គម្រោងផ្លាស់ប្តូរទៅថាមពលពន្លឺព្រះអាទិត្យ (SWITCH To Solar) ឆ្លុះបញ្ចាំងពីសហគ្រិនថាមពលស្អាតនៅកម្ពុជា

ភ្នំពេញ ៖ ការផ្លាស់ប្ដូរពីប្រតិបត្តិការអាជីវកម្មក្នុងវិស័យវិស័យផ្សេងពីថាមពលអគ្គិសនីទៅជាថាមពលស្អាត ឬថាមពលពន្ឡឺព្រះអាទិត្យ គឺជាទំនោរថ្មីនៃអាជីវកម្មវៃឆ្លាត។ ជាក់ស្ដែង អ្នកស្រី វ៉ន ចាន់រស្មី នាយកប្រតិបត្តិ និងស្ថាបនិកក្រុមហ៊ុន អ៊ីជីអ៊ី ខេមបូឌា (EGE Cambodia) បានចាប់ផ្តើមប្តូរមកវិស័យថាមពលពន្លឺព្រះអាទិត្យចាប់តាំងពីឆ្នាំ២០១៩។

ផ្ដើមពីការចាប់អារម្មណ៍លើឱកាសអាជីវកម្ម បានក្លាយទៅជាចំណង់ចំណូលចិត្តក្នុងការអភិវឌ្ឍដំណោះស្រាយបច្ចេកវិទ្យាថាមពលស្អាតដើម្បីគាំទ្រទីផ្សារកសិវារីវប្បកម្មសម្រាប់សហគមន៍ជនបទ។

អ្នកស្រី វ៉ន ចាន់រស្មី បានលើកឡើងថា ៖ ការអភិវឌ្ឍដំណោះស្រាយថាមពលប្រកបដោយនិរន្តរភាព គឺចាំបាច់ដើម្បីជួយគាំទ្រដល់សហគមន៍ និងលើកកម្ពស់ជីវភាពរស់នៅរបស់ពួកគេ។ ចក្ខុវិស័យនេះត្រូវបានសាបព្រួសតាមរយៈកម្មវិធីអាជីវកម្មចាប់ផ្ដើមផ្លាស់ប្ដូរទៅកាន់ថាមពលព្រះអាទិត្យ (SWITCH to Solar Startup Program)។ កម្មវិធីសហគ្រិនភាពបច្ចេកវិទ្យាថាមពលស្អាតនេះត្រូវបានអនុវត្តដោយដៃគូសហការគម្រោងដែលរួមមានអង្គការអេននឺជីឡេប (EnergyLab), អង្គការ ភីផលអិននិត (People In Need) និង ក្រុមហ៊ុនសិវែ (Sevea Consulting)។

អង្គការ អេននឺជីឡេប បានចាប់ផ្ដើមអនុវត្តកម្មវិធីអាជីវកម្មចាប់ផ្ដើមផ្លាស់ប្ដូរទៅកាន់ថាមពលព្រះអាទិត្យ តាមរយៈការរៀបចំកម្មវិធីបណ្ដុះគំនិតអាជីវកម្ម (Hackathons) ជាបន្តបន្ទាប់ដើម្បីកំណត់ដំណោះស្រាយបច្ចេកវិទ្យាថាមពលពន្លឺព្រះអាទិត្យសម្រាប់ជួយដល់វិស័យកសិវារីវប្បកម្ម។ ដោយធ្វើការជាមួយអ្នកទីប្រឹក្សាក្នុងស្រុក និងក្រៅស្រុក គម្រោងបានបន្តការបណ្តុះគំនិតអាជីវកម្មតាមរយៈសកម្មភាពផ្សេងៗដូចជាការបំផុសគំនិត ការអនុវត្ត និងវគ្គពន្លឿនអាជីវកម្មជាបន្តបន្ទាប់ដើម្បីពង្រឹងចំណេះដឹងផ្នែកសហគ្រិនភាពសម្រាប់ដំណោះស្រាយក្នុងវិស័យថាមពលស្អាតនៅកម្ពុជា។

ខិតជិតមកដល់ការបញ្ចប់គម្រោង អ្នកចូលរួមជាង២០០ នាក់ ដោយក្នុងនោះមានស្រ្តីជាង៣៥% ត្រូវបានផ្តល់ឱកាសក្នុងការស្វែងរកគំនិតអាជីវកម្មលើវិស័យថាមពលស្អាត។ ធុរកិច្ចថ្មីចំនួន ២០ក្រុម បានចូលប្រលូកក្នុងទីផ្សារជាមួយនឹងវិធីសាស្រ្តច្នៃប្រឌិតរបស់ពួកគេលើការប្រើប្រាស់ថាមពលស្អាតនៅក្នុងវិស័យកសិវារីវប្បកម្ម។

