ជីប ម៉ុង គាំទ្រការពង្រីកវិសាលភាពកីឡាជិះសេះនៅកម្ពុជា តាមរយៈការបង្កើតទីលានជិះសេះលំដាប់អន្តរជាតិក្រោមស្ថាបត្យកម្មបែបខ្មែរ

ភ្នំពេញ ៖ ក្រុមហ៊ុន ជីប ម៉ុង គ្រុប បានចូលរួមគាំទ្រយ៉ាងពេញទំហឹងក្នុងការពង្រីកវិសាលភាពកីឡាប្រណាំងសេះនៅកម្ពុជា តាមរយៈការឧបត្ថម្ភនៅក្នុងកម្មវិធីប្រកួត ស្ថាបត្យកម្មនៃទីលានជិះសេះខ្នាតអន្តរជាតិលើកដំបូងនៅកម្ពុជា ដែលមានទំហំផ្ទៃដីជិត ៩ហិកតា ជាមួយសមាសភាពបេក្ខជនដាក់ពាក្យប្រជែងស្នាដៃរហូតដល់ជាង ៦០០នាក់ ដើម្បីរំលេចរូបរាងមជ្ឈមណ្ឌលជិះសេះបែបទំនើប និងបង្ហាញពីអត្តសញ្ញាណខ្មែរមិនធ្លាប់មាន។

ក្រោមមហិច្ឆិតាបង្កើតមជ្ឈមណ្ឌលទីលានជិះសេះលំដាប់អន្តរជាតិនៅកម្ពុជាលើកដំបូង ជាមួយការទម្លាក់ទុនអភិវឌ្ឍន៍រាប់សិបលានដុល្លារពីសំណាក់កូនខ្មែរ នៅលើផ្ទៃដីសរុប ៨.៩ហិកតា ស្ថិតនៅក្បែរអាកាសយានដ្ឋានអន្តរជាតិ តេជោ និងមានចម្ងាយប្រមាណជាង ២០គីឡូម៉ែត្រនៅភាគខាងត្បូងរាជធានីភ្នំពេញ នឹងលេចចេញជារូបរាងយ៉ាងអស្ចារ្យ ក្រោមការរចនាតាមស្ថាបត្យកម្មខ្មែរបែបទំនើប ដែលជាស្នាដៃរបស់បេក្ខជនចុងក្រោយ ទទួលបានជ័យលាភីពីការប្រកួតប្រជែងនៅវគ្គផ្តាច់ព្រ័ត្រ។

លោកស្រី ស៊ុន សីមូនី ជាស្ថាបនិក និងជានាយិកាប្រតិបត្តិនៃ Cambodian Equestrian & Country Club ឬហៅកាត់ថា CECC ជាទីលានជិះសេះថ្មី និងលើកដំបូងនៅកម្ពុជាបានលើកឡើងថា ការជិះសេះ ឬប្រណាំងសេះ ភាគច្រើនជាកីឡាបរទេសនិយម ជាពិសេសនៅប៉ែកអឺរ៉ុប។ ដោយឡែក ពេលនេះ ដោយសារតែមានទឹកចិត្តស្រលាញ់ និងចង់ឱ្យកូនខ្មែរអាចមានលទ្ធភាពគ្រប់គ្រាន់ក្នុងការចូលរួមវិស័យមួយនេះនៅលើឆាកអន្តរជាតិ បានសម្រេចបណ្តាក់ទុនវិនិយោគ និងអភិវឌ្ឍជាទីលានជិះសេះលំដាប់អន្តរជាតិនៅកម្ពុជា ហើយអ្វីដែលជាការគួរឱ្យសម្គាល់នោះ គឺហេដ្ឋារចនាសម្ព័ន្ធនៃទីលាន ត្រូវបានធ្វើឡើងតាមស្ថាបត្យកម្មខ្មែរ ក្រោមស្នាដៃចេញប្លង់មេដោយកូនខ្មែរពិតៗ។

លោកស្រី ស៊ុន សីមូនី ដែលបច្ចុប្បន្នមានតួនាទីជាអគ្គលេខធិការរងនៃសហព័ន្ធកីឡាជិះសេះកម្ពុជា និងជាកីឡាការិនីជម្រើសជាតិកម្ពុជាផងដែរនោះ បានបញ្ជាក់ថា ៖

«កាលពីកុមារភាព ខ្ញុំចូលចិត្តជិះសេះណាស់ ប៉ុន្តែក្រោយមក ខ្ញុំក៏អាក់ខានជិះសេះអស់រយៈពេលជិត ១៥ ឆ្នាំ។ ក្រោយមក នៅពេលខ្ញុំត្រឡប់ទៅ NEW YORK វិញ ខ្ញុំរកបានកន្លែងមួយសម្រាប់ហ្វឹកហាត់ និងចាប់ផ្តើមជិះសេះសាជាថ្មី ហើយមិនយូរប៉ុន្មាន កីឡានេះបានក្លាយជាផ្នែកសំខាន់មួយនៅក្នុងជីវិតខ្ញុំ»។

