២៣ឆ្នាំនៃការអនុវត្តមូលនិធិសុខាភិបាលសម្រាប់គ្រួសារក្រីក្រ ពលរដ្ឋជាង៣លាននាក់បានទទួល​ផល

មូលនិធិសុខាភិបាល ត្រូវបានចាត់ចូលទៅក្នុងផ្នែកដ៏ធំមួយនៃសេវាគាំពារសង្គម ដែលរាជរដ្ឋាភិបាល ខិតខំសម្រេចបាន ហើយជាគោលនយោបាយរបស់រដ្ឋាភិបាល និងជាគោលដៅអភិវឌ្ឍន៍​ប្រកបដោយ​ចីរភាព (SDG Goal) ផង រដ្ឋកាន់តែយកចិត្តទុកដាក់ និងធានាថាមិនមាននរណាម្នាក់ត្រូវបានបំភ្លេច​ចោលនោះទេ។

ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការ មន្ទីរពេទ្យជាតិតេជោសន្តិភាព នៅថ្ងៃទី២៤ ខែតុលា ឆ្នាំ២០២៣នេះ ឯកឧត្តម ឈាង រ៉ា រដ្ឋមន្រ្តីក្រសួងសុខាភិបាល បានថ្លែងឱ្យដឹងថា មូលនិធិនេះ បានពង្រីកការគ្របដណ្ដប់លើគោលដៅប្រជាជន ដោយកំណត់តាមប្រព័ន្ធ​អត្តសញ្ញាណកម្ម​គ្រួសារក្រីក្រទុកជាមុនរបស់ក្រសួងផែនការ រួមមាន គ្រួសារក្រីក្រ ចំនួន ៧៧៩ ៥១៤គ្រួសារ ស្មើនឹង​ជាង ៣លាន ២សែននាក់។

ការសម្ពោធដាក់ឱ្យប្រើប្រាស់ជាផ្លូវការនូវ «មន្ទីរពេទ្យជាតិ តេជោសន្តិភាព» នេះផងដែរ គឺជាការអនុវត្តជាផ្លូវការនូវកម្មវិធីគោលនយោបាយអាទិភាពទី១ នៃគោលនយោបាយជាអាទិភាពទាំង ៦ របស់រដ្ឋាភិបាលអាណត្តិទី៧ ក្រោមការដឹកនាំរបស់សម្តេច ហ៊ុន ម៉ាណែត ពោលគឺ «ការពង្រីកវិសាលភាពមូលនិធិសមធម៌ដល់គ្រួសារងាយរងហានិភ័យ»។

យ៉ាងណាមិញ ឯកឧត្តមបានគូសបញ្ជាក់ផងដែរថា ក្នុងចំណោមអ្នកទទួលសេវាសមធម៌នេះ ក្រុមកម្មករក្រៅប្រព័ន្ធ សមាជិក​សមាគម​ម៉ូតូឌុប រ៉ឺម៉ក់ ស៊ីក្លូ និងកង់បី ជាដើម មានចំនួន ៧៨ ៣០១នាក់ ប្រជាជនផ្ទុក​មេរោគអេដ មានមានចំនួន ១៧ ៥៩៣នាក់ និងកម្មករនិយោជិកក្នុងវិស័យកំសាន្ត​ទេសចរណ៍​ក្រៅប្រព័ន្ធ មានប្រមាណ ២ ៧៨១នាក់។

គួរកត់សម្គាល់ថានៅចន្លោះឆ្នាំ២០១៨ ដល់ឆ្នាំ២០២២ មានគ្រួសារក្រីក្រដែលគាំពារដោយ​មូលនិធិសមធម៌សុខាភិបាល បានប្រើប្រាស់សេវាពិគ្រោះជំងឺក្រៅសរុបចំនួន ១៤ ១៦៤ ១៣១ករណី ក្នុងនោះមានសំរាកពេទ្យសរុបចំនួន ៨១ ៤៦៥៦ករណី។ ដោយឡែកពីខែមករា ដល់ខែកញ្ញា ឆ្នាំ២០២៣ មានពលរដ្ឋក្រីក្រ និងងាយរងហានិភ័យ បានប្រើប្រាស់សេវាពិគ្រោះជំងឺក្រៅចំនួន ១ ៧៦១ ៣៣៧ករណី ក្នុងនោះបានសំរាកព្យាបាលសរុបចំនួន ១៤ ៥៧០៨ករណី សំរាលកូលនៅ​មណ្ឌលសុខភាពមានចំនួន ១៥ ៦០៦នាក់ និងនៅមន្ទីរពេទ្យមាន ១៤ ២៧២នាក់។

គួរបញ្ជាក់ថា មូលនិធិសមធម៌សុខាភិបាលសម្រាប់គ្រួសារក្រីក្រ ចាប់ផ្ដើមអនុវត្តដំបូងនៅឆ្នាំ២០០០ ហើយបន្ត​ពង្រីកជាបន្តបន្ទាប់ដល់គ្រប់មណ្ឌលសុខភាព និងមន្ទីរពេទ្យបង្អែកទូទាំង​ប្រទេសនាឆ្នាំ​២០១៥។ គិតត្រឹមខែកញ្ញា ឆ្នាំ២០២៣ មានមូលដ្ឋានសុខាភិបាលសាធារណៈចំនួន១ ៣៦០​កន្លែងកំពុងអនុវត្ត​មូលនិធិនេះ។

យោងតាមទីភ្នាក់ងារបញ្ជាក់ចំណាយសេវាសុខាភិបាល ដែលស្ថិតក្រោមក្រសួងសុខាភិបាល និងក្រសួងសេដ្ឋកិច្ច បានឱ្យដឹងថា គិតត្រឹមខែធ្នូ ឆ្នាំ២០២២ ចំនួនប្រជាជនក្រីក្រដែលគ្របដណ្ដប់ ដោយមូនិធិសមធម៌សុខាភិបាលមានចំនួន ៣,១១២,១៤៩​ នាក់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល