សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្នុងឆ្នាំ២០២០ កម្ពុជានាំចេញផ្លែស្វាយស្រស់ទៅកាន់ទីផ្សារក្នុងតំបន់ និងអន្តរជាតិមានចំនួនទឹកប្រាក់ជាង ២៤លានដុល្លារ កើនឡើងជាង៤០ភាគរយ បើធៀបនឹងឆ្នាំ២០១៩ ជាមួយគ្នានេះកម្ពុជាអាចបង្កើតទីផ្សារនាំចេញទៅកាន់ប្រទេសកូរ៉េផងដែរ នេះបើតាមលោកបណ្ឌិត កែ មុន្ធីវុធ ប្រធាននាយកដ្ឋានកាពារដំណាំ អនាម័យ និងភូតគាមអនាម័យ នៃអគ្គនាយកដ្ឋានកសិកម្ម ។
លោកបណ្ឌិតបន្តថា បើយោងកំណត់ត្រាដោយប្រព័ន្ធទិន្នន័យភូតគាមអនាម័យ នៃនាយកដ្ឋានការពារដំណាំ អនាម័យ និងភូតគាមអនាម័យ នៃអគ្គនាយកដ្ឋានកសិកម្ម បានអោយដឹងថា ក្នុងឆ្នាំ២០២០ បរិមាណស្វាយស្រស់នាំចេញសរុបចំនួនជាង២៤លានដុល្លារ ស្មើនឹង៩ម៉ឺន៧ពាន់៦២៧តោន ក្នុងនោះនាំចេញទៅកាន់ប្រទេសដូចជា៖ វៀតណាម ៦ម៉ឺន៥ពាន់៤៥១តោន ថៃ៣ម៉ឺន១ពាន់៩៥៣តោន កូរ៉េ៧៧តោន បារាំង២៨.៨តោន ចិនហុងកុង៥៥.៥តោន រុស្សី១៩តោន និងសិង្ហបុរី៤៣តោន ។ លោកបណ្ឌិតបន្ថែមថា សម្រាប់តម្លៃផ្លែស្វាយស្រស់ ដែលនាំចេញក្នុងឆ្នាំ២០២០ មានចំនួនជាង២៥០ដុល្លារក្នុង១តោន ហើយសរុបបរិមាណទាំងអស់ នៃផ្លែស្វាយស្រស់នាំចេញចំនួន៩ម៉ឺន៧ពាន់៦២៧តោន ស្មើនឹងចំនួនទឹកប្រាក់សរុប ២៤លាន៤០ម៉ឺន៦ពាន់៩រយដុល្លារ ។ ចំនែកឯកាលពីឆ្នាំ២០១៩ ផ្លែស្វាយស្រស់នាំចេញទៅកាន់ទីផ្សារមានចំនួន៥ម៉ឺន៨ពាន់១៦២តោន ក្នុងនោះនាំចេញផ្លែស្វាយស្រស់ទៅកាន់ទីផ្សារក្រៅប្រទេសដូចជា៖ វៀតណាមចំនួនជាង៣ម៉ឺន៨ពាន់៧៦៤តោន ថៃចំនួនជាង១ម៉ឺន៩ពាន់២០៥តោន បារាំងចំនួនជាង៩៧តោន រុស្សីចំនួនជាង៣៨តោន ហុងកុងចំនួនជាង២៧តោន និងបណ្ដាលប្រទេសផ្សេងទៀតមានចំនួនជាង២៧តោនផងដែរ ។
លោកបណ្ឌិតបានអោយដឹងទៀតថា នៅឆ្នាំ២០២១នេះ សម្រាប់ដំណាំផ្លែស្វាយដែលនឹងនាំចេញនោះ នឹងមានសញ្ញាណល្អប្រសើរបន្ថែមទៀត ដោយសារតែយើងនឹងធ្វើការនាំចេញត្រង់ទៅទីផ្សារចិន បន្ទាប់ពីមានក្រុមហ៊ុនប្រមូលទិញចំនួន០៤ ដែលជាក្រុមហ៊ុនមានដំឡើងម៉ាស៊ីន ធ្វើអនាម័យសម្លាប់មេរោគស្វាយមុននឹងធ្វើការនាំចេញ ។ លោកបណ្ឌិតបញ្ជាក់ទៀតថា បច្ចុប្បន្នអគ្គនាយកដ្ឋានកសិកម្មបានកំពុងពិនិត្យ និងវាយតម្លៃ បន្ទាប់ពីបានចុះទៅពិនិត្យមើលរួចមក លើការបំពាក់ដំឡែងឧបករណ៍ និងធ្វើតេស្ដឲ្យស្របតាមបទដ្ឋានបច្ចេកទេសត្រឹមត្រូវ ដូច្នេះនៅពេលដែល០៤ក្រុមហ៊ុននេះមានដំណើរការ ហើយចុះបញ្ជីទៅក្រសួងកសិកម្ម និងអគ្គរដ្ឋបាលគយចិនហើយ លោកបណ្ឌិតគិតថា វាជាចំណុចល្អមួយ ដែលអាចស្រូបយកទីផ្សារស្វាយដែលត្រូវនាំចេញទៅចិនផងដែរ ៕
ផ្ទាំងបដាទម្រង់
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋចំនួន ៤ នៅអាម៉េរិក ដាក់ពាក្យប្តឹងក្រុមហ៊ុន Meta ទារប្រាក់ពិន័យ ១,៤ ទ្រីលានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 09/07/2026
ក្រុមហ៊ុនបច្ចេកវិទ្យាយក្ស Meta របស់លោក Mark Zuckerberg អាចនឹងប្រឈមមុខនឹងការពិន័យជាប្រាក់រហូតដល់ ១,៤ ទ្រីលានដុល្លារ បន្ទាប់ពីរដ្ឋចំនួន ៤ របស់សហរដ្ឋអាម៉េរិកបានចោទប្រកាន់ក្រុមហ៊ុននេះថា បានបង្កើតកម្មវិធី Facebook និង Instagram ឡើងក្នុងគោលបំណងទាក់ទាញកុមារ
ប៊ុលហ្ការី បង្ហោះផ្កាយរណបថ្មីចំនួន ១០ គ្រឿង និងត្រៀមពង្រីកសក្ដានុពលរបស់ខ្លួនក្នុងវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/07/2026
កាលពីថ្ងៃអង្គារសប្ដាហ៍នេះ មេដឹកនាំប្រទេសប៊ុលហ្ការី បានបង្ហាញវត្តមាននៅក្នុងព្រឹត្តិការណ៍បាញ់បង្ហោះផ្កាយរណបថ្មីៗចំនួន១០គ្រឿងទៀតរបស់ខ្លួនចូលទៅក្នុងលំហអាកាស
BYD Sealion 5 EV ប្រភេទ SUV រថយន្តអគ្គិសនីសុទ្ធ បើកបរបានឆ្ងាយចាប់ផ្តើមបង្ហាញខ្លួនហើយ
ព្រឹត្តិការណ៍, អាជីវកម្មថ្មី និងនវានុវត្ត
• 09/07/2026
BYD ដែលជាក្រុមហ៊ុនផលិតរថយន្តអគ្គិសនីដ៏ធំនៅក្នុងសកលលោក បាននាំយកសែស្រឡាយថ្មីរបស់ខ្លួន BYD Sealion 5 EV ជាប្រភេទរថយន្ត SUV ប្រើអគ្គិសនីសុទ្ធ បើកបរបានឆ្ងាយចូលទីផ្សារកម្ពុជា
ផ្ទាំងបដាទម្រង់
កម្មវិធីពិសេសរបស់ AMS ECONOMY
Account
Security
Favourite Content