សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ អាចនិយាយបានថាជាការធ្វើពិពិធកម្មលើអាជីវកម្មជាលក្ខណៈគ្រួសារដោយការលក់ត្រីស្រស់ៗ ទៅជាអ្នកកែច្នៃត្រីងៀត ឬត្រីស្ងួត រហូតបង្កើតបានជាសិប្បកម្មខ្នាតតូចដែលអាចរកបានចំណូលបានច្រើនជាងមុនបន្ទាប់ពីមានការគាំទ្រយ៉ាងច្រើនពីសំណាក់អតិថិជននៅក្នុងតំបន់ ក៏ដូចជានៅតាមបណ្តាខេត្តក្រុងផ្សេងៗផងដែរ។
អ្នកស្រី ធឿន ស្រីនី ជាម្ចាស់សិប្បកម្មកែច្នៃត្រីងៀតស្ថិតនៅភូមិថ្មី ឃុំសូទិព្វ ស្រុកជើងព្រៃ ខេត្តកំពង់ចាម បានប្រាប់ភ្នាក់ងារ AMS ឱ្យដឹងថាកាលពីដើមឡើយអ្នកស្រីគ្រាន់តែជាអាជីវករទិញលក់ត្រីស្រស់តែប៉ុណ្ណោះ ប៉ុន្តែដោយសារតែមានពេលខ្លះត្រូវប្រឈមនឹងការខាតបង់ព្រោះលក់មិនអស់គ្មានអ្នកទិញ ត្រីស្រស់ប្រែជាស្អុយ គ្មានតម្រូវការ។ ក្រោយមកក៏មានគំនិតយកត្រីស្រស់ច្នៃធ្វើជាត្រីស្ងួត ឬត្រីងៀត ដាក់លក់តាមទីផ្សារនៅក្នុងតំបន់ ហើយក៏ទទួលបានការគាំទ្រច្រើន និងទទួលបានចំណូលប្រាក់ចំណេញច្រើនជាងមុន។
អ្នកស្រីបញ្ជាក់ថា ៖
“ខ្ញុំបានចាប់ផ្ដើមកែច្នៃត្រីងៀតនេះជាង១០ឆ្នាំហើយ ដោយសារមើលឃើញពីតម្រូវការទីផ្សាររបស់ត្រីងៀតនេះល្អ មានអតិថិជនគាំទ្រច្រើន ហើយបើទោះជាលក់មិនដាច់ច្រើន ក៏មិនប្រឈមទៅនឹងការខាតបង់ច្រើននោះដែរ ព្រោះត្រីងៀតយើងអាចរក្សាទុកបានយូរជាងត្រីស្រស់”
ម្ចាស់សិប្បកម្មរូបនេះបន្ថែមថា ៖
“បច្ចុប្បន្ន សិប្បកម្មរបស់យើងខ្ញុំ មានកែច្នៃត្រីងៀតចំនួន៤ប្រភេទ រួមមាន ងៀតត្រីឆ្ដោ ត្រីរ៉ស់ ត្រីអណ្ដែង និងត្រីប្រា មានគ្រប់រសជាតិទៅតាមចំណង់ចំណូលចិត្តអតិថិជនដែលគាត់កម្ម៉ង់។ ដោយឡែករសជាតិដែលជាលក្ខណៈពិសេសរបស់សិប្បកម្ម គឺមានច្រើន ដូចជា រសជាតិប្រៃផ្អែម ហឹរ ប្រៃផ្អែម និងប្រៃល្មម ដែលធ្វើឡើងចំពោះត្រីងៀតប្រភេទត្រីរ៉ស់ និងត្រីឆ្ដោ”
ក្រៅពីនេះ អ្នកស្រីក៏មានកែច្នៃងៀតត្រីប្រា រសជាតិប្រៃផ្អែមហឹរ ត្រីប្រាហើម និងផ្អកត្រីប្រា ហើយចំពោះត្រីអណ្ដែងទៀតសោតក៏មានងៀតត្រីអណ្ដែងរសជាតិប្រៃផ្អែម ប្រៃផ្អែមហឹរ ក៏ដូចជាត្រីឆ្អើរ ដែលអ្នកស្រីទើបតែកែច្នៃ និងដាក់លក់លើទីផ្សារផងដែរ។
សម្រាប់ការសង្វាក់ផលិតកម្មនៃការផលិតវិញ ត្រូវបានអ្នកស្រីបង្ហើបឱ្យដឹងដែរថា ជាប្រចាំថ្ងៃសិប្បកម្មមួយនេះផលិតក្នុងបរិមាណតិចតួចប៉ុណ្ណោះសម្រាប់ផ្គត់ផ្គង់ទីផ្សារក្នុងតំបន់ ប៉ុន្តែនៅពេលដែលមានអតិថិជន ឬអាជីវករដែលទិញយកទៅលក់បន្តកម្ម៉ង់ច្រើនទើបបង្កើនការផលិត។ ដោយឡែកចំពោះតម្លៃលក់នៅលើទីផ្សារគឺមានការបែងចែកខុសគ្នារវាងអតិថិជនដែលទិញយកទៅបរិភោគផ្ទាល់ និងអាជីវករដែលទិញយកទៅលក់បន្តយកចំណេញ ហើយក៏អាស្រ័យទៅតាមប្រភេទត្រីផងដែរ។ សម្រាប់ការលក់រាយប្រភេទត្រីងៀត (ត្រីឆ្ដោ) មានតម្លៃ ៦៥ ០០០រៀលក្នុងមួយគីឡូក្រាម ត្រីងៀត (ត្រីរ៉ស់) លក់ក្នុងតម្លៃ ៥៥ ០០០រៀលក្នុងមួយគីឡូក្រាម ហើយចំពោះត្រីអណ្ដែង និងត្រីប្រា លក់ក្នុងតម្លៃចន្លោះពី ៣០ ០០០-៣៥ ០០០ រៀលក្នុងមួយគីឡូក្រាម។
