សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការចេញផ្សាយរបស់ភ្នាក់ងារសារព័ត៌មានប៊ុលហ្គារី Novinata កាលពីចុងសប្តាហ៍កន្លងមកនេះបានសរសេរថា សេដ្ឋកិច្ចរបស់មហាយក្សចិននៅក្នុងឆ្នាំ២០២៦នវ នឹងអាចមើលឃើញកំណើនកាន់តែល្អជាងឆ្នាំទៅទៀត ខណៈដែលរដ្ឋាភិបាលក្រុងប៉េកាំងបានដាក់ចេញនូវយុទ្ធសាស្ត្រ ជាមួយនឹងគោលនយោបាយជំរុញសេដ្ឋកិច្ចច្រើនវិធីសាស្ត្រ រាប់ទាំងការបញ្ចេញកញ្ចប់សម្រាប់សម្រួលដល់ជីវភាពរបស់ពលរដ្ឋ ជាពិសេស ការសម្របសម្រួលនីតិវិធីសម្រាប់អ្នកវិនិយោគ។
ក្រោយកិច្ចពិភាក្សាអំពីការទ្រទ្រង់កំណើនសេដ្ឋកិច្ចចិន “China Economic Roundtable” កាលពីពេលថ្មីៗនេះ សារព័ត៌មាន Novinata បានដកស្រង់ចំណុចសំខាន់ៗចេញពីវេទិកាពិភាក្សាទៅលើអនាគតនៃសេដ្ឋកិច្ចជាមួយនឹងប្រព័ន្ធផ្សព្វផ្សាយក្រោមការចូលរួមពីសំណាក់គណៈកម្មាធិការកណ្តាលបក្សកម្មុយនីសចិន ដែលបានបញ្ចប់កាលពីដើមខែធ្នូ ឆ្នាំ២០២៥ កន្លងទៅ លើប្រធានបទស្តីអំពីសេដ្ឋកិច្ចចិននៅពេលអនាគត។
បណ្តាអ្នកជំនាញសេដ្ឋកិច្ចដែលបានចូលរួមក្នុងវេទិកាកំពូលខាងលើនេះបានបង្ហើបប្រាប់អ្នកសារព័ត៌មានថា សេដ្ឋកិច្ចប្រទេសចិននៅក្នុងឆ្នាំ២០២៦នេះនឹងផ្តោតសំខាន់លើការយកចិត្តទុកដាក់ចំពោះកិច្ចការងារនវានុវត្តថ្មីៗ ការជំរុញឲ្យមានតម្រូវការក្នុងស្រុកកាន់តែច្រើន ជាពិសេស ធានាឲ្យបាននូវហានិភ័យតិចតួចបំផុត ដើម្បីអាចរក្សាបានស្ថិរភាពទីផ្សារ ខណៈដែលកាលពីឆ្នាំ២០២៥កន្លងទៅនេះ កំណើនសេដ្ឋកិច្ចប្រទេសចិនអាចសម្រេចបានក្នុងរង្វង់ប្រមាណជិត ៣ភាគរយរួចទៅហើយ។ បន្ថែមពីនេះ អ្នកជំនាញបាននិយាយថា ការរួមបញ្ចូលគ្នានៃគោលនយោបាយគាំទ្រលើកំណែទម្រង់ និងការជំរុញការវិនិយោគក្នុងវិស័យឯកជន កំពុងអំណោយផលដល់កំណើនសេដ្ឋកិច្ចក្នុងរយៈពេលវែង។ ក្នុងនោះបច្ចេកវិទ្យាថ្មី ទីផ្សារក្នុងស្រុកដ៏រឹងមាំ និងការពង្រីកសេវាកម្ម ដូចជា បញ្ញាសិប្បនិមិត្ត និងនវានុវត្តន៍ថ្មីៗ ក៏នឹងជួយជំរុញឱ្យមានសក្ដានុពលសេដ្ឋកិច្ច និងការងារនៅក្នុងរយៈពេលប៉ុន្មានឆ្នាំខាងមុខបន្ថែមទៀត៕
Account
Security
Favourite Content