ក្នុងប្រទេសកម្ពុជា ក្រុមហ៊ុននីមួយៗកំពុងតែខិតខំផ្សព្វផ្សាយពីអាជីវកម្មរបស់ខ្លួននៅលើប្រព័ន្ធឌីជីថល ស្របពេលជាមួយគ្នានេះដែរ Apsara Media Services ឬ AMS ដែលជាក្រុមហ៊ុនបណ្តាញសារព័ត៌មានមួយដ៏លេចធ្លោបានដើរតួនាទីយ៉ាងសំខាន់ដើម្បីផ្តល់ការប្រឹក្សាយោបល់លើការផ្សព្វផ្សាយដល់អតិថិជនទៅតាមជំនាញបច្ចេកទេសដែលខ្លួនមាន។ AMS បាននិងកំពុងផលិតវីដេអូកម្មវិធី ភាពយន្តភាគ រឿងខ្លីៗល្អៗពាក់ព័ន្ធនឹងការអប់រំ សេដ្ឋកិច្ច និងកម្សាន្ត ដែលសមិទ្ធផលទាំងអស់នេះបានឆក់យកបេះដូងរបស់អ្នកទស្សនាជាច្រើន ទើបធ្វើឱ្យ AMS ទទួលបានការទុកចិត្តទៅលើគុណភាពនៃមាតិកាដែលខ្លួនបានផលិត ជាពិសេសចំណាប់អារម្មណ៍ទៅលើការផ្សព្វផ្សាយលើវីដេអូទាំងអស់នោះ។

ឥឡូវនេះ ខ្ញុំសូមលើកយកដំណើររឿងរបស់កេសរ សម្រាប់ធ្វើជាគំនិតគួរពិចារណាក្នុងការប្រើប្រាស់យុទ្ធសាស្ត្រធ្វើទីផ្សារឌីជីថល ដោយប្រើប្រាស់វិធីសាស្ត្រផ្សព្វផ្សាយលើវីដេអូកម្មវិធី។

កេសរគឺជាមនុស្សដែលមានការតាំងចិត្តខ្ពស់ ហើយនាងគឺជាម្ចាស់ ហាងទំនិញមួយកន្លែងនៅក្នុងទីក្រុងភ្នំពេញ។ ដំណើររឿងរបស់នាង គឺជាភស្តុតាងដែលបញ្ជាក់ពីភាពតស៊ូមិនចេះរាថយក្នុងនាមជាសហគ្រិនវ័យក្មេងម្នាក់ ដោយនាងបានឈានជើងចេញពីភាពសោកសៅរហូតដល់សម្រេចភាពជោគជ័យដ៏គួរឱ្យរំភើបតាមរយៈការផ្តល់ដង្ហើមជីវិតថ្មីសម្រាប់អាជីវកម្មរបស់នាង។

ហាងទំនិញរបស់កេសរមានលក់ទំនិញជាច្រើនប្រភេទ ដូចជាអាហារ ភេសជ្ជៈ និងរបស់របរប្រើប្រាស់ចាំបាច់ប្រចាំថ្ងៃផ្សេងៗទៀត។ នាងតែងតែស្រមៃឃើញហាងទំនិញរបស់នាងទទួលបានការគាំទ្រច្រើន និងក្លាយជាកន្លែងផ្គត់ផ្គង់មួយដ៏ល្បី។ ប៉ុន្តែ ស្ថានភាពជាក់ស្តែងខុសស្រឡះពីក្តីស្រមៃរបស់នាង។ កេសរកំពុងស្ថិតក្នុងការប្រកួតប្រជែងយ៉ាងខ្លាំង ដែលស្ថានភាពនៃការលក់របស់នាងកំពុងធ្លាក់ចុះ ដោយសារដៃគូប្រកួតប្រជែងរបស់នាងសុទ្ធតែហាងធំៗដែលឈរឈ្មោះច្រើនឆ្នាំមកហើយ។

ស្ថានភាពបែបនេះមិនមែនកើតឡើងលើតែកេសរ ឬវិស័យដែលកេសរធ្វើអាជីវកម្មប៉ុណ្ណោះទេ គឺលើម្ចាស់អាជីវកម្មដទៃទៀតជាច្រើន។អតិថិជនមានការស្ទាក់ស្ទើរលើការផ្តល់ទំនុកចិត្តដល់ហាងរបស់នាង ទោះបីទំនិញក្នុងហាងនាងមានគុណភាពមិនចាញ់ទំនិញរបស់ហាងធំៗដទៃទៀតក៏ដោយ។ ទោះបីជាយ៉ាងណាក៏ដោយ ក៏កេសរនៅតែមានចិត្តតស៊ូយ៉ាងមុតមាំ ដើម្បីរកវិធីសាស្ត្រសម្រេចក្តីស្រមៃរបស់នាង​ឱ្យបាន។

