សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ លោកស្រី Elizabeth Warren ជាអ្នកជំនាញផ្នែកហិរញ្ញវត្ថុបានសរសេរពីច្បាប់បែងចែងចំណូលដ៏ពេញនិយមមួយដែលជា “ ច្បាប់ថវិកា ៥០/២០/៣០” (ឬ “ ៥០-៣០-២០”) នៅក្នុងសៀវភៅរបស់លោកស្រីដែលមានចំណងជើងថា All Your Worth: The Ultimate Lifetime Money Plan ។ វិធីជាមូលដ្ឋាននៃច្បាប់នេះគឺត្រូវបែងចែកប្រាក់ចំណូលក្រោយបង់ពន្ធ ហើយបែងចែកវាដោយ ៖ ៥០% សម្រាប់តម្រូវការ ៣០%សម្រាប់ចំណង់(ការចង់បាន) និង ២០% ទៀតសម្រាប់សន្សំ។
៥០%៖ តម្រូវការ ៖ តម្រូវការគឺជាប្រាក់វិក្កយបត្រដែលអ្នកត្រូវបង់ ហើយជារបស់ចាំបាច់សម្រាប់ការរស់នៅប្រចាំថ្ងៃ។ វារួមបញ្ចូលទាំងការទូទាត់ថ្លៃជួលផ្ទះ ឬប្រាក់កម្ចីទិញផ្ទះ ការទិញរថយន្ត គ្រឿងទេស ការធានារ៉ាប់រង ការថែទាំសុខភាព ការទូទាត់បំណុលអប្បបរមា និងឧបករណ៍ប្រើប្រាស់ផ្សេងៗ។ ទាំងនេះគឺជារបស់ចាំបាច់របស់អ្នក។ ប្រភេទ “តម្រូវការ” នេះមិនរាប់បញ្ចូលវត្ថុដែលមានបន្ថែមដូចជា HBO, Netflix, Starbucks និងការទទួលទានអាហារក្រៅផ្ទះនោះទេ។ ពាក់កណ្តាលនៃប្រាក់ចំណូលក្រោយបង់ពន្ធរបស់អ្នកគួរតែជាអ្វីៗដែលអ្នកត្រូវការដើម្បីបំពេញតម្រូវការកាតព្វកិច្ចរបស់អ្នក។ ប្រសិនបើអ្នកចំណាយលើស៥០% លើតម្រូវការរបស់អ្នក អ្នកនឹងត្រូវកាត់បន្ថយការចង់បាន ឬព្យាយាមកាត់បន្ថយរបៀបរស់នៅរបស់អ្នក ដូចជាញុំាអាហារនៅផ្ទះឲ្យបានច្រើនជាងការចេញទៅញុំានៅក្រៅជាដើម។
៣០%៖ ចំណង់ ៖ ចំណង់គឺជាលុយដែលអ្នកចំណាយទៅលើអ្វីដែលមិនសូវចាំបាច់។ នេះរួមបញ្ចូលទាំងអាហារពេលល្ងាច និងការមើលភាពយន្តតាមផ្សារទំនើប កាបូបថ្មី សំបុត្រចូលទស្សនាព្រឹត្តិការណ៍កីឡា វិស្សមកាល ឧបករណ៍អេឡិចត្រូនិកចេញថ្មី ជាដើម។ អ្វីទាំងអស់នៅក្នុង “ចំណង់” គឺជាជម្រើសស្រេចចិត្តប្រសិនបើអ្នកចង់។ អ្នកអាចហាត់ប្រាណនៅផ្ទះជំនួសឱ្យការទៅហាត់ប្រាណនៅក្លិបហាត់ប្រាណ ធ្វើម្ហូបនៅផ្ទះជំនួសឱ្យការញ៉ាំអាហារក្រៅ ឬមើលកីឡានៅលើទូរទស្សន៍ជំនួសឱ្យការទទួលសំបុត្រចូលទស្សនាការប្រកួតផ្ទាល់ជាដើម។ ប្រភេទការចំណាយលើចំណង់នេះក៏រួមបញ្ចូលទាំងការសម្រេចចិត្តឡើងសេរី ដូចជាការទិញរថយន្ត Mercedes ជំនួសឱ្យ Honda ឬជ្រើសរើសរវាងមើលទូរទស្សន៍ដោយប្រើអង់តែនដោយឥតគិតថ្លៃឬចំណាយប្រាក់ដើម្បីមើលទូរទស្សន៍ខ្សែកាប។ ជាទូទៅការចង់បានគឺជារបស់បន្ថែមតិចតួចដែលអ្នកចំណាយប្រាក់ ធ្វើឱ្យជីវិតកាន់តែរីករាយនិងកម្សាន្ត ដែលជារួមមកអ្នកគួរតែចំណាយ៣០%នៃចំណូលរបស់អ្នកលើវា។
