សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ផ្តល់កិច្ចសម្ភាសជាមួយនឹង NBC News កាលពីពេលថ្មីៗនេះ មេដឹកនាំអាមេរិក លោកប្រធានាធីបតី Donald Trump នៅតែបានបង្ហាញអំពីជំនឿចិត្តចំពោះការដឹកនាំក្នុងរយៈពេល១០០ថ្ងៃកន្លងមកនេះ ប៉ុន្តែលោកបែរជាមិនហ៊ានធានាចំពោះមុខវិបត្តិសេដ្ឋកិច្ចរបស់អាមេរិកនោះឡើយ។
ចូលមកកាន់តំណែងបាន១០០ ថ្ងៃដំបូងលោកប្រធានាធិបតីអាមេរិក Donald Trump គេបានសង្កេតឃើញថា ពលរដ្ឋអាមេរិកដែលមានភាពទុទិដ្ឋិនិយមចំពោះសេដ្ឋកិច្ចអាមេរិកនាពេលបច្ចុប្បន្នមានទៅដល់ ២៩ភាគរយ ហើយពលរដ្ឋដែលមានក្តីបារម្ភប្រមាណជា ៣៧ភាគរយ។ ការស្ទង់មតិដែលធ្វើឡើងដោយ CNN / SSRS និងបានចេញផ្សាយកាលពីថ្ងៃចន្ទនេះបានឱ្យដឹងថា ពលរដ្ឋអាមេរិកប្រមាណជា៣៤ភាគរយប៉ុណ្ណោះដែលបង្ហាញពីក្ដីសាទរ ឬមានសុទិដ្ឋិនិយមចំពោះស្ថានភាពសេដ្ឋកិច្ចបច្ចុប្បន្ន ខណៈដែលពលរដ្ឋច្រើនជាង ៦០ភាគរយបានបង្ហាញពីការជឿជាក់ថា វិបត្តិសេដ្ឋកិច្ចអាចកើតឡើងនៅឆ្នាំក្រោយ ហើយក្នុងនោះ មានប្រមាណ ៣២ភាគរយជឿជាក់ខ្លាំងថា វានឹងកើតឡើងដោយជៀសមិនផុត។
យ៉ាងណាក៏ដោយ ជាមួយនឹងការផ្តល់បទសម្ភាសជាមួយនឹង NBC News កាលពីពេលថ្មីៗនេះ លោក Trump នៅតែមានទំនុកចិត្តខ្ពស់ចំពោះលទ្ធផលវិជ្ជមានដែលអាមេរិកនឹងទទួលបាន ប៉ុន្តែលោកនៅតែមិនអាចធានាបានទេថា វិបត្តិសេដ្ឋកិច្ចអាចគេចផុត ឬយ៉ាងណានោះទេ។
លោក Trump បានថ្លែងបែបនេះថា ៖
«ខ្ញុំនឹងទទួលខុសត្រូវទៅលើអ្វីដែលខ្ញុំបានសម្រេចចិត្តធ្វើទាំងអស់ ហើយក្នុងនោះ ទាំងការសម្រេចចិត្តបង្កើនតម្លៃពន្ធគយផងដែរ។ វានឹងធ្វើឲ្យពលរដ្ឋអាមេរិកកាន់តែមានបាន ហើយប្រទេសអាមេរិកនឹងកាន់តែកើនទ្រព្យច្រើនជាងពេលបច្ចុប្បន្ន»។
ដោយឡែក ពាក់ព័ន្ធទៅនឹងបញ្ហាដែលពលរដ្ឋបានបង្ហាញក្តីបារម្ភចំពោះវិបត្តិសេដ្ឋកិច្ចដែលនឹងអាចកើតឡើងនៅឆ្នាំក្រោយនោះ លោក Trump បាននិយាយឆ្លើយតបបែបនេះថា៖ អ្វីៗទាំងអស់គឺគ្មានបញ្ហាទេ។ នេះគឺជាអំឡុងពេលនៃការធ្វើការផ្លាស់ប្តូរប៉ុណ្ណោះ។ ចំពោះបញ្ហាវិបត្តិសេដ្ឋកិច្ចវិញ អ្វីៗគឺអាចនឹងកើតឡើង ប៉ុន្តែលោកមិនបានព្រួយបារម្ភចំពោះបញ្ហានេះទេ។
លើសពីនេះទៀត លោក Trump បានត្រឹមផ្តល់នូវការធានាតិចតួចដល់ពលរដ្ឋអាមេរិក និងម្ចាស់អាជីវកម្មទាំងអស់អំពីផលប៉ះពាល់រយៈពេលខ្លី និងរយៈពេលវែងនៃគោលនយោបាយសេដ្ឋកិច្ចទាំងឡាយរបស់លោក ដូចជាការដាក់ពន្ធ១៤៥ភាគរយលើទំនិញចិន ការលើកលែងតិចតួចបំផុតជុំវិញពន្ធលើការនាំចូលរថយន្ត និងអត្រាពន្ធ ១០ភាគរយជាមួយនឹងបណ្តាប្រទេសស្ទើរទាំងអស់លើសកលលោក ព្រមទាំងការប្តូរពេលវេលាអនុវត្តពន្ធគយមកវិញដោយផ្អាករយៈពេល៩០ ថ្ងៃ ជាដើមនោះផងដែរ៕
Account
Security
Favourite Content