សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតត្រឹមសប្តាហ៍ទី២នៃខែសីហាកន្លងទៅថ្មីនេះ អត្រានៃការចាក់វ៉ាក់សាំងនៅកម្ពុជាបានកើនឡើងទៅដល់កម្រិតចំណាត់ថ្នាក់លេខ១លើពិភពលោកគិតក្នុងលក្ខខណ្ឌចំនួនដូសសម្រាប់ទីក្រុងនីមួយៗ។
នៅក្នុងរបាយការណ៍មួយដែលត្រូវបានចេញផ្សាយដោយក្រុមហ៊ុនភាពជាដៃគូយុទ្ធសាស្ត្រក្នុងតំបន់ទន្លេមេគង្គ ឬ Mekong Strategic Partners ឬ MSP កម្ពុជាបច្ចុប្បន្នកំពុងដំណើរការចាក់វ៉ាក់សាំងក្នុងល្បឿនលឿនជាងបណ្តាប្រទេសកំពុងអភិវឌ្ឍន៍ និងអភិវឌ្ឍដទៃទៀតហើយមិនត្រឹមតែប៉ុណ្ណោះនឹងអាចរួចរាល់ក្នុងការចាក់វ៉ាក់សាំងជូនពលរដ្ឋរបស់ខ្លួនលឿនជាងផែនការដល់ទៅ៨ខែ និងលឿនជាងបណ្តាប្រទេសជិតខាងយ៉ាងហោចណាស់១២ខែ។
កត្តាទាំងនេះបានធ្វើឲ្យ MSP ហ៊ានព្យាករណ៍ថា សេដ្ឋកិច្ចរបស់កម្ពុជានឹងអាចទទួលបានកំណើនមកវិញច្រើនជាង៦ភាគរយសម្រាប់ឆ្នាំ ២០២២ខាងមុខនេះ ខណៈដែលប្រទេសនឹងអាចបើកទ្វារសេដ្ឋកិច្ចទទួលភ្ញៀវអ្នកវិនិយោគ និងភ្ញៀវទេសចរបានមុនគេផងដែរ។ ក្រៅពីនោះអត្រានៃការចាក់វ៉ាក់សាំងបានកាន់តែច្រើននឹងធ្វើឲ្យតួលេខនៃអ្នកឆ្លងថ្មីកាន់តែធ្លាក់ចុះផលប៉ះពាល់ទៅដល់វិស័យផលិតកម្មមានកម្រិតតិចតួច និងជាពិសេសគឺនឹងជួយបន្ធូរសំពាធចំពោះប្រព័ន្ធសុខាភិបាលនៅក្នុងប្រទេសតែម្តង។
កាន់តែគួរឲ្យរីករាយទៀតនោះគឺថាវ៉ាក់សាំងដែលកម្ពុជាទទួលបានសុទ្ធតែវ៉ាក់សាំងដែលមានប្រសិទ្ធភាពខ្ពស់ទាំងនៅក្នុងអត្រាឆ្លងរោងអត្រាទៅព្យាបាលនៅមន្ទីរពេទ្យ និងអត្រាការពារមិនឲ្យបាត់បង់ជីវិតផងទោះបីជាវ៉ាក់សាំងមួយចំនួនទៀតដែលយើងមិនទាន់ប្រើប្រាស់ក្តីដូចជា mRNA, Pfizer និង Moderna ខណៈដែលបច្ចុប្បន្នកម្ពុជាបានអនុវត្តជាមួយនឹងវ៉ាក់សាំងល្បីៗផ្សេងទៀតដូចជា Sinova, Sinopharm, Astrazeneca និង John & Johnson ផងដែរ។
ជាក់ស្តែង តាមដ្យាក្រាមដែល MSP បានរកឃើញក្នុងរយៈពេលគិតចាប់តាំងតែពីខែមករាថ្ងៃទី១ មករហូតដល់ថ្ងៃទី១១ ខែសីហា ពោលគឺមានរយៈពេល៨ខែមក ហើយទាំងអត្រាឆ្លង និងអត្រានៃអ្នកបាត់បង់ជីវិតដោយសារវីរុសកូវីដបានធ្លាក់ចុះមកនៅទាបជាងគេបំផុតធៀបទៅនឹងប្រទេសម៉ាឡេស៊ីដែលស្ថិតនៅកំពូលគេបន្ទាប់មកថៃ និងជាបន្តបន្ទាប់ឥណ្ឌូនេស៊ី វៀតណាម និងហ្វីលីពីនដែលសុទ្ធតែជាបណ្តាប្រទេសមានអត្រាឆ្លង និងស្លាប់ច្រើនបំផុតក្នុងតំបន់។