២០%៖ សន្សំ ៖ អ្នកគួរព្យាយាមបែងចែក ២០%នៃប្រាក់ចំណូលសុទ្ធរបស់អ្នកទៅលើការសន្សំនិងការវិនិយោគ។ នេះរួមបញ្ចូលទាំងការបញ្ចូលប្រាក់ទៅក្នុងប្រាក់សន្សំសម្រាប់គ្រាអាសន្ន គណនីសន្សំក្នុងធនាគារ និងការវិនិយោគនៅក្នុងអចលនទ្រព្យឬទិញភាគហ៊ុនជាដើម។ អ្នកគួរតែមានប្រាក់សន្សំយ៉ាងតិចបីខែ ក្នុងករណីអ្នកបាត់បង់ការងារ ឬព្រឹត្តិការណ៍ដែលមិនបានមើលឃើញទុកជាមុន។ បន្ទាប់ពីនោះផ្តោតលើការចូលនិវត្តន៍និងបំពេញគោលដៅហិរញ្ញវត្ថុផ្សេងទៀត។ បន្ថែមពីនេះ ការសន្សំក៏អាចរួមបញ្ចូលទាំងការសងបំណុលផងដែរ។ ខណៈពេលដែលការទូទាត់បំណុលអប្បបរមាគឺជាផ្នែកមួយនៃប្រភេទ“ តម្រូវការ” ការទូទាត់បន្ថែមណាមួយក្នុងការកាត់បន្ថយប្រាក់ដើមនិងការប្រាក់នាពេលអនាគតនៃបំណុលរបស់អ្នក គឺជាប្រាក់សន្សំ។
ច្បាប់ថវិកា ៥០-២០-៣០ មានគោលបំណងជួយបុគ្គលម្នាក់ៗគ្រប់គ្រងចំណូលក្រោយបង់ពន្ធរបស់ពួកគេជាចម្បងដើម្បីមានប្រាក់សម្រាប់គ្រាអាសន្ន និងសន្សំសម្រាប់ចូលនិវត្តន៍។ គ្រួសារនីមួយៗគួរតែផ្តល់អាទិភាពក្នុងការបង្កើតប្រាក់សន្សំសម្រាប់គ្រាអាសន្ន ក្នុងករណីបាត់បង់ការងារ ការចំណាយពេលឈឺស្កាត់ ឬការចំណាយមិនបានរំពឹងទុកផ្សេងៗទៀត។ ប្រសិនបើប្រាក់សន្សំសម្រាប់គ្រាអាសន្នត្រូវបានប្រើរួច នោះគ្រួសារមួយគួរតែសន្សំប្រាក់មកបំពេញវិញ។
ការសន្សំប្រាក់សម្រាប់ចូលនិវត្តន៍ក៏ជាជំហានសំខាន់ផងដែរ។ គណនាថាតើអ្នកនឹងត្រូវការប្រាក់ប៉ុន្មានសម្រាប់ការចូលនិវត្តន៍ ហើយធ្វើការរកប្រាក់ទៅរកគោលដៅនោះ។ ការចាប់ផ្តើមនៅវ័យក្មេងជាជម្រើសល្អដែលនឹងធានាបាននូវការចូលនិវត្តន៍ប្រកបដោយផាសុកភាព៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កិច្ចពិភាក្សាកម្មវិធីហិរញ្ញវត្ថុ រដូវកាលទី ៣ ក្លាយជាវេទិកាចំណេះដឹងហិរញ្ញវត្ថុសម្រាប់ប្រជាកសិករ
ប្រជាកសិករ នឹងចេះចាត់ចែងលុយកាក់កាន់តែប្រសើរ តាមរយៈកិច្ចពិភាក្សាកម្មវិធីហិរញ្ញវត្ថុ រដូវកាលទី ៣
Account
Security
Favourite Content