពាន់លានដុល្លារ ហើយតាមពីក្រោយដោយលោក Mark Zuckerberg ដែលមានទ្រព្យសម្បត្តិសរុប ២១៩ពាន់លានដុល្លារ៕
Account
Security
Favourite Content