ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

សៀមរាប ៖ ម្ចាស់អាជីវកម្ម និងសហគ្រិនជាង ៤៧០០នាក់មកពី ៥០ប្រទេសបានមកជួបជុំគ្នានៅក្នុងសន្និបាតអាស៊ីប៉ាស៊ីហ្វិក ឆ្នាំ២០២៤ ដែលជាព្រឹត្តិការណ៍ដ៏អស្ចារ្យចាប់ផ្តើមពីថ្ងៃទី ៦ ខែមិថុនា ដល់ថ្ងៃទី៩ ខែមិថុនា ឆ្នាំ២០២៤ នៅទីក្រុងប្រវត្តិសាស្ត្រ នៃខេត្តសៀមរាប។

ជាផ្នែកសំខាន់មួយនៃមហាសន្និបាតប្រចាំអាស៊ីប៉ាស៊ីហ្វិកឆ្នាំ២០២៤ របស់សភាពាណិជ្ជករអន្តរជាតិ (២០២៤ JCI ASPAC) កម្មវិធីវេទិកានៃកិច្ចសន្ទនា និងការផ្គូផ្គងពាណិជ្ជកម្ម ក៏ត្រូវបានរៀបចំឡើងក្នុងគោលបំណងចែករំលែកព័ត៌មានសំខាន់ៗ និងចំណេះដឹងពីឱកាសវិនិយោគនៅកម្ពុជាដល់អ្នកវិនិយោគវ័យក្មេងដែលជាសមាជិក JCI ចំនួនជិត ៥០០នាក់មកពី ៥០ប្រទេសក៏ដូចជាឱកាសស្វែងរកដៃគូពាណិជ្ជកម្ម និងអាជីវកម្ម។

ឯកឧត្តម សុខ សូកេន រដ្ឋមន្ត្រីក្រសួងទេសចរណ៍បានថ្លែងថា៖

« មហាសន្និបាតJCI នេះ មានសារៈសំខាន់ណាស់ ជាឱកាសដែលកម្ពុជាបានផ្សព្វផ្សាយទេសចរណ៍ទៅកាន់ពិភពលោក ក៏ដូចជាផ្សព្វផ្សាយឱកាសវិនិយោគនៅកម្ពុជា ទៅដល់បណ្តាធុរជនជាតិ និងអន្តរជាតិ»។

កញ្ញា ដែក ដារី ប្រធានមហាសន្និបាតប្រចាំតំបន់អាស៊ី និងប៉ាស៊ីហ្វិក បានលើកឡើងថា ៖ កម្មវិធីផ្គូផ្គងពាណិជ្ជកម្ម រវាងកម្ពុជា និងអន្តរជាតិនេះមានអ្នកជំនួញក្រៅប្រទេស ​ប្រមាណជាង ៣០០នាក់ និងអ្នកជំនួញក្នុងប្រទេសប្រមាណ ២០០នាក់ បានស្គាល់គ្នា និងបានស្វែងយល់ពីសក្ដានុពលគ្នាទៅវិញទៅមក ដែលអាចឈានដល់ការចាប់ដៃគូគ្នា។

កញ្ញា បានរំពឹងថា៖

«តាមរយៈមហាសន្និបាតនេះ កម្ពុជារំពឹងទទួលបានចំណូលប្រមាណ៣ទៅ៤លានដុល្លារសម្រាប់វិស័យទេសចរណ៍និងសេដ្ឋកិច្ច»។

លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជាបានប្រាប់ AMS Economy ថា ៖

«ពិធីជួបជុំសមាជិក JCI ជិត ៥០០០នាក់នេះ ជាចំនួនដ៏ធំគួរសម ។ តាមរយៈជំនួបដ៏ធំនេះ នឹងជួយទៅដល់អាជីវករខ្មែរនៅសៀមរាប ផ្តល់ចំណូលទៅដល់សណ្ឋាគារ  វិស័យម្ហូបអាហារ ក្លិបកំសាន្ត មណ្ឌលកម្សាន្ត ផ្សាររាត្រី សេវាកម្មផ្សេងៗ និងអ្នកលក់វត្ថុអនុស្សាវរីយ៍ជាដើម។ នេះជាការលើកស្ទួយវិស័យទេសចរណ៍ដ៏សំខាន់មួយនៅខេត្តសៀមរាប»។

