សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានបរទេសមួយបានរាយការណ៍ថា តម្លៃប្រេងនៅអាមេរិកបានបន្តឡើងថ្លៃ បន្ទាប់ពីស្តុកប្រេងឆៅរបស់សហរដ្ឋអាមេរិកបានថយចុះប្រហែល ៣,១ លានបារ៉ែល។
ប្រេងឆៅរបស់ក្រុមហ៊ុន Brent បានបន្តឡើងថ្លៃ ១,១៥ ភាគរយ ឬ ស្មើរនឹង ៨០,៩២ ដុល្លារក្នុងមួយបារ៉ែល ចំណែកឯប្រេងឆៅរបស់ក្រុមហ៊ុន West Texas Intermediate (WTI) បានឡើងថ្លៃ ១,០៥ ភាគរយ ឬ ស្មើរនឹង ៧៧,០៣ ដុល្លារក្នុងមួយបារ៉ែល។ ម៉ាកប្រេងឆៅរបស់អាមេរិកដ៏ល្បីទាំងពីរនេះបានបន្តឡើងថ្លៃជាង ២ ដុល្លារបន្ថែមទៀត។ ការឡើងថ្លៃនេះក៏ត្រូវបានជំរុញដោយសារវិធានការអង្គការ OPEC+ ក្នុងការកាត់ន្ថយទិន្នផលបេ្រងផងដែរ ហើយ OPEC+ ទំនងនៅតែបន្តអនុវត្តវិធានការដ៏តឹងតែងនេះ។
គិតត្រឹមថ្ងៃព្រហស្បតិ៍ សប្ដាហ៍កន្លងទៅនេះ តម្លៃប្រេងបានកើនឡើងក្នុងរយៈពេល ៤ ថ្ងៃជាប់គ្នា រួមទាំងប្រេងឆៅ ប្រេងឥន្ធនៈ ប្រេងសាំង និង ស្តុកប្រេងរបស់សហរដ្ឋអាមេរិកត្រូវបានគេមើលឃើញកំពុងនៅក្នុងស្ថានភាពដ៏តឹងតែងមួយ។ ស្របពេលដែលមានព្រិលធ្លាក់ខ្លាំងនៅអាមេរិកឥឡូវនេះ បានធ្វើឱ្យកំណើននៃតម្រូវការប្រេងនៅសហរដ្ឋអាមេរិកមានការកើនឡើង។ នេះគឺជាបញ្ហាធំមួយដែលត្រូវបានគេព្យាករណ៍ថា អាមេរិកនឹងពន្យារពេលជើងហោះហើរ ។
ការឡើងថ្លៃតម្លៃប្រេងរបស់អាមេរិកបានបង្កជាការព្រួយបារម្ភដល់ចិនផងដែរ ស្របពេលដែលចិនកំពុងប្រឈមមុខនឹងការរីករាលដាលនៃករណីឆ្លងកូវីដ-១៩។ ចិនចាប់ផ្តើមបន្ធូរបន្ថយគោលនយោបាយគ្មានកូវីដរបស់ខ្លួនដោយបានរក្សាតម្លៃប្រេងមិនឱ្យឡើងថ្លៃ។ កាលពីខែវិច្ឆិកាកន្លងទៅនេះ ការនាំចូលប្រេងឆៅពីរុស្ស៊ីមកកាន់ចិនបានកើនឡើង ១៧ ភាគរយ ហើយក្រុមហ៊ុនចម្រាញ់ប្រេងរបស់ចិនបានប្រញាប់ប្រញាល់ធានាផលិតផលប្រេងបន្ថែមទៀតមុនពេលក្រុមប្រទេស G7 និង សហភាពអឺរ៉ុបកំណត់តម្លៃប្រេង។ នៅក្នុងឆ្នាំនេះ ការនាំចេញប្រេងរបស់រុស្ស៊ីបានធ្លាក់ចុះ ដោយសារការដាក់ទណ្ឌកម្មរបស់សហភាពអឺរ៉ុប ដែលធ្វើឱ្យប្រទេសទាំងនោះងាកទៅរកអ្នកផ្គត់ផ្គង់ផ្សេងៗទៀតដូចជា អាមេរិក ជាដើម។ ទោះជាយ៉ាណាក្តី តម្លៃបេ្រង ឬ ថាមពលរបស់អាមេរិកមានតម្លៃថ្លៃជាងរុស្ស៊ី ដែលរឹតតែធ្វើឱ្យប្រទេសទាំងនោះអាចធ្លាក់ចូលក្នុងវិបត្តិសេដ្ធកិច្ច៕
Account
Security
Favourite Content