ស្វែងយល់ពីបច្ចេកទេសសំខាន់ៗក្នុងការដាំដំណាំការ៉ុតដើម្បីទទួលបានទិន្នផលខ្ពស់

បើនិយាយពីបន្លែដែលមានវីតាមីនខ្ពស់ ជាពិសេសមានគុណប្រយោជន៍ជំនួយដល់សុខភាពភ្នែក គេតែងតែនឹកឃើញដល់ការ៉ុតមុនគេបង្អស់ ដោយសារតែបន្លែប្រភេទនេះមិនត្រឹមតែសម្បូរវីតាមីននោះទេ ថែមទាំងមានសារធាតុចិញ្ចឹមចាំបាច់ដែលមានសារប្រយោជន៍ដល់សុខភាពរាងកាយ ខណៈដែលដំណាំប្រភេទនេះគេអាចទទួលទានបានទាំងឆៅធ្វើជាអន្លក់ ឬច្នៃជាម្ហូបអាហារបានច្រើនមុខទៀតផង ហើយក៏អាចធ្វើជាភេសជ្ជៈសុខភាពស្រស់ផងដែរ។

ការ៉ុត ជាដំណាំមើមមួយប្រភេទដែលត្រូវបានគេដាំនៅពាសពេញពិភពលោក ដែលក្នុងនោះនៅតំបន់អាស៊ី ប្រភេទការ៉ុតអាចមានសំបកពណ៌ទឹកក្រូច រាងលឿង ក្រហម និងស្វាយផងដែរ។ តួយ៉ាងនៅប្រទេសកម្ពុជាយើងផ្ទាល់​ ជាធម្មតាគេនិយមដាំតែការ៉ុតដែលមានប្រសំបកពណ៌ទឹកក្រូចប៉ុណ្ណោះ។

ពាក់ព័ន្ធនឹងលក្ខខណ្ឌដាំដុះ ការ៉ុតអាចដាំដុះបាន និងទទួលបានផលជាមើមមានពណ៌ស្អាត នៅតំបន់ត្រជាក់ដែលមានសីតុណ្ហភាពចន្លោះពី ១៥–២១°C ហើយនៅចន្លោះពី ១៧-២៤ °C ជាកម្រិតល្អបំផុតសម្រាប់ការដុះលូតលាស់។ ក្នុងការដាំដុះនេះទៀតសោតគេក៏ត្រូវការដីមានជីជាតិគ្រប់គ្រាន់ មានសារធាតុសរីរាង្គច្រើន ដែលមានកម្រិត pH ពី ៥.៥-៦ មានជីកំប៉ុស្ត៍ច្រើន ទើបអាចទទួលបានទិន្នផលខ្ពស់។

បន្ថែមលើនេះ វាជាប្រភេទដំណាំដែលឆាប់ទទួលបានផល អាចដាំបានទាំងខួបប្រាំង និងខួបវស្សា ពោលឱ្យតែមើលថែបានត្រឹមត្រូវគឺអាចប្រមូលផលរៀងរាល់ ៣ខែម្ដង ហើយគេអាចដាំការ៉ុតបានច្រើនរបៀប ដូចជា ដាំក្នុងផើង ក្នុងផ្ទះកញ្ចក់ និងប្លាស្ទិកផងដែរ។  តែសម្រាប់ទីតាំងដាំ ត្រូវរកកន្លែងណាដែលមានពន្លឺព្រះអាទិត្យគ្រប់គ្រាន់តែមិនក្ដៅពេក ឬភ្លៀងពេកដែលធ្វើឱ្យទិន្នផលធ្លាក់ចុះនោះទេ។

លក្ខណៈសម្គាល់ពិសេសរបស់ដំណាំការ៉ុតគឺអាចមានផ្ការហូតដល់ ១០០០ផ្កា ដែលផ្កានីមួយៗមាន ៥ត្របក មានរាងជាកញ្ចុំៗ ដែលគេអាចបង្កាត់យកពូជសុទ្ធបាន។ គ្រាប់ការ៉ុត មានទំហំតូច ពណ៌ត្នោត និងមានប្រមាណ ២៣ ០០០គ្រាប់ក្នុងមួយកញ្ចុំផ្កា។ ក្រៅពីមើម ស្លឹកការ៉ុតក៏អាចបរិភោគបានដែរ ប៉ុន្តែគេមិនសូវនិយម ដែលការ៉ុតមួយដើមអាចមានស្លឹកពី ៨-១២ទង ស្ថិតនៅផ្នែកលើដី និងគល់ខាងក្រោម មានពណ៌បៃតងខ្ចី ដោយផ្ទៃស្លឹករបស់វាមានលក្ខណៈឆែកៗ។

ចំពោះមើមការ៉ុត អាចលូតលាស់មានទំហំ និងទ្រង់ទ្រាយប្រែប្រួលទៅតាមប្រភេទដី និងលក្ខខណ្ឌអាកាសធាតុផងដែរ។ មើមការ៉ុតងាយស្រួលប្រមូលផល មានរសជាតិឆ្ងាញ់ មានជីវជាតិ ដែលជាប្រភពអាហារមួយដែលល្អសម្រាប់សុខភាព ជាពិសេសម្រាប់ស្ត្រី និងកុមារ ដែលវាមានជាតិខ្លាញ់ និងកាឡូរីទាប។

គួរបញ្ជាក់ដែរថា ការ៉ុត មានផ្ទុកនូវវីតាមីនជាច្រើន ដូចជា វីតាមីនA វីតាមីនC វីតាមីន B6 វីតាមីនE វីតាមីនK កាល់ស្យូម ប៉ូតាស្យូម សារធាតុសរសៃ ជាតិដែក និងជាតិម៉ង់កាណែសផងដែរ។ តាមរយៈវីតាមីន និងសារធាតុទាំងនេះ វាអាចជួយបង្កើនសុខភាពភ្នែក ស្បែក ប្រព័ន្ធប្រសាទ រាងកាយ បេះដូង និងពង្រឹងប្រព័ន្ធការពារជំងឺផ្សេងៗទៀតផងដែរ៕ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