សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ចលនាគាំទ្រផលិតផលខ្មែរ និងផលិតផលក្នុងស្រុក កំពុងកើនឡើងយ៉ាងខ្លាំង។ ក្នុងរយៈពេល៣ថ្ងៃទី ២៦-២៧-២៨ ខែកញ្ញា នៃពិព័រណ៍ផលិតផលខ្មែរ ពលរដ្ឋខ្មែររាប់ម៉ឺននាក់បានសម្រុកមកទិញទំនិញខ្មែរយ៉ាងច្រើនសន្ធឹកសន្ទាប់មិនធ្លាប់មានពីមុនមក។
ក្នុងនោះក៏មានវត្តមាន ជីប ម៉ុង ដែលជាក្រុមហ៊ុនខ្នាតយក្ស វិនិយោគដោយសហគ្រិនខ្មែរ មានចក្ខុវិស័យវែងឆ្ងាយក្នុងការបង្កើតផលិតផលខ្មែរឱ្យកាន់តែសម្បូរបែប និងស្តង់ដារអន្តរជាតិ ដើម្បីបំពេញតម្រូវការប្រជាជនខ្មែរ និងបង្កើនឱកាសការងារដល់កូនខ្មែរនោះ បានចូលរួមក្នុងកម្មវិធីពិព័រណ៍ផលិតផលខ្មែរ ក្រោមប្រធានបទ «ខ្មែរធ្វើបាន៖ ចូលរួម ជំរុញ និងគាំទ្រផលិតផលក្នុងស្រុក»។ នេះបង្ហាញឱ្យឃើញពីឆន្ទៈ ស្មារតី និងទឹកចិត្តសាមគ្គីរបស់ខ្មែរ ដែលជាកម្លាំងជំរុញទឹកចិត្តដ៏សំខាន់បំផុត ដើម្បីចូលរួមជាមួយរាជរដ្ឋាភិបាល និងរួមចំណែកដល់ការបណ្តុះស្មារតីរួបរួមជាធ្លុងមួយរបស់ប្រជាជាតិកម្ពុជា។
ក្នុងវេទិកាពិភាក្សាជុំវិញប្រធានបទ «កម្ពុជា៖ ទឹកដីប្រកបដោយសក្តានុពល និងឱកាស» អ្នកឧកញ៉ា លាង ម៉េង សហស្ថាបនិកក្រុមហ៊ុន ជីប ម៉ុង ដែលជាវាគ្មិនកិត្តិយស បានលើកឡើងពីគម្រោងបណ្តាក់ទុនរបស់ ជីប ម៉ុង ប្រមាណពី ១០០ ទៅ ២០០ លានដុល្លារ ដើម្បីវិនិយោគឱ្យជ្រៅលើវិស័យកសិកម្ម ជាពិសេសលើការកែច្នៃគ្រាប់ធញ្ញជាតិ ដើម្បីបន្តបង្កើតផលិតផលខ្មែរដែលមានគុណភាពខ្ពស់ ស្របតាមតម្រូវការប្រជាជន និងអាចប្រកួតប្រជែងលើទីផ្សារអន្តរជាតិបន្ថែមពីលើសកម្មភាពជំរុញកសិផលខ្មែររបស់ ជីប ម៉ុង ស៊ុបភើម៉ាឃីត កន្លងមក។
លោកអគ្គនាយកបន្តវេន អ៊ឹង វីរៈ នៃក្រុមហ៊ុន ខ្មែរ ប៊ែវើរីជីស បានថ្លែងថា៖
«ខ្ញុំពិតជាមានមោទកភាព ដែលឃើញក្រុមហ៊ុនខ្មែរ ផលិតផលិតផលខ្មែរ ស្នាដៃខ្មែរ ដែលបានចូលរួមតាំងពិព័រណ៍ ជាពិសេសបង្ហាញពីគុណភាព និងចក្ខុវិស័យរបស់ប្រទេសជាតិទៅថ្ងៃអនាគត»។
ការចូលរួមយ៉ាងសកម្មរបស់ក្រុមហ៊ុនជីប ម៉ុង បានបង្ហាញពីការគិតគូរ និងបញ្ជាក់ពីឆន្ទៈមោះមុតក្នុងការ ផលិតផលិតផលខ្មែរស្តង់ដារអន្តរជាតិ និងចូលរួមស្ទើរតែគ្រប់វិស័យនៅកម្ពុជា ដើម្បីឱ្យសេដ្ឋកិច្ចកម្ពុជាអភិវឌ្ឍន៍ឥតឈប់ឈរ៕ ដោយ ញ៉ែម សុផល
Account
Security
Favourite Content