ភាពរីកចម្រើននៃវិស័យ FinTech ជាសកលបានជួយឱ្យពិភពលោកអាចរស់នៅកាន់តែមានភាពងាយស្រួលក្នុងប្រព័ន្ធអេកូហិរញ្ញវត្ថុថ្មី ជាពិសេសសម្រាប់ប្រទេសកំពុងអភិវឌ្ឍន៍ បើទោះបីជាវិស័យនេះទើបតែមានអាយុកាលប្រហែលជាង២ទសវត្រ៍សចុងក្រោយនេះក្តី ប៉ុន្តែនៅកម្ពុជាគេសង្កេតឃើញថា វិស័យ FinTech មានការអភិវឌ្ឍគួរឲ្យកត់សំគាល់។ ការអនុវត្ត Fintech បានយ៉ាងល្អប្រសើរនៅកម្ពុជាបានធ្វើឲ្យប្រទេសជាតិមានមោទនភាព សាយភាយកេរ្ត៍ឈ្មោះបន្ថែមទៀតទាំងក្នុងតំបន់ ក៏ដូចជាទីផ្សារអន្តរជាតិ។

ជាក់ស្តែងកាលពីថ្ងៃទី៥ ខែកញ្ញាកន្លងមកនេះ កម្ពុជារបស់យើងបានបង្ហាញវត្តមាននៅក្នុងវេទិកាពិភាក្សាដ៏ធំមួយរបស់ពិភពលោកដែលមានឈ្មោះថា Global Fintech Fest 2023 ប្រារព្វធ្វើឡើងនៅក្នុងប្រទេសឥណ្ឌាលើប្រធានបទ Maintaining a fine balance between innovation and compliance through FinTech regulation។

តំណាងឲ្យកម្ពុជា គឺលោក Manu Rajan នាយកប្រតិបត្តិរបស់ធនាគារវីង ដែលបានអញ្ជើញចូលរួមជាវាលគ្មិនដ៏សំខាន់ម្នាក់នៅក្នុងកិច្ចពិភាក្សា (discussion panel) នេះជាមួយនឹងវាលគ្មិនជំនាញអន្តរជាតិចំនួន៣នាក់ផ្សេងទៀត។

ប្រធានបទពិភាក្សាមានភាពទាក់ទាញ និងគួរឱ្យចាប់អារម្មណ៍យ៉ាងខ្លាំងពីសំណាក់បណ្តាមេដឹកនាំប្រទេសអ្នកជំនាញជាតិ និងអន្តរជាតិចំពោះវិស័យនេះ និងជាការព្រួយបារម្ភបំផុតចំពោះសកលលោកក្នុងពេលបចច្ចុប្បន្នផងដែរ ពីព្រោះថាបញ្ហាប្រឈមផ្នែកនិយ័តកម្មក្នុងវិស័យ FinTech នៅតែមាន ជាពិសេសផ្តោតសំខាន់ទៅលើបទប្បញ្ញត្តិធំចំនួន២គឺ KYC Know Your Customer (ស្គាល់អតិថិជនរបស់អ្នក) និង AML Anti-Money Laundering (ប្រឆាំងការលាងលុយកខ្វក់) ។

គួរឲ្យដឹងដែរថា The Global Fintech Fest (GFF) គឺជាវេទិកាពិភាក្សាលើវិស័យ FinTech ដ៏ធំបំផុតមួយរបស់ពិភពលោក ដែលមានការចូលរួមរៀបចំសហការគ្នារវាងអជ្ញាធរសាជីវកម្មទូទាត់ជាតិនៃប្រទេសឥណ្ឌា ហៅកាត់ថា NPCI ជាមួយនឹងក្រុមប្រឹក្សាទូទាត់នៃប្រទេសឥណ្ឌា ឬ PCI និងក្រុមប្រឹក្សា Fintech Convergence, FCC ។

វេទិកានេះក៏ត្រូវបានទទួលការឧបត្ថម្ភពីសំណាក់ក្រុមហ៊ុនហិរញ្ញវត្ថ និងក្រុមហ៊ុនធំៗរបស់ពិភពលោកជាច្រើន ដូចជា Pay, Amazon pay, HDFC Bank, SBI, Perfois, PhonePe និង Razerpay ជាដើម។

ក្នុងរយៈពេល៣ឆ្នាំកន្លងមកនេះ GFF បានបង្ហាញខិតខំ និងចូលរួមបង្ហាញនូវតួនាទីសំខាន់របស់ FinTech ក្នុងការជំរុញការរីកចំរើនជាសកលប្រកបដោយនិរន្តរភាព និងអំពីសក្តានុពលរបស់វិស័យក្នុងចូលរួមអនុវត្តកិច្ចការងារដ៏សំខាន់នេះ៕