លោក គៀត សាវរី ស្ថាបនិកដំរីបូមទឹក (Elephant Pump) ដែលជាធុរកិច្ចថ្មីលក់ម៉ាស៊ីនបូមទឹកដើរដោយថាមពលពន្លឺព្រះអាទិត្យ បានឲ្យដឹងថា ភាពជោគជ័យរបស់អាជីវកម្មលោកគឺអាចកើតមានឡើងក៏ដោយសារការចូលរួមជាមួយគម្រោង។

លោក សាវរី បានបន្តថា ៖ «ការចូលរួមកម្មវិធីនេះ មិនត្រឹមតែផ្តល់ឲ្យខ្ញុំនូវចំណេះដឹងផ្នែកឧស្សាហកម្មថាមពលស្អាត និងជំនាញសំខាន់ៗប៉ុណ្ណោះទេ ប៉ុន្តែក៏បានភ្ជាប់ខ្ញុំជាមួយនឹងបុគ្គលដែលមានគំនិតដូចគ្នា។​ គម្រោង​ក៏បាន​ជួយ​ខ្ញុំ​បង្កើតគំនិត​អាជីវកម្ម​ដ៏រឹងមាំមួយដែលអាចចូលប្រលូកក្នុងទីផ្សារ និងទទួលបានធនធានផ្សេងៗទៀតផងដែរ​។»

បើទោះបីជាគម្រោងនេះខិតជិតមកដល់ការបញ្ចប់ក៏ពិតមែន ក៏ប៉ុន្តែឱកាសក្នុងការអភិវឌ្ឍបចេ្ចកវិទ្យាថាមពលស្អាតសម្រាប់សហគ្រិនគឺនៅតែបន្ត។  អង្គការអេននឺជីឡេប នឹងបន្តធ្វើការជាមួយដៃគូ ដើម្បីគាំទ្រអ្នកដែលមានទេពកោសល្យ និងគំនិតនវានុវត្តថ្មីៗ។

គូសបញ្ជាក់អំពីសារៈសំខាន់នៃគម្រោង លោក Ian Jones គ្រូណែនាំសម្រាប់គម្រោង កម្មវិធីអាជីវកម្មចាប់ផ្ដើមផ្លាស់ប្ដូរ ទៅកាន់ថាមពលព្រះអាទិត្យ បានលើកឡើងថា ៖ កម្មវិធីនេះត្រូវបានរចនាឡើងក្នុងគោលបំណងកំណត់តម្រូវការរបស់ធុរកិច្ចដោយសង្កត់ធ្ងន់ទៅលើការលើកកម្ពស់ការសម្រេចចិត្តដែលត្រឹមត្រូវ និងការសន្មត់ដែលសមហេតុផល។ សហគ្រិនមានភាពប្រសើរឡើងគួរឱ្យកត់សម្គាល់ក្នុងការរៀបចំយុទ្ធសាស្ត្រអាជីវកម្ម ប្រតិបត្តិការអាជីវកម្ម និងការផ្លាស់ប្ដូរផ្នត់គំនិតបន្ទាប់ពីបានចូលរួមនៅក្នុងគម្រោងនេះ។ ដូច្នេះហើយ វាមានសារៈសំខាន់ណាស់ក្នុងការធ្វើឱ្យធុរកិច្ចថ្មីមាននិរន្តរភាព និងមានសមត្ថភាពសម្របខ្លួនឯងទៅនឹងការផ្លាស់ប្តូរនៅក្នុងបរិយាកាសទីផ្សារ។

ដើម្បីកម្ពុជាត្រៀមខ្លួនឈានដល់អន្តរកាលថាមពល យើងកំពុងរៀបចំផែនការសម្រាប់ដំណាក់កាលបន្ទាប់នៃសហគ្រិនភាពក្នុងបច្ចេកវិទ្យាថាមពលស្អាត។

លោកបណ្ឌិត  Michael Renfrew ប្រធានផ្នែកប្រតិបត្តិ និងកម្មវិធី​របស់អង្គការអេននឺជីឡេប ៖ «ពិភពលោកកំពុងផ្លាស់ប្តូរពីការប្រើប្រាស់ឥន្ធនៈហ្វូស៊ីល ដូច្នេះវាមានសារៈសំខាន់ណាស់ដែលយើងអភិវឌ្ឍធនធានមនុស្ស និងអាជីវកម្មដើម្បីជួយជំរុញការផ្លាស់ប្តូរទៅថាមពលស្អាតនៅក្នុងប្រទេសកម្ពុជា»។

លោក ណត្តារុណ ង៉ោ សឺន នាយក​ប្រចាំ​ប្រទេស​របស់អង្គការអេននឺជីឡេប បានគូសបញ្ជាក់ថា ៖ «យើងបានឃើញពីវឌ្ឍនភាពសំខាន់ៗក្នុងការអនុវត្តបច្ចេកវិទ្យាថាមពលកកើតឡើងវិញនៅក្នុងវិស័យកសិវារីវប្បកម្ម តាមរយៈកម្មវិធីអាជីវកម្មចាប់ផ្ដើមផ្លាស់ប្ដូរ ទៅកាន់ថាមពលព្រះអាទិត្យ។ ជាមួយនឹងកំណើនសក្ដានុពលនៃទីផ្សារបច្ចេកវិទ្យាថាមពលស្អាតរបស់កម្ពុជា យើងគួរផ្តោតសំខាន់លើដំណាក់កាលបន្ទាប់នៃការអភិវឌ្ឍសហគ្រិន»។