គោលបំណងចម្បងមួយទៀតពាក់ព័ន្ធទៅនឹងចំណូលចិត្តលើកីឡាជិះសេះ ជាពិសេស ក្រោយពេលក្លាយជាកីឡាការិនីជម្រើសជាតិកម្ពុជា និងជាអគ្គលេខធិការរងនៃសហព័ន្ធកីឡាជិះសេះកម្ពុជាផងដែរនោះ អ្នកជំនាញវ័យក្មេងរូបនេះបានសម្រេចចិត្តយ៉ាងច្បាស់ថា នឹងបង្កើតឱ្យមានទីលានជិះសេះខ្នាតអន្តរជាតិមួយនៅកម្ពុជា ដើម្បីធ្វើយ៉ាងណាអាចបង្កើនសមត្ថភាពកូនខ្មែរផ្សារភ្ជាប់ទៅនឹងព្រឹត្តិការណ៍កីឡាជិះសេះកម្រិតអន្តរជាតិឱ្យខាងតែបាន។

លោក អ៊ឹង វិរៈ អគ្គនាយកបន្តវេននៃក្រុមហ៊ុន ខ្មែរ ប៊ែវើរីជីស (Khmer Beverages) ជាបុត្រសម្ព័ន្ធរបស់ក្រុមហ៊ុន ជីប ម៉ុង (Chip Mong) ដែលជាដៃគូយ៉ាងសំខាន់នៅក្នុងដំណើរការកម្មវិធីប្រកួតស្ថាបត្យកម្មនៃទីលានជិះសេះខ្នាតអន្តរជាតិលើកដំបូងនៅកម្ពុជា បានលើកឡើងថា ការចូលរួមរបស់ក្រុមហ៊ុន ជីប ម៉ុង នៅក្នុងវិស័យកីឡាជិះសេះគ្រាន់តែជាផ្នែកមួយប៉ុណ្ណោះ ប៉ុន្តែអ្វីដែលសំខាន់ គឺ ជីប ម៉ុង មានឆន្ទៈនៅក្នុងការចូលរួមគាំទ្រ និងលើកទឹកចិត្តដល់កូនខ្មែរ ជាពិសេស សិស្ស-និស្សិត ដែលត្រៀមបញ្ចប់ និងបានបញ្ចប់ ជំនាញផ្នែកស្ថាបត្យកម្ម មានឱកាសបង្ហាញពីទេពកោសល្យ និងភាពប៉ិនប្រសប់ក្នុងការរចនាប្លង់ដែលជាស្ថាបត្យកម្មខ្មែរ បែបទំនើប និងមានបង្ហាញពីអត្តសញ្ញាណខ្មែរទៅកាន់ឆាកអន្តរជាតិ។

លោកអគ្គនាយកបន្តវេនវ័យក្មេងរូបនេះបានសង្កត់ធ្ងន់ថា ៖

«មិនមែនត្រឹមតែពេលនេះ ឬពេលណានោះទេ ខ្ញុំនឹងបន្តចូលរួមគាំទ្រនៅក្នុងវិស័យផ្សេងទៀត ជាពិសេសពាក់ព័ន្ធទៅនឹងការបង្ហាញពីសមត្ថភាពកូនខ្មែរ សមិទ្ធផលបង្កើតឡើងដោយកូនខ្មែរ ដែលបញ្ជាក់ពីអត្តសញ្ញាណ និងវប្បធម៌ដ៏ផូរផង់របស់ខ្មែរ។ យើងត្រូវចូលរួមទាំងអស់គ្នា ហើយមើលវិស័យឱ្យវែងឆ្ងាយ។ ខ្ញុំចង់ឃើញនៅថ្ងៃខាងមុខនេះ រាល់សមិទ្ធផលនៃសំណង់អគារនានាប្រមាណ ៩០ភាគរយ គឺជាស្នាដៃរបស់កូនខ្មែរ»។

ដោយឡែក លោក អ៊ុក សេងហាប់ ប្រធានក្រុមហ៊ុន Lay Green ដែលជាសមាភាពចូលរួមគាំទ្រកម្មវិធីប្រកួតស្ថាបត្យកម្មនៃទីលានជិះសេះខ្នាតអន្តរជាតិមួយនេះផងដែរនោះ បានបង្ហាញពីទស្សនទានទៅកាន់បេក្ខភាពទាំង៦០០នាក់ដែលបានដាក់ពាក្យចូលប្រកួតថា ស្ថាបត្យកម្មគឺជាកញ្ចក់ឆ្លុះបញ្ចាំងពីយុគសម័យមួយទៅសម័យមួយ មិនថា សម័យអង្គរ សម័យសង្គមរាស្ត្រនិយម សម័យសម្ដេចតេជោ ឬក្នុងយុគសម័យថ្មីនេះនោះទេ។ ស្ថាបត្យកម្ម មិនបានបង្កើតឡើងដោយការចម្លងពីអតីតកាលនោះទេ ប៉ុន្តែវាធ្វើឱ្យយើងនឹកឃើញអតីតកាល ខណៈពេលដែលវាបង្ហាញផ្លូវទៅកាន់អនាគតថ្មី។

