កសិករគួបង្វែរពីការធ្វើស្រែលក្ខណៈគ្រួសារ មកដាំដំណាំចម្រុះដែលកំពុងមានតម្រូវការទីផ្សារ

សៀមរាប ៖ វិស័យកសិកម្មនៅកម្ពុជានៅតែដើរតួនាទីសំខាន់ក្នុងសេដ្ឋកិច្ចជាតិ ជាពិសេសសំដៅលើការរៀនរស់ក្នុងបរិបទនេះ ដោយប្រជាកសិករមួយចំនួនបានផ្លាស់ប្ដូរទម្លាប់ពីការដាំដុះបែបកសិកកម្មប្រពៃណីតែមួយមុខទៅជាការដាំដំណាំចម្រុះ ឬប្ដូរដីពីការប្រើប្រាស់សម្រាប់ធ្វើស្រែ ទៅជាដីដាំដំណាំយុទ្ធសាស្ត្ររបស់សហគមន៍។

លោក អេង ថុង ប្រធានសហគមន៍កសិកម្ម «សំបូរមានជ័យ» បានលើកឡើងពីយុទ្ធសាស្ត្ររបស់សហគមន៍ និងបង្ហាញពីទិសដៅរួម គាំទ្រនូវដល់ការដាំដុះដំណាំចម្រុះ ដែលមានផលប្រយោជន៍ច្រើនជាងការដាំដំណាំតែមួយមុខតាមទម្លាប់ប្រពៃណី និងងាយរងហានិភ័យ។

លោក អេង ថុង បានប្រាប់ AMS​ ថា មានប្រជាជនក្នុងសហគមន៍មិនតិចជាង 20 គ្រួសារនោះទេ ដែលបានផ្លាស់ប្ដូរដីដែលធ្លាប់ធ្វើស្រែទៅជាការដាំដំណាំបន្លែ និងស្លឹកគ្រៃវិញ ដោយក្នុងនោះទំហំដីដែលត្រូវបានផ្លាស់ប្ដូរមានចាប់ពីកន្លះហិកតាឡើងទៅ។

ប្រធានសហគមន៍រូបនេះបានបញ្ជាក់ថា ៖

“ការសម្រេចចិត្តរបស់ពួកគាត់ គឺដោយសារការដាំដំណាំស្លឹកគ្រៃ ជាធម្មតា១ ហិកតាបានផលពី ១៥ ទៅ ២០ តោន​ ដោយបច្ចុប្បន្នស្លឹកគ្រៃ មានតម្លៃបោះដុំចូលទីផ្សារ គឺមានតម្លៃពី ៨០០-១២០០ រៀលក្នុងមួយគីឡូក្រាម”

លោកបន្តថា ៖។

“ខ្ញុំសូមលើកឧទាហរណ៍ ចំពោះគ្រួសារលោក ប៉ុន អុន ដែលមានដីត្រឹមដីកន្លះហិកតា និងធ្លាប់ធ្វើស្រូវបានទទួលបានកម្រៃចំនួន ត្រឹម៤លានរៀល ប៉ុន្តែក្រោយពេលគាត់ប្ដូរមកដាំស្លឹកគ្រៃ គឺគាត់ទទួលផលបានរហូតដល់ទៅដល់ជិត ៧លានរៀល។ សព្វថ្ងៃនេះ នៅក្នុងសហគមន៍បានដាំស្លឹក​គ្រៃនៅលើផ្ទៃដីសរុបចំនួន ៥០ហិកតា ដែលប្រមូលផលជាបន្តបន្ទាប់ គឺនាំចេញទៅកាន់ទីផ្សារក្នុងស្រុកចំនួន ពី ៦- ៧តោនក្នុងមួយថ្ងៃ ដែលពីមុននាំចេញត្រឹមតែ៣ តោនប៉ុណ្ណោះក្នុងមួយថ្ងៃ”

លោក ប៊ួយ កេង ជាអនុប្រធាសហគមន៍ និងជាអ្នកបានប្ដូរដីពីការធ្វើស្រែមកធ្វើការដាំដំណាំវិញនោះបានប្រាប់ថា ៖ ។

“កាលពីមុន ខ្ញុំមានបំណងធ្វើស្រែ ឬធ្វើស្រូវពូជ តែដោយសារបញ្ហាទឹក(ក្បាលហុងទឹក) ផ្ដល់ឱ្យពុំគ្រប់គ្រាន់ ទើបប្ដូរមកដាំស្លឹកគ្រៃវិញ ហើយក៏ស្របតាមយុទ្ធសាស្ត្ររបស់សហគមន៍ដែរ ម៉្យាងទៀតបើប្រៀបធៀបចំណូលពីការធ្វើស្រែ និងការដាំស្លឹកគ្រៃ គឺទីផ្សារស្លឹកគ្រៃឲ្យផលច្រើនជាង”

លោកបានបញ្ជាក់ថា ៖ ។

“ដោយសារបញ្ហាខ្វះខាតទឹក យើងចាំបាច់ត្រូវប្ត្តូរដីមកដាំស្លឹកគ្រៃវិញ ហើយការប្ដូរដីមកដាំស្លឹកគ្រៃ ឃើញថាបានផលចំណេញច្រើន ហើយមិនត្រូវការទឹកច្រើនឡើយ រីឯកា​រ​​​​ធ្វើស្រែវាចោទចំពោះបញ្ហាទឹក ជាបញ្ហាប្រឈមខ្លាំង”

ទោះជាយ៉ាងណា លោក ប៊ួយ កេង ក៏បានបង្ហាញពីក្តីបារម្ភផងដែរថា ស្លឹកគ្រៃបានផលច្រើន ប៉ុន្តែត្រូវការថែទាំ និងប្រើជីខ្លាំង ដែលជាចំណាយថ្លៃដើមខ្ពស់របស់អ្នកដាំ ខណៈអ្នកផ្គត់ផ្គង់ក៏កាន់តែមានចំនួនច្រើនដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»