កេសរយល់ថា នៅក្នុងសម័យនេះឌីជីថលមានការវិវឌ្ឍលឿនណាស់ ដូច្នេះនាងជឿថាទីផ្សារឌីជីថលដើរតួនាទីយ៉ាងសំខាន់ក្នុងការកែប្រែជោគវាសនារបស់អាជីវកម្មនីមួយៗបាន។ នាងគិតថា បើនាងប្រើប្រាស់យុទ្ធសាស្ត្រទីផ្សារឌីជីថល នោះនាងនឹងអាចទាក់ទាញចំណាប់អារម្មណ៍ និងទំនុកចិត្តពីអតិថិជននៅលើប្រព័ន្ធឌីជីថលជាមិនខាន។ ដូចគ្នាដែរ ប្រសិនបើនាងមិនកសាងកេរ្តិ៍ឱ្យរឹងមាំលើប្រព័ន្ធឌីជីថលទេ ក្តីស្រមៃរបស់នាងក៏នៅតែស្រពេចស្រពិលដដែល។

ដោយសារតែយល់ឃើញបែបនេះហើយ កេសរចាប់ផ្តើមស្វែងរកជំនួយដើម្បីផ្តល់ដង្ហើមជីវិតដល់អាជីវកម្មរបស់នាង ព្រមទាំងចាប់យកបេះដូង និងសេចក្តីទុកចិត្តពីអតិថិជនរបស់នាង។ចំពោះករណីរបស់កេសរ សេវាកម្មផ្សព្វផ្សាយលើវីដេអូកម្មវិធីរបស់ AMS គឺជាក្តីសង្ឃឹមមួយសម្រាប់នាងក្នុងការសម្រេចក្តីស្រមៃ។

តាមរយៈចំនួនអ្នកទស្សនាដ៏ច្រើន AMS អាចជួយកេសររៀបចំយុទ្ធសាស្ត្រ និងអនុវត្តវិធីសាស្ត្រផ្សព្វផ្សាយច្រើនជម្រើស ដើម្បីផ្លាស់ប្តូរស្ថានការណ៍របស់នាងបាន។ ការផ្សព្វផ្សាយលើ Top Logo ជាកន្លែងដែលបង្ហាញពីស្លាកសញ្ញារបស់អាជីវកម្ម។

ការផ្សព្វផ្សាយលើប្រអប់ Call-to-Action ជាកន្លែងដែលអាចបង្ហាញពីសារសំខាន់ខ្លីៗទៅកាន់អ្នកទស្សនា។ រីឯ In-stream ads គឺជាវីដេអូខ្លីដែលបង្ហាញលើវីដេអូកម្មវិធីរបស់ AMS បាន វាអាចរៀបរាប់បន្ថែមពីអាជីវកម្មរបស់កេសរទៅកាន់អ្នកទស្សនារបស់AMS។ តាមរយៈវិធីសាស្ត្រផ្សព្វផ្សាយទាំងនេះ អាចផ្តល់ប្រសិទ្ធភាពខ្លាំងសម្រាប់កេសរក្នុងការពង្រីកកេរ្តិ៍ឈ្មោះ និងការទាក់ទាញទំនុកចិត្តពីអតិថិជនរបស់នាងបានចំគោលដៅ។

នៅពេលដែលកេសរប្រឡូកជ្រៅទៅៗ ទៅក្នុងពិភពទីផ្សារឌីជីថលដែលរៀបចំយុទ្ធសាស្ត្រដោយ AMS នាងមើលឃើញថា ការផ្សព្វផ្សាយពាណិជ្ជកម្មលើវីដេអូកម្មវិធីរបស់ AMS គឺជាដំណោះស្រាយ និងចម្លើយតែមួយគត់ដែលនាងតែងតែស្វែងរកពីមុនមក។ តាមរយៈការទទួលការប្រឹក្សាយោបល់ ប្រជាប្រិយភាពវីដេអូកម្មវិធី ភាពយន្ត និងរឿងខ្លីៗ ក៏ដូចជាករណីជោគជ័យនៃអតិថិជនរបស់ AMS កេសរទទួលស្គាល់ថាការសម្រេចចិត្តជ្រើសរើស AMS ជាដៃគូយុទ្ធសាស្ត្រគឺជារឿងត្រឹមត្រូវមួយដែលនាងបានធ្វើ។ ជាមួយនឹងក្តីរំភើបនៅក្នុងចិត្ត និងភាពទុកចិត្តលើ AMS នាងកំពុងរង់ចាំមើលលទ្ធផលនៃការអនុវត្តយុទ្ធសាស្ត្ររបស់ AMS  ក្នុងការប្រែផ្លាស់ស្ថានភាពហាងលក់ផលិតផលរបស់នាង។

ពីមួយអាទិត្យទៅមួយអាទិត្យ ពីមួយខែទៅមួយខែ ហាងទំនិញរបស់កេសរបានប្រែប្រួលគួរឱ្យកត់សម្គាល់។ វិធីសាស្ត្រនៃការផ្សព្វផ្សាយរបស់ AMS បានផ្តល់ដង្ហើមជីវិតថ្មីដល់អាជីវកម្មរបស់នាង។ កេរ្តិ៍ឈ្មោះហាងរបស់នាងល្បី និងទទួលបានការគាំទ្រ ព្រមទាំងទំនុកចិត្តយ៉ាងខ្លាំង ដែលធ្វើឱ្យឈ្មោះហាងរបស់នាងបង្កប់អត្ថន័យស្មើនឹងពាក្យគុណភាព និងភាពទុកចិត្ត។

អតិថិជនជាច្រើនសុទ្ធសឹងតែជាទស្សនិកជនដែលបានមើលវីដេអូកម្មវិធីល្បីៗរបស់ AMS បាននាំគ្នាមកទិញទំនិញនៅហាងរបស់នាង។ ការលក់របស់នាងបានកើនឡើង ធ្វើឱ្យចំណូលរបស់នាងមានការប្រែប្រួលខ្លាំង កេសរកត់សម្គាល់ឃើញថាអតិថិជនប្រចាំរបស់នាងបានកើនឡើងពីមួយថ្ងៃទៅមួយថ្ងៃ។

ការប្តេជ្ញាចិត្តរបស់ AMS ក្នុងការសម្រេចភាពជោគជ័យរបស់កេសរគឺលើសពីការផ្សព្វផ្សាយតែមួយមុខទៅទៀត។ ការផ្តល់ការប្រឹក្សារយោបល់លើអាជីវកម្ម ការដាក់ចេញយុទ្ធសាស្ត្រដោយអ្នកជំនាញ និងការអនុវត្តវិធីសាស្ត្ររបស់ AMS ចំពោះអាជីវកម្មរបស់កេសរ គឺមិនអាចកាត់ថ្លៃបាននោះទេ។ កេសរដែលធ្លាប់តែមិនសូវយល់ច្បាស់ពីការធ្វើទីផ្សារឌីជីថល បានប្រែក្លាយជាសហគ្រិនដែលមានភាពជឿជាក់វិញ ក៏ដោយសារតែមាន AMS ជួយគាំទ្រជានិច្ច។ មិនត្រឹមតែប៉ុណ្ណេះ AMS ក៏មានសេវាកម្មថែទាំ ដើម្បីធានាថាអាជីវកម្មរបស់កេសរនៅតែដើរបានដោយមិនមានឧបសគ្គរាំងស្ទះទៀតនោះទេ។

នៅក្នុងសាច់រឿងរបស់កេសរ និងហាងទំនិញរបស់នាង យើងមើលឃើញពីឥទ្ធិពលនៃការធ្វើទីផ្សារឌីជីថល ដោយប្រើប្រាស់វិធីសាស្ត្រនៃការផ្សព្វផ្សាយសេវាកម្មលើវីដេអូកម្មវិធីរបស់ AMS ដើម្បីសម្រេចគោលដៅអាជីវកម្ម។ AMS តែងតែប្រកាន់ខ្ជាប់នូវគោលជំហររបស់ខ្លួនដោយដើរតួជាអ្នកត្រួសត្រាយផ្លូវដើម្បីសម្រេចក្តីស្រមៃ ផ្តល់អ្នកជំនាញដើម្បីប្រឹក្សាយោបល់ និងសិក្សាពីគោលដៅអាជីវកម្មរបស់អ្នក។

តាមរយៈរឿងដែលផ្តល់ជាគំនិតគួរពិចារណាមួយនេះ ម្ចាស់អាជីវកម្មទាំងអស់គួរសិក្សាពីស្ថានភាព និងគោលដៅអាជីវកម្មរបស់ខ្លួនឡើងវិញ ដើម្បីស្វែងរកដំណោះស្រាយតាមរយៈការប្រឹក្សាយោបល់ជាមួយ AMS។ ធ្វើជាដៃគូយុទ្ធសាស្ត្រជាមួយ AMS ដើម្បីផ្សព្វផ្សាយសេវាកម្មលោកអ្នកលើវីដេអូកម្មវិធី ភាពយន្ត រឿងខ្លីៗពាក់ព័ន្ធនឹងការអប់រំ សេដ្ឋកិច្ច និងកម្សាន្ត ដើម្បីឈានជើងពីស្ថានការណ៍សោកសៅរហូតដល់សម្រេចភាពជោគជ័យដ៏គួរឱ្យរំភើប តាមរយៈការផ្តល់ដង្ហើមជីវិតថ្មីសម្រាប់អាជីវកម្មរបស់លោកអ្នក។