លោកបញ្ជាក់ថា ៖

«អត្តសញ្ញាណខ្មែរ មិនមែនជាអ្វីដែលយើងបន្ថែមលើអគារនោះទេ ប៉ុន្តែគឺជាអ្វីដែលធ្វើឱ្យអគារនោះក្លាយជាស្ថាបត្យកម្មខ្មែរ។ ស្ថាបត្យកម្ម មិនមែនជារឿងដែលបង្កើតបានតែក្នុងមួយជំនាន់នោះទេ។ មនុស្សមួយជំនាន់ចាប់ផ្តើម – ជំនាន់បន្ទាប់បន្ត – ហើយជំនាន់ក្រោយទៀត នឹងបន្តអភិវឌ្ឍ»។

សូមបញ្ជាក់ថា កម្មវិធីប្រកួតស្ថាបត្យកម្មនៃទីលានជិះសេះខ្នាតអន្តរជាតិលើកដំបូងនៅកម្ពុជាបានប្រកាសបើកដំណើរការនាព្រឹកថ្ងៃទី២២ ខែសីហា ឆ្នាំ២០២៦ នៅសាលប្រជុំ Auditorium ក្រុមហ៊ុន ជីប ម៉ុង ក្រោមការចូលរួមពីសំណាក់ថ្នាក់ដឹកនាំកំពូលរបស់ក្រុមហ៊ុនវិនិយោគ ក្រុមហ៊ុនអភិវឌ្ឍន៍ ក្រុមហ៊ុនឧបត្ថម្ភគាំទ្រថវិកាសម្រាប់កម្មវិធីប្រកួត មន្ត្រីតំណាងអគ្គលេខាធិការដ្ឋាន គណៈស្ថាបត្យករកម្ពុជា ប្រធានសមាគមស្ថាបត្យករខ្មែរ ព្រមទាំងសិស្ស-និស្សិត ជំនាញផ្នែកស្ថាបត្យកម្មជាច្រើនរយនាក់។

សម្រាប់ការប្រកួត មានបេក្ខភាពចូលរួមប្រកួតជាង ៦០០នាក់ ស្មើនឹង ២០០ក្រុម ដោយវគ្គទី១ ជម្រុះយក ៣០ក្រុម, នៅវគ្គទី២ ជម្រុះយក ១០ក្រុម ហើយវគ្គទី៣ ផ្តាច់ព្រ័ត្រ ប្រកាសលទ្ធផល និងអ្នកទទួលបានជ័យលាភី នៅថ្ងៃទី ៣១ ខែតុលា ឆ្នាំ២០២៦ ជាមួយរង្វាន់ទឹកប្រាក់ ៥០០០ដុល្លារអាម៉េរិក ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កសិករ ១៦ ០០០គ្រួសារ ក្នុងសហគមន៍កសិកម្មចំនួន ៨៤  នៅខេត្តចំនួន៤ នឹងទទួលបាន គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម ជាហេដ្ឋារចនាសម្ព័ន្ធផលិតកម្ម​ មានតម្លៃជាង ២លានដុល្លារ

Top News, ព្រឹត្តិការណ៍, សេដ្ឋកិច្ច

• 22/11/2026

សៀមរាប ៖ ប្រជាកសិករចំនួន ១៦ ០០០គ្រួសារ ក្នុងសហគមន៍កសិកម្មចំនួន៨៤ នៅខេត្តចំនួន៤ រួមមាន ខេត្តកំពង់ធំ ព្រះវិហារ ឧត្តរមានជ័យ និងខេត្តសៀមរាប នឹងទទួលបានការគាំទ្រនូវហេដ្ឋារចនាសម្ព័ន្ធផលិតកម្ម រួមមាន ផ្ទះសំណាញ់  គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម

វេទិកា​ ​Made ​in ​Cambodia ​បើក​ទំព័រ​ថ្មី​សម្រាប់​ផលិតករ​ខ្មែរ ​​ពង្រឹង​គុណភាព​ ​និង​បង្កើន​ឱកាស​ទីផ្សារ

ព្រឹត្តិការណ៍, សេដ្ឋកិច្ច

• 22/11/2026

​ភា​មុខរបរ ​និង​មីក្រូសហគ្រាស​កម្ពុជា​ ​បាន​បើក​ដំណើរការ​វេទិកា​គាំទ្រ​ផលិតផល​ខ្មែរ​ ​(​Khmer ​Product ​Support ​Forum ​–​ ​Made ​in ​Cambodia​)​ ស៊េរី​ឆ្នាំ​២០២៦​-​២៧ ​ដោយ​ផ្តោត​លើ​ការ​ពង្រឹង​សមត្ថភាព​ផលិតករ​ក្នុង​ស្រុក​ ​លើកកម្ពស់​គុណភាព​ផលិតផល​ ​និង​ពង្រីក​ឱកាស​ទីផ្សារ​ទាំង​ក្នុង​ប្រទេស​ ​និង​អន្តរជាតិ​

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង


Leave a Reply

Your email address will not be published.Required fields are marked *