សិល្បៈ និងរចនារូបល្ខោនខោលលើអាវជួយលើកកម្ពស់វប្បធម៌ខ្មែរ កំពុងមានភាពស្ញប់ស្ញែង 

នៅក្នុងវិស័យសិល្បៈ និងវប្បធម៌ខ្មែរមានច្រើនទម្រង់ ច្រើនបែបបទ ច្រើនយ៉ាង ជាក់ស្ដែងដូចជាល្ខោនខោលខ្មែរដែលបានចូលជាសម្បត្តិបេតិកភណ្ឌពិភពលោកនោះមានរចនាបទគួរឱ្យទាក់ទាញ និងទទួលបានការចាប់អារម្មណ៍ពីសំណាក់ប្រជាជនជាតិខ្មែរ ក៏ដូចជាបណ្តាទេសចរអន្តរជាតិយ៉ាងច្រើន ។ អាស្រ័យដូចនេះ ដើម្បីចូលរួមក្នុងការលើកកម្ពស់ និងផ្សព្វផ្សាយពីទម្រង់សិល្បៈនេះឱ្យកាន់តែទូលំទូលាយបន្ថែមទៀត សិល្បករខ្មែរម្នាក់បានរចនា និងគូររូបល្ខោលខោល ហើយបោះពុម្ពលើអាវកំពុងទទួលបានការគាំទ្រគួរឱ្យកត់សម្គាល់។

លោក ព្រហ្ម ពុធវិសាល ជាអ្នករចនាម៉ូដ និងគូររូបល្ខោនខោលបោះពុម្ពលើអាវបានមានប្រសាសន៍ប្រាប់ AMS ឱ្យដឹងថា លោកគឺជាអ្នកគូរ និងរចនារូបល្ខោនខោលលើអាវ ដែលការរចនាម៉ូដអាវនេះជាគំនិតមួយដើម្បីផ្សព្វផ្សាយក្បួនខ្នាតរូបភាពរបស់ល្ខោនខោល ហើយបច្ចុប្បន្ននេះលោកគ្រាន់តែជាអ្នកគូរ ហើយមានក្រុមការងារជាអ្នកចាប់ម៉ូដលើអាវ និងបោះពុម្ពលើអាវប្រភេទកីឡាសម្រាប់ពាក់នៅពេលជិះកង់ ជិះម៉ូតូ ឬចុះព្រៃជាដើម ខណៈដែលការផលិតលើកដំបូងគឺផ្តើមចេញពីការរៃអង្គាសថវិកាគ្នាក្នុងក្រុមយុវជនល្ខោនខោលដើម្បីបោះពុម្ពអាវលក់ ហើយចំណូលដែលទទួលបានគឺទុកដើម្បីធ្វើកម្មវិធីក៏ដូចជាផ្សព្វផ្សាយអំពីល្ខោនខោលខ្មែរឱ្យកាន់តែមានការគាំទ្រច្រើនបន្ថែមទៀត។ ​

លោកបញ្ជាក់ទៀតថា ចំពោះម៉ូដក៏ដូចជាក្បាច់ដែលលោកបានរចនា គឺមានក្បួនខ្នាតត្រឹមត្រូវ ដោយសារលោកធ្លាប់ជានិស្សិតនៅសាលាមធ្យមវិចិត្រសិល្បៈ បញ្ជាប់ការសិក្សាថ្នាក់បរិញ្ញាបត្រ ថែមទាំងបានទៅបន្តការសិក្សានៅក្រៅប្រទេសផងដែរ។ ដោយឡែកការបោះពុម្ពអាវបច្ចុប្បន្ន ភាគច្រើនគេយករូបភាពល្ខោនទាំងផ្ទាំងៗមកប្រើតែម្ដង ព្រោះវាងាយស្រួល តែសម្រាប់អ្នកគូរ artwork ដូចជាមិនសូវមាននៅឡើយទេ។

