សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការដាំបន្លែ ត្បិតកសិករចេះជ្រើសរើសពូជ ចេះរបៀបដាំ និងថែទាំបានត្រឹមត្រូវក៏ពិតមែន តែក្នុងរដូវវស្សាមានភ្លៀងធ្លាក់ច្រើន អ្នកដាំអាចប្រឈមនឹងបញ្ហាផ្សេងៗ។ ក្នុងនោះ ការអនុវត្តបច្ចេកទេសដាំបន្លែលើរាន ជាជម្រើសមួយល្អសម្រាប់កសិករ ជាពិសេសអ្នកដាំបន្លែចម្រុះក្នុងរដូវវស្សាដែលអាចកាត់បន្ថយការខូតចខាតបានច្រើន។
អ្នកស្រី អ្នកស្រី ថៃ ឆេងលី ជាកសិករដាំបន្លែលើរាន និងជាតំណាងក្រុមសហគមន៍កសិកម្មចំការសុវត្ថិភាពធម្មជាតិស្រុកសូទ្រនិគម ស្ថិតនៅ ភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប បានប្រាប់ឱ្យដឹងថា៖
«ខ្ញុំបានចាប់ផ្ដើមដាំបន្លែលើរានថ្មនៅឆ្នាំ២០១៦ ហើយវាងាយស្រួលដាំ ទទួលបានផលច្រើនជាងដាំនៅលើដីផ្ទាល់ ជាពិសេសនៅរដូវភ្លៀងមានទឹកជន់ច្រើនក៏បន្លែយើងដាំលើរានអាចទទួលបានផលយ៉ាងហោចណាស់ក៏ ៨០ភាគរយដែរ»។
អ្នកស្រីបន្តថា៖
«ការដាំបន្លែលើរាននេះ យើងដាំបានច្រើនដង ឱ្យតែយើងមានផែនការច្បាស់លាស់ តួយ៉ាងមួយឆ្នាំអាចដាំបានពី ១០-១១ដង ឱ្យតែអ្នកដាំឧស្សាហ៍ក្នុងការសាបកូនឱ្យបានទាន់ពេលសមស្របតាមផែនការ ព្រោះយើងអាចដាំបន្លែឆ្លាស់មុខគ្នាពីមួយរដូវកាលទៅមួយរដូវកាល តែដីលើរានមិនចាំបាច់ផ្លាស់ប្ដូរនោះទេ»។
អ្នកស្រីបន្តថា ក្នុងមួយឆ្នាំអ្នកស្រីដាំបន្លែស្លឹកចំនួន ៥មុខឆ្លាស់គ្នាដូចជាសាឡាដ ស្បៃ ឃីនឆាយ គូឆាយជាដើម លើដី ៦រាន និងអាចរកចំណូលប្រចាំខែបានប្រមាណ ៧០ម៉ឺនរៀល ដោយគ្រាន់តែដាំបន្លែនៅផ្ទះ និងមានពេលមើលថែកូន និងគ្រួសារ។ បើនិយាយពីទិន្នផលវិញ ការដាំបន្លែលើរានទំហំ ១.៣x២០ ម៉ែត្រ ក្នុងមួយរានអាចប្រមូលផលសាឡាដបានប្រមាណ ៣០-៣៥គីឡូក្រាម ច្រើនជាងការដាំលើដីផ្ទាល់ដែលបានត្រឹម ២០គីឡូក្រាម ហើយការថែទាំក៏ងាស្រួលជាង ព្រោះដាំនៅលើដីផ្ទាល់អាចមានស្មៅដុះច្រើនពិបាកថែទាំ និងចំណាយកម្លាំងច្រើន។ នេះជាអ្វីដែលកសិករខាងលើបានលើកឡើង។
ទាក់ទងនឹងបច្ចេកទេសក្នុងការដាំបន្លែលើរាននេះដែរ អ្នកដាំត្រូវការលាយដីតាមបច្ចេកទេស រួចដាក់ដាំ បន្ទាប់មករយៈពេលមួយសប្ដាហ៍គេត្រូវស្រោចជីកំប៉ុស្តិ៍ទឹក រយៈពេល ៣ថ្ងៃបន្ទាប់គេបន្ថែមជីកំប៉ុស្តិ៍គោកបន្ថែមទៀត ដើម្បីបន្លែដុះលូតលាស់ល្អ។ ដោយឡែកបញ្ហាសត្វល្អិត គេអាចកម្ចាត់បានតាមរយៈការដាំដំណាំឆ្លាស់រងគ្នា ដូចជាគេអាចដាំសាឡាដមួយរង ឃីនឆាយមួយរង លុះពេលសត្វល្អិតចុះមក វាពុលក្លិននិងហើរចេញតែម្ដង។
សម្រាប់អ្នកចាប់ផ្ដើមដាំ អ្នកស្រី ឆងលី បានផ្តាំផ្ញើថា ដើម្បីការពារកុំឱ្យសត្វល្អិតបំផ្លាញ កសិករគួរដាំចាប់ពី ២មុខឡើងទៅ ដូចជាសាឡាដអាចដាំចូលគ្នាជាមួយស្ពៃបាន ដោយសារសាឡាដជាបន្លែដែលសត្វល្អិតមិនចូលចិត្តស៊ី ឬអាចប្រើថ្នាំពុលធម្មជាតិបន្ថែមក៏បាន ដែលអាចកម្ចាត់សត្វល្អិត និងបន្សល់នូវសារជាតិណពុលដល់បន្លែ។ បន្ថែមពីលើនេះ កសិករក៏គួរតែធ្វើដំបូលស្បៃពីលើរានថែមទៀតដើម្បីកាត់បន្ថយកម្ដៅផង និងរងទឹកភ្លៀងឱ្យបែកជាតំណក់តូចៗធ្លាក់មកលើបបន្លែ និងមិនបែកខ្ទាតដីចេញពីរាន៕
Account
Security
Favourite Content