ស្វែងយល់ពីការប្រើប្រាស់កម្ចីពីធនាគារ និងគ្រឹះស្ថានមីក្រូហិរញ្ញវត្ថុឱ្យមានប្រសិទ្ធភាព

ភ្នំពេញ ៖ ការប្រើប្រាស់កម្ចីចំគោលដៅ និងមានផែនការច្បាស់លាស់ ពិតជាបានជួយលើកស្ទួយជីវភាពរបស់ប្រជាជន ស្របពេលស្ថាប័នផ្តល់កកម្ចី ដែលរួមមានធនាគារ និងគ្រឹះស្ថានមីក្រូហិរញ្ញវត្ថុ បានបង្រីកសាខា និងសេវាហិរញ្ញវត្ថុជាច្រើននៅទូទាំងប្រទេស ដើម្បីបង្កភាពងាយស្រួលសម្រាប់ប្រជាជនក្នុងការទទួលបានកម្ចី ឬសេវាហិរញ្ញវត្ថុផ្លូវការ។ ប៉ុន្តែបន្ទឹមនេះ ក៏មានសំនួរមួយលើកឡើងថា តើធ្វើដូចម្តេចដើម្បីប្រើប្រាស់កម្ចីឱ្យជោគជ័យ និងប្រសិទ្ធភាព? មានចំណុចសំខាន់ៗមួយចំនួនគួរដឹង ប្រសិនបើអ្នកចង់ប្រើប្រាស់កម្ចីគ្រឹះស្ថានហិរញ្ញវត្ថុឱ្យមានប្រសិទ្ធភាព។

១.បែងចែកឱ្យច្បាស់រវាងកម្ចីបង្កើនចំណូល និងកម្ចីដែលបង្កឱ្យជាប់បំណុល

២.ប្រើប្រាស់កម្ចីឱ្យចំគោលដៅ

៣.កម្ចីដែលខ្ចីមកត្រូវប្រាកដថា វាជួយបង្កើតចំណូលដល់យើង ឬកាត់បន្ថយចំណាយ

៤.មានផែនការហិរញ្ញវត្ថុច្បាស់លាស់ ជាពិសេសផែនការប្រើប្រាស់ និងសងត្រឡប់

៥.ពិនិត្យ និងគ្រប់គ្រងរំហូរសាច់ប្រាក់ឱ្យប្រាកដថា យើងពិតជាមានលទ្ធភាពសងគេវិញបាន ដោយការសងត្រឡប់នៅគេក្នុងមួយៗ មិនគួរប៉ះពាលដល់ការចាយវាយប្រចាំថ្ងៃនោះទេ ឬមិនលើស ៣០% នៃប្រាក់ចំណូល

៦.បើករណីមានកម្ចីច្រើនស្ថាប័ន យើងគួរចាត់លំដាប់កម្ចីទៅតាមទំហំកម្ចីដែលនៅសល់ អត្រាការប្រាក់ដែលត្រូវសង កំណត់ថ្ងៃសងត្រឡប់ និងប៉ាន់ស្មានថ្ងៃត្រឡប់ បន្ទាប់មកយកទៅធ្វើផែនការសងត្រឡប់

៧.ប្រើប្រាស់កម្ចីឱ្យត្រូវតាមតម្រូវការ និងស្ថានភាពហិរញ្ញវត្ថុរបស់ខ្លួន

៨.ប្រសិនបើមានភាពលំបាកក្នុងការសងត្រឡប់ អតិថិជនអាចស្នើសុំគ្រឹះស្ថានរៀបចំឥណទានឡើងវិញ និងចរចារជាមួយស្ថាប័នរកដំណោះស្រាយ។

ប្រសិនបើអ្នកប្រើប្រាស់កម្ចីត្រូវទៅតាមគោលបំណង ដូចជាការពង្រីកអាជីវកម្ម ឬបង្កើតអាជីវកម្ម ដែលមានផែនការច្បាស់លាស់ និងការគ្រប់គ្រងហិរញ្ញវត្ថុត្រឹមត្រូវ នោះវានឹងជួយអ្នកបង្កើនចំណូលបន្ថែម ពិសេសវាជួយឱ្យអាជីវកម្មរបស់អ្នកមានរីកចម្រើនទៅតាមផែនការអាជីវកម្មរបស់អ្នក។