ដោយឡែក សម្រាប់តម្លៃវិញ អាវប្រភេទកីឡាអាចលក់ក្នុងតម្លៃ ១៥ដុល្លារ ដែលអតិថិជនភាគច្រើនជាអ្នកនិយមចូលចិត្តជិះកង់ ឬដើរព្រៃ និងតែងតែគាំទ្រស្នាដៃខ្មែរ​ ហើយក៏ជាអ្នកគាំទ្រល្ខោនខោលខ្មែរផងដែរ។ យ៉ាងណាក៏ដោយ លោកបានបញ្ជាក់ពីផលវិបាកក្នុងលក់នៅលើទីផ្សារ ដោយសារតែមានមនុស្សជាច្រើនបានយល់ច្រឡំរវាងរូបភាពល្ខោនរបស់ប្រទេសជិតខាងដែលបានបោះពុម្ពលក់ស្រដៀងគ្នានឹងរូបភាពល្ខោនខោលខ្មែរដែរ ប៉ុន្តែមានតម្លៃទាបជាង។

ពាក់ព័ន្ធនឹងការផលិតដែលរាប់តាំងពីការគូរម៉ូដ ត្រូវចំណាយពេល ១សប្ដាហ៍ ដោយដំបូងគេត្រូវក្រាល និងរើសតួអង្គថា តើតួអង្គណាអាចមានការចាប់អារម្មណ៍ច្រើន តួអង្គដែលប្លែក ធ្វើការអាន និងស្វែងយល់ពីប្រវត្តិរបស់តួអង្គ ក្រៅពីនេះគឺការគូរ និងចាប់ម៉ូដដាក់លើអាវកែតម្រូវ លៃយ៉ាងណាឱ្យសម និងពេញចិត្តរបស់អតិថិជនទូទៅ។

គួរបញ្ជាក់ដែរថា លោក ព្រហ្ម ពុធវិសាល បានចាប់ផ្ដើមគំនិតក្នុងការរចនានេះនៅឆ្នាំ២០១៥ ដោយបានធ្វើការរចនាម៉ូដលើអាវយឺតដើម្បីបង្ហាញថា នេះជាអត្តសញ្ញាណខ្មែរ តែមានបញ្ហាដោយសារមានតម្លៃខ្ពស់ជាងអាវរបស់ប្រទេសជិតខាងដែលលក់ត្រឹម ១ម៉ឺនរៀល។ លុះដល់ឆ្នាំ២០១៦ ទើបមានការស្គាល់ច្រើនពីអាវដែលមានរូបល្ខោនខោលបោះពុម្ពលើអាវ និងមានការគាំទ្រជាបន្តបន្ទាប់រហូតដល់បច្ចុប្បន្ន។

ត្រង់ចំណុចនេះ លោកបន្តទៀតថា ក្នុងការចាប់ផ្ដើម លោកបានចំណាយពេលវេលា និងថវិកាផ្ទាល់ខ្លួនជាច្រើនដើម្បីធ្វើការងារទាំងអស់នេះ ក្នុងគោលបំណងតែមួយគត់គឺលើកស្ទួយ និងផ្សព្វផ្សាយសិល្បៈ វប្បធម៌ខ្មែរឱ្យបងប្អូនប្រជាជនខ្មែរ ជាពិសេសអ្នកជំនាន់ក្រោយបានស្គាល់ច្បាស់ពីវប្បធម៌ខ្មែរ និងបន្តការអភិរក្ស ។

សម្រាប់ផលលំបាកវិញ លោក ពុធវិសាល បានរៀបរាប់ថា បញ្ហានៅពេលចាប់ផ្ដើមដំបូងគឺការចម្លងម៉ូដដោយពុំមានការអនុញ្ញាត ហើយយកទៅលក់ក្នុងតម្លៃទាបជាង តែបច្ចុប្បន្នហាក់បីដូចជាមានការយល់ដឹងច្រើន ហើយបញ្ហាមួយទៀតគឺការបោះពុម្ពមានតែរោងចក្រធំៗនៅក្រៅប្រទេសដែលធ្វើឱ្យចំណាយថ្លៃដើមច្រើន និងលក់ផលិតផលក្នុងតម្លៃខ្ពស់។

សម្រាប់ថ្ងៃអនាគត រូបលោកផ្ទាល់ រួមទាំងក្រុមការងារនៅតែបន្តការងារនេះ និងស្វែងរកដៃគូផលិតក្នុងស្រុកដើម្បីកាត់បន្ថយថ្លៃដើម ធ្វើឱ្យតម្លៃអាវកាន់តែទាប ជាពិសេសគឺទទួលបានការគាំទ្របន្ថែមទៀតទៅលើស្នាដៃសិល្បៈក៏ដូចជាប្រជាប្រិយភាពរបស់ល្ខោនខោលផ្ទាល់តែម្ដង៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់