សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ កិច្ចប្រជុំ G7 ដែលយើងគ្រប់គ្នាស្គាល់ថា ជាកិច្ចប្រជុំនៃបណ្តាប្រទេសមេដឹកនាំសេដ្ឋកិច្ចធំបំផុតលើពិភពលោកទាំង 7 នោះនឹងចាប់ផ្តើមពីថ្ងៃទី11 ខែមិថុនាឆ្នាំ2021ស្អែកនេះតទៅហើយ ដោយគ្រោងនឹងបញ្ចប់ទៅវិញនៅថ្ងៃទី13 ខែមិថុនាឆ្នាំ 2021 ដែលមានប្រទេសអង់គ្លេសគឺជាម្ចាស់ផ្ទះរៀបចំកិច្ចប្រជុំលើកទី47ក្នុងឆ្នាំនេះ។
មេដឹកនាំនៃបណ្តាប្រទេសអភិវឌ្ឍន៍ និងសេដ្ឋកិច្ចធំបំផុតលើពិភពលោកដែលមានរួមទាំងប្រធានាធិបតីអាមេរិក លោក Joe Biden និងលោកស្រីអធិកាបតីអាល្លឺម៉ង់ Angela Merkel ចូលរួមក្នុងកិច្ចជំនួបគ្នាដោយផ្ទាល់ជាលើកដំបូងចាប់តាំងតែពីបញ្ហាកូវីដកើតមាន នឹងត្រូវធ្វើឡើងនៅក្នុងរមណីយដ្ឋានឆ្នេរដ៏ស្រស់ស្អាតមួយនៃប្រទេសអង់គ្លេសដែលមានឈ្មោះថា Cornish ។
សមាសភាពនៃប្រទេសធំៗជាសមាជិកទាំង 7 នេះរួមមាន ប្រទេសអាមេរិក ប្រទេសកាណាដា ប្រទេសបារាំង ប្រទេសអាល្លឺម៉ង់ ប្រទេសអ៊ីតាលី ប្រទេសជប៉ុនប្រទេសអង់គ្លេស ហើយក្នុងនោះក៏មានតំណាងសហភាពអឺរ៉ុបផងដែរ ខណៈដែលឆ្នាំនេះប្រទេសឥណ្ឌាកូរ៉េខាងត្បូង និងអូស្ត្រាលីក៏ត្រូវបានគេអញ្ជើញចូលរួមជាពិសេសផងដែរ។
តើកិច្ចប្រជុំនេះនឹងពិភាក្សាគ្នាអំពីប្រធានបទអ្វីខ្លះ?
ជាធម្មតា និងជារបៀបវិរៈនៃកិច្ចប្រជុំនេះ G7 នឹងបើកកិច្ចពិភាក្សាទៅលើបញ្ហាយ៉ាងទូលំទូលាយនៅលើពិភពលោក បូករួមទាំងបញ្ហាសន្តិសុខ យេនឌ័រ ការបម្រែបម្រួលអាកាសធាតុ និងបញ្ហាផ្សេងទៀត។ បន្ថែមពីនេះ ស្ថិតនៅក្នុងលក្ខខណ្ឌពិសេសមួយ ប្រទេសដែលជាប្រធាន និងជាអ្នករៀបចំកិច្ចប្រជុំ (អង់គ្លេស) អាចលើកយកប្រធានបទនៃបញ្ហាណាមួយដែលខ្លួនចាប់អារម្មណ៍មកជជែកពិភាក្សា ដើម្បីដោះស្រាយ។
តើអ្វីដែលជាបញ្ហាធំជាងគេបំផុតសម្រាប់កិច្ចប្រជុំឆ្នាំ2021នេះ?
ប្រធានបទដែលត្រូវបានគេជឿជាក់ថានឹងត្រូវយកមកធ្វើឡើងនៅក្នុងឆ្នាំនេះ គឺជាបញ្ហាងើបឡើងវិញនៃសេដ្ឋកិច្ចក្រោយវិបត្តិកូវីដ ជាពិសេសកិច្ចពិភាក្សាទៅលើរបៀបនៃការកសាងប្រព័ន្ធសុខាភិបាលមួយឡើងវិញដែលរឹងម៉ាំជាងមុនក្នុងការត្រៀមខ្លួនឲ្យបានរួចជាស្រេចក្នុងការប្រយុទ្ធប្រឆាំងទៅនឹងបញ្ហារាតត្បាតដទៃទៀតដែលអាចកើតមាននាពេលអនាគត។
គួរឲ្យកត់សម្គាល់ផងដែរថា ក្រោយបញ្ចប់កិច្ចប្រជុំនេះ ប្រទេសអង់គ្លេសដែលជាម្ចាស់ផ្ទះនឹងធ្វើការប្រកាសជាសាធារណៈនូវឯកសារមួយដែលត្រូវបានគេហៅថាសេចក្តីថ្លែងការណ៍រួម (communique) ហើយវានឹងគូសបញ្ជាក់ឲ្យពិភពលោកបានដឹងទាំងអស់អំពីលទ្ធផលនៃកិច្ចប្រជុំថា តើអ្វីខ្លះដែលមេដឹកនាំទាំងអស់បានព្រមព្រៀងគ្នា និងអ្វីខ្លះដែលនឹងត្រូវបន្តយកទៅដោះស្រាយនៅពេលក្រោយ ហើយក្នុងនោះលោកនាយករដ្ឋមន្ត្រីអង់គ្លេស Boris Johnson នឹងត្រូវគេរំពឹងទុកថាអាចធ្វើសន្និសីទសារព័ត៌មាននៅថ្ងៃអាទិត្យ ទី13 ខែមិថុនា ឆ្នាំ2021ផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content