លោកបន្តថា ៖ «ច្រើនជាង៧០% នៃគម្រោងអភិវឌ្ឍន៍ធុរកិច្ចថ្មី នៅតែមានភាពសកម្មខ្លាំងក្នុងទីផ្សារនាពេលបច្ចុប្បន្ននេះ។ អង្គការអេននឺជីឡេប នៅតែប្តេជ្ញាចិត្តក្នុងការជួយដល់ការពន្លឿនភាពជាសហគ្រិននៅក្នុងវិស័យថាមពលស្អាតរបស់កម្ពុជា។ យើងសូមអំពាវនាវដល់ដៃគូរបស់យើងឱ្យរួមដៃគ្នាក្នុងការជំរុញឱ្យមានការទទួលយកកាន់តែទូលំទូលាយនៃបច្ចេកវិទ្យាថាមពលស្អាត និងថាមពលកកើតឡើងវិញ»។

ចូលអានករណីសិក្សារបស់គម្រោងរបស់យើង ហើយទាក់ទងមកពួកយើងសម្រាប់ការសាកសួរបន្ថែម ឬឱកាសភាពជាដៃគូ៖ S2S Startups Case Study24.pdf


អំពីកម្មវិធីអាជីវកម្មចាប់ផ្ដើមផ្លាស់ប្ដូរទៅកាន់ថាមពលព្រះអាទិត្យ

គម្រោងផ្លាស់ប្តូរទៅថាមពលពន្លឺព្រះអាទិត្យ  គឺជាគម្រោងរយៈពេល ៤ ឆ្នាំដែលផ្តល់មូលនិធិពីសហភាពអ៊ឺរ៉ុបតាមរយៈកម្មវិធី SWITCH-Asia និងសាធារណរដ្ឋឆែក ដែលអនុវត្តដោយ People In Need ជាមួយនឹងដៃគូ EnergyLab និង Sevea ។ គម្រោងបានដំណើរការនៅឆ្នាំ ២០២០ ដោយមានគោលបំណងលើកកម្ពស់ការអនុវត្តការប្រើប្រាស់ប្រកបដោយនិរន្តរភាព (SCP) ក្នុងចំណោមសហគ្រាសធុនតូច ខ្នាតតូច និងមធ្យម (MSMEs) តាមរយៈការបង្កើនលទ្ធភាពទទួលបានដំណោះស្រាយថាមពលពន្លឺព្រះអាទិត្យ និងហិរញ្ញប្បទាន។ អង្គការអេននឺជីឡេប កំពុងធ្វើការលើកម្ម្មវិធីអាជីវកម្មចាប់ផ្ដើមផ្លាស់ប្ដូរទៅកាន់ថាមពលព្រះអាទិត្យ ដែលជាផ្នែកមួយនៃគម្រោងផ្លាស់ប្តូរទៅថាមពលពន្លឺព្រះអាទិត្យ ដែលអភិវឌ្ឍបច្ចេកវិទ្យាថាមពលពន្លឺព្រះអាទិត្យសម្រាប់ទីផ្សារកសិវារីវប្បកម្ម។

គម្រោងនេះ ក៏បានចាប់ដៃគូជាមួយសហគ្រិនខ្មែរ (Khmer Enterprise)  ដើម្បីទទួលបាននូវមូលនិធិដើមទុន ដើម្បីគាំទ្រដល់ការចាប់ផ្ដើមអាជីវកម្មជាមួយនឹងការចំណាយលើផលិតផលគំរូ ការធ្វើទីផ្សារ និងការចំណាយផ្សេងៗទៀត។

អំពី អង្គការអេននឺជីឡេប

អង្គការអេននឺជីឡេប បង្កើតឡើងក្នុងឆ្នាំ២០១៨ ដែលគឺជាអង្គការមិនស្វែងរកប្រាក់ចំណេញ ដែលធ្វើការប្រកបដោយភាពច្នៃប្រឌិត និងប្រសិទ្ធភាពដើម្បីគាំទ្រដល់វឌ្ឍភាពនៃថាមពលស្អាត។ ចាប់តាំងពីការបង្កើតមក យើងត្រូវបានទទួលស្គាល់ដោយដៃគូរបស់យើងថាមានភាពឯករាជ្យ ចំណេះដឹង និងធនធាន ជាមួយនឹងរបៀបវារៈប្រកបដោយតម្លាភាពដើម្បីគាំទ្រថាមពលស្អាត។

អាសយដ្ឋាន:  G1101, GIA Tower, Sopheak Mongkul Street, Koh Pich City, Sangkat Tonle Bassac, Khan Chamkamorn, Phnom Penh, Cambodia

គេហទំព័រ: https://energylab.asia/

សម្រាប់ការសាកសួរព័ត៌មាន សូមទាក់ទង


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់