អ្នកស្រីបានបញ្ជាក់ថា ៖
“សម្រាប់អតិថិជនគោលដៅរបស់យើងភាគច្រើន គឺអាជីវករនៅក្នុងផ្សារស្គន់ ក៏ដូចជាបោះដុំទៅតាមផ្សារទំនើបនៅរាជធានីភ្នំពេញផងដែរ ហើយក្រៅពីនេះក៏មានអាជីវករតាមបណ្តាខេត្តនានា ដែលតែងតែទិញយកទៅចែកចាយបន្តទៅកាន់ដល់អ្នកដែលនិយមចូលចិត្តបរិភោគអាហារក្រៀមប្រភេទងៀតនេះផងដែរ”
ពាក់ព័ន្ធទៅនឹងបច្ចេកទេសនៃការផលិតត្រូវបានអ្នកស្រី ធឿន ស្រីនី ម្ចាស់សិប្បកម្មកែច្នៃត្រីងៀតខាងលើនេះបានប្រាប់ឱ្យដឹងថា ដើម្បីផលិតនិងកែច្នៃត្រីងៀតបាន គឺត្រូវធ្វើឡើងជាច្រើនដំណាក់កាល រាប់តាំងពីការទៅមើលស្រះចិញ្ចឹមត្រី ថាតើគុណភាពទឹក និងសុខភាពត្រីមានសភាពបែបណា ការចាប់ត្រីស្របតាមពេលវេលាកំណត់ រហូតឈានដល់ដំណាក់កាលជ្រើសរើសត្រីយកមកវះ លាងសម្អាត និងបច្ចេកទេសប្រឡាក់គ្រឿងផ្សំកែច្នៃតាមរសជាតិ។
យ៉ាងណាមិញ ទោះបីការប្រកួតប្រជែងទីផ្សារច្រើនក៏ដោយ តែអ្នកស្រីមានបំណងចង់ពង្រីកសិប្បកម្មនេះឱ្យធំជាងពេលបច្ចុប្បន្ន និងធ្វើជាសហគមន៍ត្រីងៀតដែលសម្គាល់ពីភូមិសាស្ត្ររបស់ខ្លួន រួមជាមួយនឹងការផលិតជាប្រភេទ ត្រីប្រហុក ផ្អក ដែលជាអាហារប្រជាជនខ្មែរនិយមទទួលទាន និងអាចរក្សាទុកបានយូរ។ ម៉្យាងទៀត តាមរយៈសកម្មភាពទាំងនេះ ក៏អាចជួយលើកកម្ពស់សេដ្ឋកិច្ចសហគមន៍តាមរយៈការផ្តល់ការងារ ហើយមួយចំណែកទៀតគឺអាចជួយរកទីផ្សារដល់អ្នកចិញ្ចឹមត្រីក្នុងវិស័យវារីវប្បកម្មផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សម្ដេចធិបតី ហ៊ុន ម៉ាណែត ៖ កម្ពុជា មិនអនុញ្ញាតឱ្យមានរោងចក្រផលិតបារីអេឡិចត្រូនិកឡើយ បើទោះបីក្នុងគោលដៅនាំចេញក៏ដោយ
Top News, ព្រឹត្តិការណ៍, សេដ្ឋកិច្ច
• 07/10/2026
កម្ពុជា មិនអនុញ្ញាតឱ្យមានរោងចក្រផលិតបារីអេឡិកត្រូនិកឡើយ
អបអរសាទរ សាខាទាំង ១៦ អតីតសាខារបស់ គ្រឹះស្ថានមីក្រូហិរញ្ញវត្ថុ ហ្វូណន ទទួលបានការអនុម័តពីធនាគារជាតិ នៃកម្ពុជា បំប្លែងទៅជាសាខារបស់ ធនាគារ ប្រៃសណីយ៍កម្ពុជា ក.អ
ព្រឹត្តិការណ៍, អត្ថបទពាណិជ្ជកម្ម
• 07/10/2026
អបអរសាទរ សាខាទាំង ១៦ អតីតជាសាខារបស់គ្រឹះស្ថានមីក្រូហិរញ្ញវត្ថុ ហ្វូណន ដែលទទួលបានការអនុម័តពីធនាគារជាតិនៃកម្ពុជា បំប្លែងទៅជាសាខារបស់ធនាគារ ប្រៃសណីយ៍កម្ពុជា ក.អ ដែលត្រូវបានសម្ពោធដាក់ឱ្យដំណើរការជាផ្លូវការព្រមគ្នាក្នុងថ្ងៃតែមួយ នាថ្ងៃទី០៥ ខែតុលា ឆ្នាំ២០២៦។ បច្ចុប្បន្ននេះ សាខារបស់ធនាគារ ប្រៃសណីយ៍កម្ពុជា សរុបកើនឡើងទៅចំនួន ៨០ សាខាទូទាំងប្រទេស។ សាខាថ្មីទាំង