លោកជំទាវឧកញ៉ា ស្រ៊ាត មុំសុភា ស្ថាបនិកក្រុមហ៊ុន សូហ្វីយ៉ា ត្រាវែល អេនធួរ បានផ្តល់បទសម្ភាសន៍ដល់ AMS Economy ថា៖ មហាសន្និបាត JCI នេះ បានផ្តល់ផលប្រយោជន៍ទៅដល់វិស័យទេសចរណ៍ និងសេដ្ឋកិច្ច ក៏ដូចជាឱកាសទទួលបានការវិនិយោគ អាជីវកម្ម ជាពិសេសផ្តល់មុខមាត់កេរ្តិ៍ឈ្មោះរបស់កម្ពុជា។ អ្នកធុរកិច្ចជិត ៥០០០នាក់មកពីជិត៥០ប្រទេសបានទស្សនាពេញខេត្តសៀមរាប សង្ឃឹមថាពួកគាត់នឹងត្រឡប់មកវិញម្តងទៀតជាមួយគ្រួសារនិងមិត្តភក្តិ។

លោកជំទាវឧកញ៉ា បានបញ្ជាក់ថា៖

«អ្នកទទួលបានអត្ថប្រយោជន៍ធំបំផុតគឺប្រជាជនកម្ពុជាដែលប្រកបរបរអាជីវកម្មក្នុងក្រុងសៀមរាប សណ្ឋាគារ  សេវាកម្មផ្សេងៗ កន្លែងកម្សាន្ត ភោជនីយដ្ឋាន សេវាកម្មដឹកជញ្ជូន និងការធ្វើដំណើរ» ។

ទាក់ទងនឹងវេទិកានៃកិច្ចសន្ទនា និងការផ្គូផ្គងពាណិជ្ជកម្ម លោកជំទាវឧកញ៉ា ស្រ៊ាត មុំសុភា ដែលជាអនុប្រធានសមាគមសហគ្រិនស្ត្រីកម្ពុជា និងមានអាជីវកម្មជាច្រើនក្នុងដៃ បានមានប្រសាសន៍ឱ្យដឹងថា៖ លោកជំទាវឧកញ៉ាមកចូលរួមវេទិកានេះដើម្បីស្វែងរកឱកាសចាប់ដៃគូអាជីវកម្ម និងឱកាសស្វែងយល់ពីអាជីវកម្មផ្សេងៗ ដូចជាវិស័យទេសចរណ៍ ជាដើម។

លោក លឹម ប៊ុនឈាង អ្នកគ្រប់គ្រងផ្នែកលក់នៃក្រុមហ៊ុន Ruising Chemicals Pte Ltd  ដែលបានចូលរួមក្នុងវេទិកាផ្គូផ្គងពាណិជ្ជកម្មបានមានប្រសាសន៍ថា៖ ជំនួបពាណិជ្ជកម្មនេះក្រៅពីការស្វែងរកដៃគូអាជីវកម្មពីធុរជនអន្តរជាតិ លោកក៏មានឱកាសបានជួបមិត្តភក្តិមកពីក្រៅប្រទេសជាច្រើន​។ តាមរយៈជំនួបគ្នានេះ មានវិនិយោគិនមួយចំនួន ដូចជាឥណ្ឌា បានចាប់អារម្មណ៍ពីក្រុមហ៊ុនជីរបស់លោក និងចង់នាំទៅទីផ្សារឥណ្ឌា​ផងដែរ។

លោក សុក ចន្ថា នាយកប្រតិបត្តិ Poma Media  បានលើកឡើងថា៖ កម្មវិធីនេះល្អណាស់ដោយមានការចែករំលែកចំណេះដឹងពត៌មាន និងបទពិសោធន៍ពីសំណាក់រដ្ឋមន្ត្រីក្រសួងពាណិជ្ជកម្ម , រដ្ឋមន្ត្រីក្រសួងទេសចរណ៍ អ្នកជំនាញក្រសួងកសិកម្ម និងអ្នកជំនាញខាងអចលនទ្រព្យទៅដល់អ្នកវិនិយោគទាំងក្នុងស្រុក និងក្រៅស្រុក។

ចំណែកលោក គុជ សាវ៉ាត នាយកគ្រប់គ្រងវិទ្យាស្ថានអភិវឌ្ឍន៍អប់រំ (EDI) បានឱ្យដឹងថា៖ EDI មានសេវាកម្មបណ្តុះបណ្តាល​បុគ្គលិក និងសេវាកម្មសិក្សាលទ្ធភាពក្នុងការចាប់ផ្តើមអាជីវកម្ម (Feasibility Study) ដូច្នេះ អ្នកវិនិយោគទុនក្រៅប្រទេសចង់មកវិនិយោគនៅស្រុកខ្មែរ EDI អាចជួយបាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល