សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ សម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាបានបង្ហើបប្រាប់ពីគម្រោងកម្ពុជាកំពុងសិក្សាទៅលើលទ្ធភាពសាងសង់ផ្លូវដែកល្បឿនលឿនដើម្បីតភ្ជាប់ពីទីក្រុងភ្នំពេញ ទៅកាន់ខេត្តព្រះសីហនុ និងព្រះខេត្តព្រះសីហនុទៅកាន់ខេត្តជាប់ព្រំដែន។ ការថ្លែងរបស់សម្ដេចនេះធ្វើឡើងនាឱកាសពិធីសម្ពោធដាក់ឲ្យប្រើប្រាស់ផ្លូវលេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ។
ក្នុងឱកាសដដែលនេះ សម្ដេចបានថ្លែងថា បើសិនជាកម្ពុជាសម្រេចចិត្តថានឹងធ្វើផ្លូវដែកល្បឿនលឿននេះឡើងពិតមែន គឺមិនចំណាយពេលច្រើនពេកទេ ដោយសារតែកម្ពុជាមានផ្លូវដែកចាស់រួចស្រាប់ ដែលស្ថានភាពផ្លូវដែកចាស់នេះ សម្ដេចបានបញ្ជាក់ថា មិនអាចបម្រើឱ្យវិស័យសេដ្ឋកិច្ចបានទេ។
សម្ដេចបានគូសបញ្ជាក់ទៀតថា ៖
“ក្រៅពីនោះ យើងអាចមានផ្លូវដែកល្បឿនលឿននៅកន្លែងដទៃទៀត យើងត្រូវខិតខំធ្វើអំពីបញ្ហានេះ តភ្ជាប់ផ្ទៃក្នុងយើងឱ្យរឹងមុំាដើម្បីបម្រើឱ្យការអភិវឌ្ឍសេដ្ឋកិច្ចសង្គម កាត់បន្ថយការលំបាករបស់ប្រជាពលរដ្ឋ ហើយការលំបាករបស់ប្រជាជននេះគឺចង់សំដៅថាចង់កាត់បន្ថយភាពក្រីក្រក្នុងចំណោមប្រជាជន និងបង្កើនប្រាក់ចំណូលសម្រាប់ប្រជាជនកម្ពុជា”
គួរបញ្ជាក់ថា ប្រទេសកម្ពុជាយើងមានផ្លូវដែក ៣ខ្សែរួមមាន៖
- ខ្សែទី១ ភ្នំពេញ-អូរជ្រៅ(ប៉ោយប៉ែត)ជាប់ព្រំដែនប្រទេសថៃ៖ មានប្រវែង ៣៨៦គ.ម ត្រូវបានសាងសង់ឡើងពីឆ្នាំ១៩២៩ ដល់ឆ្នាំ១៩៤២ ។ ផ្លូវដែកនេះ ត្រូវបានបើកឱ្យដំណើរការឡើងវិញបណ្តោះអាសន្នកាលពីថ្ងៃទី៤ ខែកក្កដា ឆ្នាំ២០១៨ ។
- ខ្សែទី២ ភ្នំពេញ-ព្រះសីហនុ(កំពង់ផែសមុទ្រ)៖ ឆ្លងកាត់ខេត្តកំពតមានប្រវែងសរុប ២៦៦ គីឡូម៉ែត្រ ត្រូវបានសាងសង់ពីឆ្នាំ១៩៦០ ដល់ឆ្នាំ១៩៦៩ ។ ផ្លូវដែកនេះ ត្រូវបានបើកឱ្យដំណើរការឡើងវិញ កាលពីថ្ងៃទី៩ ខែមេសា ឆ្នាំ២០១៦ ។
- ខ្សែទី៣ ស្ថានីយភ្នំពេញ-ព្រលានយន្តហោះអន្តរជាតិភ្នំពេញ៖ មានប្រវែងសរុប ១០គីឡូម៉ែត្រ ត្រូវបានបើកឱ្យដំណើរការកាលពីថ្ងៃទី១០ ខែមេសា ឆ្នាំ២០១៨ ។ ដែលផ្លូវទាំង៣ខ្សែនេះនៅមិនទាន់មានលក្ខណៈទំនើបនៅឡើយ៕
Account
Security
Favourite Content