ដើម្បីជាចំណេះដឹងហិរញ្ញវត្ថុសម្រាប់ប្រជាជនក្នុងសម្រេចចិត្តផ្នែកហិរញ្ញវត្ថុ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ធ្លាប់លើកឡើងថា ការប្រើប្រាស់កម្ចីពីបណ្ដាគ្រឹះស្ថានធនាគារ និងមីក្រូហិរញ្ញវត្ថុ ដែលមានច្បាប់ត្រឹមត្រូវមិនមែនសុទ្ធតែជារឿងអាក្រក់នោះទេ ប្រសិនបើកម្ចីនោះយកទៅប្រើប្រាស់ចំគោលដៅ ដែលវាមិនត្រឹមតែមានលទ្ធភាពក្នុងការសងត្រឡប់នោះទេ ថែមទាំងជួយបង្កើនចំណូល ដែលជួយដល់ជីវភាពក្រុមគ្រួសារទៀតផង។

លោកជំទាវបណ្ឌិត ជា សិរី បានថ្លែងដូច្នេះថា ៖

“មានមតិមួយចំនួនលើកឡើងថា កម្ពុជាមានធនាគារជាច្រើន ហើយក៏នាំឱ្យប្រជាពលរដ្ឋជំពាក់ធនាគារច្រើន ជាការពិតការជំពាក់លុយគេមិនមែនសុទ្ធតែជារឿងអាក្រក់ទាំងអស់នោះទេ ក៏ព្រោះថា នៅពេលខ្ចីលុយ យើងត្រូវដឹងជាមុនថា តើយើងយកលុយដែលបានខ្ចីនេះទៅធ្វើអ្វី? ប្រសិនបើកម្ចីទៅលើការរកស៊ី ដើម្បីបានចំណូល បង្កើនចំណូល ហើយមានលទ្ធភាពសងត្រឡប់ទៅកាន់ម្ចាស់បំណុល នោះការជំពាក់ ឬខ្ចីលុយគេជារឿងល្អ ក៏ប៉ុន្ដែប្រសិនបើការខ្ចីលុយយកទៅប្រើប្រាស់ខុសគោលដៅ ដូចជាឡើងស៊េរីទូរស័ព្ទ ទិញម៉ូតូ ឬឡានថ្មី ទាំងនេះជាហានិភ័យ បង្កគ្រោះថ្នាក់ឈានដល់ការជាប់បំណុលលើសលប់។”

លោកជំទាវបណ្ឌិត បានបន្ថែមទៀតថា ៖

“យើងបានចែករំលែកចំណេះដឹងអំពីការការខ្ចីលុយផងដែរ ដោយធនាគារជាតិលើកទឹកចិត្ត ដល់ប្រជាពលរដ្ឋខ្ចីលុយតែពីគ្រឹះស្ថានធនាគារ ដែលមានច្បាប់ត្រឹមត្រូវ ជៀសវាងការខ្ចីប្រាក់ពីឯកជននានា ដែលគ្មានច្បាប់ និងមានអត្រាការប្រាក់ខ្ពស់ ព្រមទាំងបង្កហានីភ័យដល់ខ្លួន។”

លោកជំទាវបណ្ឌិត ជា សិរី បានគូសបញ្ជាក់ថា ការខ្ចីលុយពីគ្រឹះស្ថានមីក្រូហិរញ្ញវត្ថុ ឬធនាគារ ជាការពិតមុននឹងផ្ដល់កម្ចីមកកាន់អតិថិជន គ្រឹះស្ថានធនាគារទាំងអស់ ចាំបាច់ត្រូវតែពិនិត្យលើលទ្ធភាពអតិថិជនជាមុន ដើម្បីដឹងច្បាស់ថា តើអតិថិជនមានលទ្ធភាពសងត្រឡប់ ឬទេ? ក្នុងករណីអតិថិជនមិនមានលទ្ធភាព សងត្រឡប់មកគ្រឹះស្ថានធនាគារ នោះធនាគារនឹងមិនផ្ដល់កម្ចីដល់អតិថិជននោះឡើយ។ ចំពោះការខ្ចីប្រាក់ពីគ្រឹះស្ថានធនាគារ និងមីក្រូហិរញ្ញវត្ថុ អតិថិជនចាំបាច់ត្រូវជជែកសួរនាំយ៉ាងលម្អិត ជាមួយធនាគារដែលអតថិជននឹងត្រូវខ្ចី និងជៀសវាងជាដាច់ខាត ខ្ចីប្រាក់ពីឯកជននានា ដែលមិនមានច្បាប់អនុញ្ញាត ព្រោះវានឹងបង្កហានីភ័យដល់ខ្លួននៅពេលក្រោយ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល