សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បញ្ហាអតិផរណាដែលកើតមាននៅពេលបច្ចុប្បន្ននេះ មិនត្រឹមតែបានធ្វើឲ្យបណ្តាប្រទេសក្រីក្រ និងប្រទេសកំពុងអភិវឌ្ឍជួបប្រទះបញ្ហាលំបាកនោះទេ ក្នុងនោះសូម្បីតែប្រទេសមួយចំនួនធំនៅលោកខាងលិចក៏ទទួលរងនូវផលប៉ះពាល់ផងដែរ ខណៈដែលនៅក្នុងកិច្ចការងារស្រាវជ្រាវចុងក្រោយមួយបានបង្ហាញភស្តុតាងថា ពលរដ្ឋម្នាក់ក្នុងចំណោម៤នាក់នៃបណ្តាប្រទេសដូចដែលបានលើកឡើងខាងលើនេះកំពុងជួបភាពលំបាកក្នុងការដោះស្រាយបញ្ហាចំណាយចាំបាច់ប្រចាំថ្ងៃ ដូចជា ចំណីអាហារ ទឹក និងថ្លៃអគ្គិសនី ។
របាយការណ៍ស្រាវជ្រាវដែលត្រូវបានធ្វើឡើងដោយក្រុមអ្នកជំនាញ និងត្រូវបានយកមកចេញផ្សាយដោយវេទិកាសេដ្ឋកិច្ចពិភពលោក WEFORUM បានបង្ហាញដែរថា ក្នុងចំណោមពលរដ្ឋដែលត្រូវបានសាកសួរភាគច្រើនបានបង្ហើបអំពីក្តីបារម្ភថាកម្រិតរស់នៅរបស់ពួកគេក្នុងឆ្នាំបន្តបន្ទាប់ពិតជាជួបបញ្ហាកាន់តែខ្លាំងជាងនេះជាមិនខាន។
ជាការឆ្លើយតបទៅនឹងបញ្ហាទាំងនេះថ្នាក់ដឹកនាំនៅតាមបណ្តាប្រទេសទាំងនោះក៏បានប្រាប់ដែរថា កំពុងរៀបចំផែនការក្នុងការទប់ទល់ទៅនឹងការចំណាយចាំបាច់ៗដែលមានរួមទាំងចំណាយលើអាហារប្រចាំថ្ងៃ ចំណាយទៅលើថាមពលអគ្គិសនី ព្រមទាំងការចំណាយផ្សេងៗផងដែរ។
ដោយឡែកនៅក្នុងរបាយការណ៍មួយដែលមានឈ្មោះថា Global Perceptions of Inflation 2022 នៃក្រុមហ៊ុនអន្តរជាតិដ៏ល្បី Ipsos ជំនាញខាងស្រាវជ្រាវ និងប្រឹក្សាទីផ្សារដែលមានមូលដ្ឋាននៅក្នុងទីក្រុងប៉ារីស ប្រទេសបារាំង បានដំណើរការការងារស្ទាបស្ទង់នេះជាមួយនឹងប្រទេសដែលមានសេដ្ឋកិច្ចខ្លាំងចំនួន១១នាក់ដែលសុទ្ធតែជាសមាជិកនៅក្នុងវេទិកាសេដ្ឋកិច្ចពិភពលោក WEFORUM ខណៈដែលពលរដ្ឋក្នុងប្រទេសតួកគីបានបង្ហាញពីក្តីបារម្ភខ្លាំងជាងគេ ដោយ៧២ភាគរយនៃអ្នកឆ្លើយតបបានអះអាងថា ពួកគេនឹងជួបបញ្ហាលំបាក និងមិនមានលទ្ធភាពគ្រប់គ្រាន់ក្នុងការចំណាយទៅលើតម្រូវការចាំបាច់ប្រចាំថ្ងៃឡើយនាពេលខាងមុខនេះ ខណៈដែល៦៧ភាគរយបញ្ជាក់ថាបច្ចុប្បន្នកំពុងជួបបញ្ហានេះរួចទៅហើយ។
ងាកទៅកាន់ប្រទេសអាមេរិក និងអាល្លឺម៉ង់ ឯណោះវិញ Ipsos ក៏បានរកឃើញថា ពលរដ្ឋម្នាក់ក្នុងចំណោម៦នាក់កំពុងជួបភាពតានតឹងដើម្បីគ្រប់គ្រងបញ្ហាចំណាយប្រចាំថ្ងៃនេះ ខណៈដែល៥៤ភាគរយនៅប្រទេសប៉ូឡូញក៏ចាប់ផ្តើមទទួលផលប៉ះពាល់ដូចគ្នានេះ។
សរុបមកនៅទូទាំងប្រទេសទាំង១១ មានពលរដ្ឋត្រឹមតែ១១ភាគរយប៉ុណ្ណោះដែលនិយាយថា ពួកគេកំពុងរស់នៅយ៉ាងស្រណុកសុខស្រួលចំណែកឯ២៩ភាគរយទៀតអះអាងថា ការរស់នៅរបស់ពួកគេមិនមានបញ្ហាអ្វីនោះឡើយ ប៉ុន្តែសរុបដល់ទៅ៣៤ភាគរយដែលកំពុងជួបបញ្ហាចំណាយប្រចាំថ្ងៃ។ គួរកត់សម្គាល់ផងដែរថា ក្រៅតែពីបញ្ហាជម្លោះរវាងប្រទេសអ៊ុយក្រែន និងរុស្ស៊ីហើយនោះ អ្នកឆ្លើយតបក៏បានលើកឡើងពីបញ្ហាសេដ្ឋកិច្ចសកលពាក់ព័ន្ធនឹងបញ្ហាកូវីដផងដែរ ដែលជាកត្តាជះឥទ្ធិពលដល់វិបត្តិចំណាយចាយវាយប្រចាំថ្ងៃ ហើយលើសពីនេះក៏មានអ្នកឆ្លើយតបភាគច្រើនយល់ឃើញដែរថា គោលនយោបាយជាតិរបស់រដ្ឋាភិបាលអាចដើរតួយ៉ាងសំខាន់ក្នុងការទប់ស្កាត់ និងដោះស្រាយបញ្ហាដ៏ធ្ងន់ធ្ងរមួយនេះ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party
ព្រឹត្តិការណ៍, អត្ថបទពាណិជ្ជកម្ម
• 10/07/2026
ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content