សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី CNBC បានរាយករណ៍ថា តម្លៃប្រេងឆៅបានកើនឡើងជិត ១ ភាគរយ បន្ទាប់ពីកំណើនសេដ្ឋកិច្ចរបស់សហរដ្ឋអាម៉េរិកនៅត្រីមាសទី២ បានកើនឡើងខ្លាំងជាងការរំពឹងទុក។
ទន្ទឹមនឹងនេះ តម្លៃប្រេងម៉ាក Brent ឡើងថ្លៃ ០,៨១ ភាគរយ ឬ ៨២,៣៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៩ ភាគរយ ឬ ៧៨,២៨ ដុល្លារក្នុងមួយបារ៉ែល។ កាលពីសប្តាហ៍មុន ស្តុកប្រេងឆៅ និងប្រេងសាំងរបស់សហរដ្ឋអាមេរិកបានធ្លាក់ចុះ ដែលបង្ហាញពីការកើនឡើងនៃតម្រូវការ។ ស្របពេលនេះដែរ ផលិតផលក្នុងស្រុកសរុបនៅសហរដ្ឋអាមេរិកបានកើនឡើងដល់ ២,៨ ភាគរយ ដែលលើសពីការព្យាករណ៍របស់អ្នកសេដ្ឋកិច្ច ២,១ ភាគរយ។
លោក Bob Yawger នាយកប្រតិបត្តិនៃទីផ្សារថាមពលមកពី Mizuho Securities បានលើកឡើងថា ការកើនឡើងផលិតផលក្នុងស្រុកសរុបអាចជំរុញឲ្យអតិផរណាធ្លាក់ចុះ ខណៈពេលដែលសេដ្ឋកិច្ចលូតលាស់ខ្លាំងជាងការរំពឹងទុក ហើយធនាគារកណ្តាលអាម៉េរិកអាចកាត់បន្ថយអត្រាការប្រាក់នៅក្នុងខែកញ្ញាខាងមុខនេះ។ ប្រសិនបើអត្រាការប្រាក់ទាប នោះវានឹងជំរុញឱ្យសកម្មភាពសេដ្ឋកិច្ច អាចបង្កើនការប្រើប្រាស់ប្រេង។
យ៉ាងណាមិញ ទីផ្សារប្រេងបង្ហាញពីសញ្ញាអវិជ្ជមាននៃការជួញដូរ ដោយសារមានការព្រួយបារម្ភអំពីសុខភាពសេដ្ឋកិច្ចរបស់ប្រទេសចិនបន្ទាប់ពីធនាគារកណ្តាលរបស់ប្រទេសនេះបានកាត់បន្ថយអត្រាការប្រាក់២ដងក្នុងមួយសប្តាហ៍។ កាលពីថ្ងៃចន្ទកន្លងទៅនេះ ធនាគារកណ្តាលចិនបានកាត់បន្ថយអត្រាការប្រាក់មិនរំពឹងទុកមួយ បន្ទាប់មកមានការកាត់បន្ថយមួយទៀតគួរឱ្យភ្ញាក់ផ្អើលចំពោះអត្រាការប្រាក់កម្ចីរយៈពេលមធ្យមរបស់ខ្លួននៅថ្ងៃព្រហស្បតិ៍។ លើសពីណេះ រដ្ឋាភិបាលចិនក៏បានប្រកាសពីការជំរុញបន្ថែមទៀត ដើម្បីជំរុញការប្រើប្រាស់ដែលបានចុះខ្សោយ។
លោក Yawger បានបន្ថែមថា វិធានការនៃការផ្លាស់ប្តូរភ្លាមៗរបស់ចិន បានបង្កើនការព្រួយបារម្ភថាតម្រូវការថាមពលអាចនឹងកើនខ្ពស់ជាងការរំពឹងទុក ស្របពេលដែលសហរដ្ឋអាមេរិកត្រៀមនឹងកាត់បន្ថយអត្រាការប្រាក់ដើម្បីទប់ទល់នឹងអតិផរណា ខណៈដែលចិនកំពុងកាត់បន្ថយអត្រាការប្រាក់ដើម្បីជំរុញសេដ្ឋកិច្ច និងទប់ទល់បរិត្តផរណា។ យោងតាមទិន្នន័យគយបានឱ្យដឹងថា ការនាំចូលប្រេងរបស់ចិនបានធ្លាក់ចុះ ១០,៧ ភាគរយនៅខែមិថុនាឆ្នាំនេះ បើប្រៀបធៀបនឹងរយៈពេលដូចគ្នាកាលពីឆ្នាំមុន ខណៈដែលការនាំចូលផលិតផលចម្រាញ់ប្រេងបានធ្លាក់ចុះ ៣២ ភាគរយ៕
Account
Security
Favourite Content