តាមការរំពឹងទុកនៅត្រឹមថ្ងៃទី៣១ ខែសីហា ខាងមុខនេះកម្ពុជានឹងអាចធ្វើសម្រេចបានទៅដល់ ៨១ភាគរយនៃពលរដ្ឋដែលនឹងទទួលបានវ៉ាក់សាំងហើយ ដែលវានឹងឈរនៅលើគេក្នុងចំណោមប្រទេសទាំងអស់ក្នុងតំបន់អាស៊ី ខណៈដែលប្រទេសបន្ទាប់ដែលឈរពីក្រោយកម្ពុជាទទួលបានវ៉ាក់សាំងច្រើនជាងគេនោះមានដូចជា ម៉ាឡេស៊ី ចាក់វ៉ាក់សាំងបានជិត៥០ភាគរយ, ប្រទេសហ្វីលីពីន ប្រហែល១៧ភាគរយ, ប្រទេសថៃ បានក្រោម១០ភាគរយ និងវៀតណាម បានប្រមាណជា ៣-៥ ភាគរយប៉ុណ្ណោះ។ គួរឲ្យដឹងដែរថា របាយការណ៍នេះត្រូវបានរៀបចំ និងផលិតឡើងដោយ MSP ដោយមានលោក John McGinley និង Stephen Higgins ជាប្រធានគ្រប់គ្រងទូទៅព្រមជាមួយនឹងរបាយការណ៍គាំទ្រផ្សេងទៀតពីសំណាក់លោក David Benaim ប្រធានប្រតិបត្តិ និងក៏ជាអ្នកជំនាញទិន្នន័យផងដែររបស់ក្រុមហ៊ុនបច្ចេកវិទ្យា XIconsulting៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុបពិន័យវេទិការលក់អីវ៉ាន់អនឡាញ Temu របស់ចិន ជាប្រាក់ជាង ២៣០ លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 29/05/2026
ហភាពអឺរ៉ុបពិន័យវេទិការលក់អីវ៉ាន់អនឡាញ Temu របស់ចិន ជាប្រាក់ ២០០ លានអឺរ៉ូ (២៣២ លានដុល្លារអាម៉េរិក) ដោយសារបំពាននឹងច្បាប់ហាមឃាត់លក់ផលិតផលខុសច្បាប់
ឯកឧត្តមឧបនាយករដ្ឋមន្ត្រី សាយ សំអាល់ ៖ ការរៀបចំដែនដី ត្រូវប្រែក្លាយដីឱ្យមានគុណតម្លៃ ប្រសើរជាជាងគិតតែពីតម្លៃដី
Top News, ព្រឹត្តិការណ៍, អចលនទ្រព្យ
• 29/05/2026
ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា ការរៀបចំដែនដី ត្រូវប្រែក្លាយដីឱ្យមានគុណតម្លៃ ប្រសើរជាជាងគិតតែពីតម្លៃដី
លំនៅឋានតម្លៃមធ្យមនៅតែមានតម្រូវការពីសំណាក់ប្រជាពលរដ្ឋ ជាពិសេស អ្នកទើបរៀបការរួចថ្មីថ្មោង
Top News, ព្រឹត្តិការណ៍, អចលនទ្រព្យ
• 29/05/2026
បើទោះបីស្ថានភាពអចលនទ្រព្យនៅក្នុងប្រទេសកម្ពុជា នៅមិនទាន់មានភាពល្អប្រសើរឡើងដូចមុនក៏ពិតមែន តែការអភិវឌ្ឍនៅតែបន្ត ខណៈតម្រូវការទីផ្សារនៅតែមាន ជាក់ស្ដែងលំនៅឋានតម្លៃមធ្យម ( តម្លៃ៥ម៉ឺន ដល់ ៧ម៉ឺនដុល្លារ ) នៅតែមានតម្រូវ
អ្នកជំនាញហិរញ្ញវត្ថុព្រមានពីវិបត្តិសេដ្ឋកិច្ចដ៏ធ្ងន់ធ្ងរ ប៉ុន្តែក៏ជាឱកាសវិនិយោគដើម្បីក្លាយជាអ្នកមានជំនាន់ថ្មី
ព្រឹត្តិការណ៍, អាជីវកម្មថ្មី និងនវានុវត្ត
• 29/05/2026
អ្នកជំនាញសេដ្ឋកិច្ចបានលើកឡើងថា សេដ្ឋកិច្ចពិភពលោកកំពុងឈានចូលដល់ដំណាក់កាលដួលរលំផ្នែកហិរញ្ញវត្ថុ ដែលនឹងមានសភាពកាន់តែធ្ងន់ធ្ងរជាងវិបត្តិសេដ្ឋកិច្ចកាលពីឆ្នាំ១៩២៩ (Great Depression)នោះ ទៅទៀត
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សារព័ត៌មានបរទេស ៖ វិបត្តិប្រេងឥន្ធនៈសកល ជំរុញឱ្យកម្ពុជារកដំណោះស្រាយដើម្បីអាចប្រើប្រាស់ធនធានប្រេងនៅបាតសមុទ្រតម្លៃប្រមាណ ៣០០ ពាន់លានដុល្លារ
អ្នកជំនាញហិរញ្ញវត្ថុព្រមានពីវិបត្តិសេដ្ឋកិច្ចដ៏ធ្ងន់ធ្ងរ ប៉ុន្តែក៏ជាឱកាសវិនិយោគដើម្បីក្លាយជាអ្នកមានជំនាន់ថ្មី
Account
Security
Favourite Content