ការលើកកម្ពស់ស្តង់ដារសុវត្ថិភាពអគ្គិភ័យសម្រាប់អគារនៅកម្ពុជា ជាមួយគណៈស្ថាបត្យករកម្ពុជា និង Jotun
ព្រឹត្តិការណ៍, អត្ថបទពាណិជ្ជកម្ម
• 07/10/2026
ភ្នំពេញ ៖ Jotun Cambodia កាលពីពេលថ្មីៗនេះ បានរៀបចំកម្មវិធី Fire Protection Insight Series 2026 ដោយបានប្រមូលផ្តុំសមាជិកនៃ Board of Architects Cambodia (គណៈស្ថាបត្យករកម្ពុជា) សមាគមស្ថាបត្យករខ្មែរ Architects Association
ស្នើសេវារំលស់ម៉ូតូ អិលអូអិលស៊ី គ្រប់ម៉ាក គ្រប់ស៊េរី! សេវារដ្ឋបាល ចាប់ពី 0%ឡើងទៅ! ផ្តល់ជូនពិសេស សម្រាប់ឱកាសបុណ្យភ្ជុំបិណ្ឌនេះប៉ុណ្ណោះ!
ព្រឹត្តិការណ៍, អត្ថបទពាណិជ្ជកម្ម
• 07/10/2026
ភ្នំពេញ ៖ ក្នុងឱកាសបុណ្យភ្ជុំបិណ្ឌ ដែលជាពេលវេលាដ៏មានអត្ថន័យសម្រាប់ការជួបជុំក្រុមគ្រួសារ និងការធ្វើដំណើរទៅស្រុកកំណើត អិលអូអិលស៊ី សូមផ្តល់ជូនប្រូម៉ូសិនពិសេសលើសេវារំលស់ម៉ូតូ ដើម្បីជួយឱ្យអតិថិជនកាន់តែងាយស្រួលក្នុងការក្លាយជាម្ចាស់ម៉ូតូសម្រាប់ការប្រើប្រាស់ប្រចាំថ្ងៃ និងការធ្វើដំណើរប្រកបដោយផាសុកភាព។ តាមរយៈប្រូម៉ូសិននេះ អតិថិជនអាចស្នើសេវារំលស់លើម៉ូតូសាំង និងម៉ូតូអគ្គិសនីគ្រប់ម៉ាក គ្រប់ស៊េរី ទាំងម៉ូតូថ្មី និងម៉ូតូមួយទឹកមានស្លាកលេខ ដោយទទួលបានអត្ថប្រយោជន៍ជាមួយ ប្រាក់ចូលរួមមុន និងសេវារដ្ឋបាលចាប់ពី 0% ឡើងទៅ
អាម៉េរិក និងក្រុមហ៊ុន Anduril រួមគ្នាវិនិយោគ ៦,៦ ពាន់លានដុល្លារ ពង្រីកសមត្ថភាពផលិតនាវាមុជទឹក
ព្រឹត្តិការណ៍, អាជីវកម្មថ្មី និងនវានុវត្ត
• 07/10/2026
ដ្ឋាភិបាលសហរដ្ឋអាម៉េរិក និងក្រុមហ៊ុនបច្ចេកវិទ្យាយោធា Anduril គ្រោងវិនិយោគរួមគ្នាប្រមាណ ៦,៦ ពាន់លានដុល្លារ ដើម្បីពង្រីកសមត្ថភាពផលិតនាវាមុជទឹក និងគ្រឿងបន្លាស់គាំទ្រសម្រាប់កងទ័ពជើងទឹកអាម៉េរិក
សម្ព័ន្ធមិត្ត ៣ ប្រទេស ពង្រាយយន្តហោះចម្បាំង ១០០គ្រឿង វាយប្រហារក្រុមហ៊ូទីនៅយេមែន
ព្រឹត្តិការណ៍, អាជីវកម្មថ្មី និងនវានុវត្ត
• 07/10/2026
យន្តហោះចម្បាំងសរុបប្រមាណ ១០០គ្រឿង របស់កងកម្លាំងយោធាមកពីប្រទេសអារ៉ាប៊ីសាអូឌីត តួគី និងប៉ាគីស្ថាន បានចូលរួមក្នុងការវាយប្រហារតាមអាកាសទ្រង់ទ្រាយធំប្រឆាំងនឹងក្រុមហ៊ូទី (Houthi) នៅប្រទេសយេមែន ក្រោមប្រតិបត្តិការដែលមានឈ្មោះថា «Operation Dawn of Yemen»
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content